অসমীয়া বিশ্বকোষঅসম আৰু অসমীয়া ভাষাৰ জ্ঞানকোষ
অৱদান
কলা আৰু সংস্কৃতি

কুথু

কুথু বা থেৰুকুথু এক প্ৰাচীন তামিল শিল্পকলা। ইয়াত শিল্পীসকলে নৃত্য আৰু সংগীতৰ মাধ্যমেৰে মহাকাব্য তথা লোককথাৰ দৃশ্যসমূহ ৰূপায়ণ কৰে। এইটো গল্প কোৱাৰ এক কলা মাধ্যম, যাৰ উৎপত্তি প্ৰাচীন তামিলকামত হৈছিল। ই মনোৰঞ্জনৰ মাধ্যম হোৱাৰ লগতে মানুহক ধৰ্ম আৰু ইতিহাসৰ শিক্ষা দিয়াৰো এটা আহিলা আছিল।

অসমীয়া ৱিকিপিডিয়াৰ অৱদানকাৰীসকল হালনাগাদ: ২৯ ছেপ্তেম্বৰ ২০২৬ ৪১৭ শব্দ · ২ মিনিট সংগৃহীত ৮১
সংশোধনৰ পৰামৰ্শ

কুথু বা থেৰুকুথু এক প্ৰাচীন তামিল শিল্পকলা। ইয়াত শিল্পীসকলে নৃত্য আৰু সংগীতৰ মাধ্যমেৰে মহাকাব্য তথা লোককথাৰ দৃশ্যসমূহ ৰূপায়ণ কৰে। এইটো গল্প কোৱাৰ এক কলা মাধ্যম, যাৰ উৎপত্তি প্ৰাচীন তামিলকামত হৈছিল। ই মনোৰঞ্জনৰ মাধ্যম হোৱাৰ লগতে মানুহক ধৰ্ম আৰু ইতিহাসৰ শিক্ষা দিয়াৰো এটা আহিলা আছিল। ইয়াৰ বিভিন্ন ৰূপ আছে, যেনে তেৰুকুট্টু আৰু কাট্টাইকুট্টু।

বিৱৰণ

কুথু এবিধ প্ৰাচীন তামিল শিল্পকলা। ই একপ্ৰকাৰৰ ভাৰতীয় শাস্ত্ৰীয় নাটক। ইয়াত শিল্পীসকলে নৃত্য আৰু সংগীতৰ সহায়ত মহাকাব্য আৰু লোককথাৰ দৃশ্যসমূহ অভিনয় কৰি দেখুৱায়। ইয়াত নাট্য প্ৰদৰ্শনৰ সৈতে ধাৰাবিৱৰণী আৰু গায়নো অন্তৰ্ভুক্ত থাকে।১ শিলপ্পাটিকাৰমৰ দৰে সংগম সাহিত্যত এই শিল্পকলাৰ বিতং বিৱৰণ পোৱা যায়।২ ইয়াৰ কাহিনীসমূহ ৰামায়ণ, মহাভাৰত, পৌৰাণিক কথা আৰু লোককথাৰ দৰে হিন্দু মহাকাব্যৰপৰা লোৱা হয়। মনোৰঞ্জনৰ উপৰি কুথুৱে গ্ৰাম্য অঞ্চলৰ লোকসকলক ধৰ্ম আৰু ইতিহাসৰ শিক্ষা দিয়াৰ এক মাধ্যম হিচাপে কাম কৰে।৩

প্ৰকাৰভেদ

কুথু প্ৰধানকৈ তেৰুকুট্টু আৰু কাট্টাইকুট্টু নামৰ শিল্পকলাৰে গঠিত। তেৰুকুট্টু বুলিলে শোভাযাত্ৰাত কৰা ভ্ৰাম্যমাণ প্ৰদৰ্শনক বুজায়। আনহাতে কাট্টাইকুট্টুৱে এক নিৰ্দিষ্ট স্থানত প্ৰায়ে গোটেই নিশা কৰা আখ্যানমূলক প্ৰদৰ্শনক বুজায়।৪৫ সাধাৰণতে কুথু মানে এটা প্ৰদৰ্শন। ইয়াক আন আন নিৰ্দিষ্ট শিল্পকলা বুজাবলৈ নামৰ অংশ হিচাপে ব্যৱহাৰ কৰা হয়। ইয়াৰ ভিতৰত নাট্টু কুথু, কুৰাভাই কুথু আৰু ভাল্লি কুথু অন্যতম। এইসমূহে তামিল দেশৰ বিভিন্ন লোকৰ অৱস্থা আৰু সংস্কৃতিৰ দৃশ্যসমূহ চিত্ৰিত কৰে। সময়া কুথুৱে ধৰ্মীয় বিষয়সমূহ প্ৰদৰ্শন কৰে। আনহাতে পোৰকালা কুথু, পেই কুথু আৰু থুনাংগাই কুথুৱে দেশৰ যুদ্ধ কলা আৰু যুদ্ধৰ ওপৰত গুৰুত্ব দিয়ে। আন কিছুমান ৰূপৰ ভিতৰত চাক্যাৰ কুথু আৰু ওট্টান কুথু অন্যতম, যি এক জনজাতীয় ধৰ্মীয় নৃত্য শৈলী।৬৭ এডাল সূতাৰে চলোৱা একপ্ৰকাৰৰ পুতলা নাচ বোম্মালাট্টমকো থল পাভাই কুথু (চামৰাৰ পুতলাৰ নৃত্য) বুলি কোৱা হয়।৮

প্ৰদৰ্শন

কুথু প্ৰদৰ্শনকাৰী
কুথু প্ৰদৰ্শনকাৰীছবি: Rajavasanthan · CC BY-SA 3.0

প্ৰদৰ্শনকাৰীসকলক "কুথাৰ" বুলি কোৱা হয়।২ তেওঁলোকে কাঠৰ তৈয়াৰী ধুনীয়া শিৰোনাম, ঘূৰণীয়া স্কাৰ্ট থকা বিশেষ সাজ-পোছাক, গধুৰ জুনুকাৰ দৰে অলংকাৰ পিন্ধে। ইয়াৰ লগতে মুখমণ্ডলত গভীৰভাৱে ৰং আৰু মেক-আপ লগায়।৯ পৰম্পৰাগতভাৱে প্ৰদৰ্শনকাৰীসকল মূলতঃ পুৰুষ আছিল যদিও আধুনিক যুগত মহিলাসকলকো অন্তৰ্ভুক্ত কৰা হৈছে।১০

এই কলা একপ্ৰকাৰৰ বাটৰ নাট। ইয়াক উৎসৱৰ সময়ত মুকলি ৰাজহুৱা স্থান যেনে মন্দিৰ বা গাঁৱৰ চকত প্ৰদৰ্শন কৰা হয়। ই সাধাৰণতে মৰিআম্মা বা দ্ৰৌপদীৰ দৰে হিন্দু দেৱীৰ নামত উৎসৰ্গিত হয়। এই নৃত্যৰ সৈতে পৰম্পৰাগত বাদ্যযন্ত্ৰৰ সংগীত থাকে। প্ৰদৰ্শনৰ সময়ত পিছপিনে থকা এজন 'কাট্টিয়াকাৰণ' বা সূত্ৰধাৰে কাহিনীটো বৰ্ণনা কৰে।৯ শিল্পীসকলে প্ৰায়ে এজন নাট্টুৱনাৰ (শিক্ষক) তত্ত্বাৱধানত 'কুথু পট্টৰাই' (নাট্য কৰ্মশালা)ত প্ৰশিক্ষণ লয়।১১

চৰ্চাৰ ক্ষেত্ৰসমূহ

কুথু হৈছে এক শিল্পকলা। ইয়াৰ চৰ্চা সংগম যুগৰপৰাই তামিলনাডুত চলি আহিছে।২১২ একবিংশ শতিকাত কুথু-পি-পট্টৰাইৰ দৰে নাট্য গোষ্ঠীয়ে এই শিল্পকলা প্ৰদৰ্শন কৰি আহিছে।১৩১৪ শিল্পীসকলক প্ৰশিক্ষণ দিবৰ বাবে কাট্টাইকুথু গুৰুকুলমৰ দৰে সুকীয়া বিদ্যালয় আৰু বিভিন্ন প্ৰশিক্ষণ কাৰ্যসূচীও স্থাপন কৰা হৈছে।৫১৫ ২০২০ চনৰ আৰম্ভণিতে, ক’ৰোনা অতিমাৰীৰ বাবে হোৱা ক’ভিড-১৯ লকডাউন তলাবন্ধৰ বাবে এই শিল্পকলাৰ চৰ্চা হ্ৰাস পাইছিল আৰু শিল্পীসকলে জীৱিকা উপাৰ্জনৰ বাবে সংগ্ৰাম কৰিবলগীয়া হৈছিল।১৬

তামিলনাডুৰ উপৰি, যেতিয়া তামিল লোকসকলে শ্ৰীলংকা আৰু ফিজিৰ দৰে বিভিন্ন দেশলৈ প্ৰব্ৰজন কৰিলে, তেতিয়া এই শিল্পকলাও সেইবোৰ অঞ্চললৈ সম্প্ৰসাৰিত হ’ল।১৭১৮ ফিজিত ইয়াক "তিৰিকুটু" বুলি কোৱা হয় আৰু মন্দিৰৰ উৎসৱসমূহৰ সময়ত পুৰুষসকলে ইয়াক প্ৰদৰ্শন কৰে।১৮১৯

লগতে চাওক

বহিঃসংযোগ

তথ্যসূত্ৰ

  1. ↑ (2012). Images of the Body in India: South Asian and European Perspectives on Rituals and Performativity. Taylor & Francis. ISBN 978-1-13670-392-8
  2. ↑ Vijaya Ramaswamy. (2017). Historical Dictionary of the Tamils. Rowman & Littlefield. পৃ. 357. ISBN 978-1-538-10686-0
  3. ↑ Therukoothu. Tamilnadu.com
  4. ↑ Therukoothu: The People's Art. Times of Madurai
  5. ↑ Mangai, A. (26 March 2025). How a koothu performance proved to be a social leveller. দ্য হিন্দু
  6. ↑ Theru Koothu
  7. ↑ Shovana Narayan. (2004). Folk Dance Traditions of India. Shubhi Publication. পৃ. 226-227. ISBN 978-81-87226-93-2
  8. ↑ (15 May 2013). Shadow play. Frontline
  9. ↑ Wolf, Gita; Geetha, V.; Ravishankar, Anushka. (2003). Masks and Performance with Everyday Materials. Tara Publishing. পৃ. 37-38. ISBN 978-8-18621-147-2
  10. ↑ Srinivasaraghavan, N. C. (7 October 2021). [https://www.thehindu.com/entertainment/theatre/women-take-centre-stage-at-kattaikkuttu-sangam/article]] Women take centre stage at Kattaikkuttu Sangam]. দ্য হিন্দু
  11. ↑ (8 November 2018). Remembered realities. Frontline
  12. ↑ Niraalee Shah. (2021). Indian Etiquette: A Glimpse Into India's Culture. Notion Press. পৃ. 132. ISBN 978-1-63886-554-4
  13. ↑ Santhanam, Kausalya. (21 September 2005). Master of avant-garde theatre. দ্য হিন্দু
  14. ↑ (21 September 2005). Koothu-P-Pattarai. India9
  15. ↑ (18 May 2016). Koothu comes to town. দ্য হিন্দু
  16. ↑ Shekar, Anjana. (18 June 2020). Traditional folk artists across Tamil Nadu hit hard during lockdown. The News Minute
  17. ↑ (February 2016). Diasporic Monograph. দক্ষিণ এচিয় আঞ্চলিক সহযোগিতা সংস্থা. পৃ. 181
  18. ↑ (28 July 2015). Hindus In Navua Mark End Of Pooja. Fiji Sun
  19. ↑ (26 May 2015). Devotees prepare for prayer ceremony. Fiji Times

সম্পৰ্কিত শ্ৰেণী

কেৰালাৰ সংস্কৃতি

উৎস আৰু অনুজ্ঞাপত্ৰ

উৎস: অসমীয়া ৱিকিপিডিয়া। এই প্ৰবন্ধটো অসমীয়া ৱিকিপিডিয়াৰ “কুথু” প্ৰবন্ধৰ সংশোধন ৬৩৯৫৪২ (২৯ ছেপ্তেম্বৰ ২০২৬)ৰ পৰা আনি অসমীয়া বিশ্বকোষৰ গাঁথনিলৈ ৰূপান্তৰ কৰা হৈছে। মূল লেখকসকলৰ তালিকা সম্পাদনা-ইতিহাসত উপলব্ধ। পাঠ্য CC BY-SA 4.0।

এই প্ৰবন্ধটো উদ্ধৃত কৰক