গীতাঞ্জলি ৰাও (বিজ্ঞানী)

গীতাঞ্জলী ৰাও (Gitanjali Rao; জন্ম ২০০৫) এগৰাকী ভাৰতীয়-আমেৰিকান আৱিষ্কাৰক, বৈজ্ঞানিক, লেখিকা আৰু ষ্টেম (STEM; বিজ্ঞান, প্ৰযুক্তি, অভিযান্ত্ৰিক আৰু গণিত) প্ৰবন্ধক। তেওঁ ২০১৭ চনত ডিস্ক'ভাৰি এড্যুকেশ্বন 3M ইয়ং বিজ্ঞানী চেলেঞ্জ বিজয়ী। তেওঁৰ উদ্ভাৱনৰ বাবে তেওঁ 'ফৰবেছ' 30 U 30 হিচাপে স্বীকৃতি লাভ কৰিছে।^১ তেওঁ সমগ্ৰ দেশত পৰিচয় কৰোৱা তেওঁৰ উদ্ভাৱন আৰু "উদ্ভাৱন কৰ্মশালা"ৰ বাবে ২০২০ চনৰ 'টাইম টপ যুৱ উদ্ভাৱক' বুলি নামকৰণ কৰা হৈছে।^২ ২০২০ চনৰ ৪ ডিচেম্বৰৰ টাইম আলোচনীৰ বেটুপাতত তেওঁৰ ফটো "কিড্ অফ দ্য ইয়েৰ" হিচাপে প্ৰকাশ কৰা হৈছে।

প্ৰাৰম্ভিক জীৱন

গীতঞ্জলী কালাৰাডোৰ ল'ন ট্ৰিত বাস কৰে। তেওঁ ষ্টেম(STEM) স্কুল হাইলেণ্ডচ ৰানচ্ ত অংশগ্ৰহণ কৰি বিজয়ী হয়।^৩ তেওঁ মাচাচুচেটছ ইনষ্টিটিউট অফ টেকন'লজীত বংশগতি বিজ্ঞান আৰু বহুব্যাপক ৰোগ বিজ্ঞান বিভাগত অধ্যয়ন কৰিব বিচাৰে।^৪৫৬ তেওঁ লিঙ্গ ব্যৱধানৰ বিষয়েও নিজৰ মত ব্যক্ত কৰিছে।

পেচা আৰু লাভ কৰা স্বীকৃতি

গীতাঞ্জলিয়ে ফ্লিণ্ট পানীৰ সংকটৰ কথা বাতৰি শুনি থাকোঁতে গম পাইছিল।^৭৮৯ ইয়াৰ পিছতেই তেওঁৰ বিষয়টোৰ প্ৰতি আগ্ৰহ জন্মে আৰু তেওঁ সেই পানীত থকা লিডৰ মাত্ৰা জুখিবৰ বাবে পৰৱৰ্তী সময়ত কাৰ্বন নেনোটিউবৰ ওপৰত আধাৰিত এটা যন্ত্ৰ তৈয়াৰ কৰে। টেথিছ নামৰ এই যন্ত্ৰবিধে ব্লুটুথৰ মাধ্যমেৰে তথ্য প্ৰেৰণ কৰিব পাৰে।^১০ তেওঁ 3M ত এগৰাকী গৱেষক বিজ্ঞানীৰ সৈতে কাম কৰিছিল।^১১ ২০১৭ চনত তেওঁ ডিছক'ভাৰী এড্যুকেচন থ্ৰী এম য়ং চাইনটিষ্ট চেলেঞ্জত তেওঁৰ টেথিছ নামৰ ব্লুটুথ ডিভাইচটোৰ বাবে বিজয়ী ঘোষিত হয় আৰু $২৫,০০০ পুৰস্কাৰ লাভ কৰে।^{৪১২১৩} টেথিছত এটা ন ভল্টৰ বৈদ্যুতিক কোষ, এটা লীড সংবেদনশীল একক, এটা ব্লুটুথ সম্প্ৰসাৰক আৰু এটা প্ৰচেচৰ থাকে।^৪ ই কাৰ্বন নেনোটিউব ব্যৱহাৰ কৰে, লীডৰ উপস্থিতিত ইয়াৰ প্ৰতিৰোধ ক্ষমতা সলনি হয়। ^৩১৪ তেওঁ মাচাচুচেটছ ইনষ্টিটিউৰ ৱেবচাইটৰ পৰা কাৰ্বন নেনোটিউবৰ বিষয়ে শিকে।^১৫ তেওঁ বৈজ্ঞানিক আৰু চিকিৎসা কৰ্মী সকলৰ সৈতে "টেথিছ"ৰ ব্যৱহাৰ্যতাৰ সম্ভাৱনা সম্পৰ্কে কাম কৰিবলৈ পৰিকল্পনা কৰে।^১৬ তেওঁ তেওঁৰ বিচাৰধাৰা ২০১৮ৰ মেকাৰ্ছ কনফাৰেন্সত উপস্থাপন কৰে আৰু ইয়াৰ জৰিয়তেও তেওঁ $২৫,০০০ লাভ কৰে।^১৭

২০১৯ চনৰ পৰা গীতাঞ্জলিয়ে ডেনভাৰ পানীৰ সুবিধা সম্পৰ্কে কাম কৰি আছে আৰু অহা দুবছৰৰ ভিতৰত তেওঁ এই সম্পৰ্কে কাম কৰিব পৰাকৈ এটা নতুন ডিভাইচৰ আৰ্হি পাব বুলি আশাবাদী। ^১৮

অপিয়ইড আসক্তিৰ প্ৰাথমিক চিনাক্তকৰণৰ বাবে জেনেটিক ইঞ্জিনীয়াৰিংৰ অগ্ৰগতিৰ ভিত্তিত ৰোগ-নিদানৰ সঁজুলি বিকাশৰ বাবে ২০১৯ চনৰ মে' মাহত গীতাঞ্জলিক টপ "হেলথ" পিলাৰ প্ৰাইজ ফৰ টিচিএচ ইগনাইট ইন'ভেশ্যন ষ্টুডেণ্ট চেলেঞ্জৰ বঁটা প্ৰদান কৰা হয়।^১৯

তেওঁ বৰ্তমানলৈকে তিনিবাৰকৈ TEDx মেডিয়াত তেওঁৰ বক্তব্য আগবঢ়াইছে।^২০ ২০১৮ চনৰ ছেপ্টেম্বৰ মাহত ৰাওক আমেৰিকা যুক্তৰাষ্ট্ৰৰ পৰিৱেশ সুৰক্ষা সংস্থাই পৰিৱেশ যুৱ বঁটা আগবঢ়াই।^২১

তেওঁ এজন দক্ষ পিয়ানো বাদক। তেওঁৰ মাতৃৰ মতে, গীতাঞ্জলিয়ে যেতিয়া তিনি বছৰ বয়সত অসুস্থ হৈ থকা কাৰোবাক সহায় কৰিবলৈ তেওঁ কি কৰিব পাৰে বুলি সুধিছিল; মাকে তেতিয়া সংগীত বজোৱাৰ পৰামৰ্শ দিছিল।^২২

তেওঁ বৰ্তমান স্কাউটৰ সদস্য আৰু আমেৰিকা যুক্তৰাষ্ট্ৰৰ স্কাউটিং 'ষ্টেম' কাৰ্য্যসূচী (বিজ্ঞান, প্ৰযুক্তি, অভিযান্ত্ৰিক আৰু গণিত)ৰ এজন সদস্য।^২৩

ৰাও হৈছে টাইম (আলোচনী)ৰ 'কিড অফ দ্য য়েৰ' খিতাপ লাভ কৰা প্ৰথম ব্যক্তি।^২৪