ক্ৰিকবাজ

ক্ৰিকবাজ হৈছে টাইমছ ইণ্টাৰনেটৰ মালিকানাধীন ৱেবছাইট। ইয়াত ক্ৰিকেট খেলৰ বাতৰি, প্ৰবন্ধ, আৰু পোনপটীয়া সম্প্ৰচাৰ থাকে — য’ত ভিডিঅ’, পাঠ্য, ভাষ্য, খেলুৱৈৰ পৰিসংখ্যা আৰু দলৰ শ্ৰেণীবিভাগ অন্তৰ্ভুক্ত। ইয়াৰ এটা ম'বাইল এপ্লিকেচনো আছে।^১

ক্ৰিকবাজ হৈছে ক্ৰিকেটৰ বাতৰি আৰু স্ক'ৰৰ বাবে আটাইতকৈ জনপ্ৰিয় ম'বাইল এপ্লিকেচনসমূহৰ ভিতৰত এটা।^২ ২০১৪ চনত ভাৰতত আটাইতকৈ বেছি বিচৰা ৱেবছাইটৰ ভিতৰত ই সপ্তম স্থানত আছিল।^৩ ২০২২ চনৰ ফেব্ৰুৱাৰীলৈকে এই ম'বাইল এপ্লিকেচনটোৰৰ ডাউনলোড ১০ কোটিতকৈ অধিক, আৰু ২০১৫ চনৰ জানুৱাৰীলৈকে ৫০ কোটি ব্যৱহাৰকাৰীয়ে ব্যৱহাৰ কৰি ২.৬ বিলিয়ন পৃষ্ঠাদৰ্শন সৃষ্টি কৰিছিল।^৪

ইতিহাস

২০০৪ চনত ক্ৰিকবাজ পংকজ ছাপাৰৱাল, পিয়ুছ আগৰৱাল আৰু প্ৰবীণ হেগডে দ্বাৰা প্ৰতিষ্ঠা কৰা হৈছিল।^৫ ২০১০ চনত লাইভ ক্ৰিকেট বাতৰি আৰু স্ক'ৰৰ বাবে ম'বাইল এপ্লিকেচন উন্নয়ন আৰম্ভ কৰে।

নৱেম্বৰ ২০১৪-ত টাইমছ ইণ্টাৰনেটে ক্ৰিকবাজৰ বেছিভাগ অংশৰ অধিকাৰ গ্ৰহণ কৰে। ৱেবছাইটটো মূল প্ৰতিষ্ঠাপকসকলেই চলাই গৈছে।^৫৬

জানুৱাৰী ২০১৫-ত টাইমছ ইণ্টাৰনেটৰ মালিকানাধীন গ' ক্ৰিকেট ক্ৰিকবাজত একত্ৰিত কৰা হয়। তাৰ ৱেবছাইট ক্ৰিকবাজলৈ পুনঃনিৰ্দেশ কৰা হয় আৰু মোবাইল এপটোও একত্ৰিত কৰা হয়।^৬ ২০১৬ চনৰ ছেপ্তেম্বৰত ক্ৰিকবাজে হৰ্ষ ভোগলেকে 'ভয়েচ অৱ ক্ৰিকেট' হিচাপে নিযুক্ত কৰে আৰু তেতিয়াৰে পৰা ১৫০ৰো অধিক ভিডিঅ’ প্ৰস্তুত কৰিছে।^৭

আগষ্ট ২০১৫-ত ক্ৰিকবাজ ভাৰত-শ্ৰীলংকা টেষ্ট শৃংখলাৰ টাইটেল স্পন্সৰ হিচাপে নাম ঘোষণা কৰা হয়।^৮৯

২০১৯ চনৰ দ্বিতীয় প্ৰান্তিকত ক্ৰিকবাজক বিশ্বৰ দ্বিতীয় সৰ্বাধিক ডাউনলোড হোৱা বাতৰি এপ হিচাপে গণ্য কৰা হয়।^১০

এপ্ৰিল ২০২৪-ত ২০২৪ আইপিএল আৰম্ভ হোৱাৰ আগতে ৱিলো — আমেৰিকা আৰু কানাডাৰ এটা ক্ৰিকেট সম্পৰ্কীয় টিভি চেনেল — ক্ৰিকবাজত একত্ৰিত কৰা হয়। ইয়াৰ দ্বাৰা সেই বজাৰত ক্ৰিকবাজৰ ম'বাইল এপৰে ৱিলোৰ প্ৰিমিয়াম চুবচক্ৰিপচন সামগ্ৰীসমূহ উপলব্ধ কৰে।^১১

বাহ্যিক সংযোগ

• (মোবাইল)