চন্দন ৰয়

চন্দন ৰয়(জন্ম:২০ ডিচেম্বৰ,১৯৯৫) এগৰাকী ভাৰতীয় অভিনেতা। The Viral Fever ৰ দ্বাৰা নিৰ্মিত পঞ্চায়ত (দূৰদৰ্শন ধাৰাবাহিক) ৰ দ্বাৰা তেওঁ অভিনয় জীৱন আৰম্ভ কৰে।^১ দীপক কুমাৰ গুপ্তাৰ দ্বাৰা পৰিচালিত ৱেব ছিৰিজ খনত ৰয়ে প্ৰবীণ অভিনেতা ৰঘুবীৰ যাদৱ, নীনা গুপ্তা, জীতেন্দ্ৰ কুমাৰ আদিৰ সৈতে বিকাশ শুক্লাৰ চৰিত্ৰত অভিনয় কৰিছে। ৱেব ছিৰিজ খনত অভিনয় কৰাৰ পিছৰে পৰা তেওঁ দৰ্শক আৰু চলচ্চিত্ৰ সমালোচকৰ পৰা সমালোচনাত্মক মূল্যায়ন লাভ কৰিছে।

প্ৰাৰম্ভিক জীৱন

চন্দন ৰয়ৰ ঘৰ বিহাৰৰ মহনাৰৰ এখন গাঁৱত। স্কুলীয়া দিনত তেওঁ স্কুলৰ নাটক আৰু সামূহিক অনুষ্ঠানত অভিনয় কৰিছিল, যাৰ ফলত অভিনয়ৰ প্ৰতি তেওঁৰ আগ্ৰহ গঢ়ি উঠিছিল। তাৰ পিছত ৰয়ে পাটনা বিশ্ববিদ্যালয়ৰ পৰা গণ যোগাযোগত স্নাতক ডিগ্ৰী লাভ কৰাৰ উদ্দেশ্যে পাটনালৈ যায়।^২ পাটনাত তেওঁ কলেজৰ থিয়েটাৰ চাৰ্কিটৰ সৈতে সক্ৰিয়ভাৱে জড়িত হৈ পৰিছিল, বাটৰ নাট পৰিৱেশন কৰিছিল। উচ্চ শিক্ষাৰ বাবে তেওঁ ভাৰতীয় গণ সংযোগ প্ৰতিষ্ঠানত নামভৰ্তি কৰে আৰু ৰেডিঅ' আৰু টেলিভিছনত ডিপ্ল'মা লাভ কৰে।^৩

কেৰিয়াৰ

ভাৰতীয় গণ সংযোগ প্ৰতিষ্ঠানৰ পৰা স্নাতক ডিগ্ৰী পোৱাৰ পিছত তেওঁ দৈনিক জাগৰণত সাংবাদিক হিচাপে কাম কৰিছিল। তদুপৰি ভাৰতীয় গণ সংযোগ প্ৰতিষ্ঠানত থকা কালছোৱাত ৰয়ে দিল্লীত বাহৰুপ থিয়েটাৰ গ্ৰুপ, জৱাহৰলাল নেহৰু বিশ্ববিদ্যালয়, আৰু নেচনেল স্কুল অৱ ড্ৰামা আদিৰ সৈতে জড়িত আছিল।

জাগৰণত ডেৰ-দুবছৰ কাম কৰাৰ পিছত ৰয়ে চাকৰি এৰি ২০১৭ চনত মুম্বাইলৈ গুচি যায়।কিন্তু ২০১৯ চনত তেওঁ বিকাশ শুক্লাৰ চৰিত্ৰত পঞ্চায়তত অভিনয় কৰি দৰ্শক আৰু সমালোচকৰ প্ৰশংসা লাভ কৰিবলৈ সক্ষম হোৱাৰ লগতে জনপ্ৰিয় হৈ পৰে।

চলচ্চিত্ৰপঞ্জী

ফিল্ম

ৱেব ছিৰিজ