এম ইব্ৰাহিম আলি

এম ইব্ৰাহিম আলি(M Ibrahim Ali) (১৯১৭-১৯৭৫) আছিল অসমৰ এজন শিক্ষাবিদ আৰু সাহিত্যিক। তেওঁৰ জন্ম হয় দৰং জিলাৰ, 'মঙলদৈ'ৰ ছিপাঝাৰৰ ওচৰৰ শিঙিমাৰী গাঁৱত। ^১

জীৱনৰ আদি ভাগ

ইম ইব্ৰাহিম আলিৰ জন্ম হয় ১৯১৭ চনত। তেওঁৰ পিতৃ মৰহুম আবিদ আলি আৰু মাতৃ আমিনা খাতুন। মঙলদৈ হাই স্কুলৰ অষ্টম শ্ৰেণীলৈকে পঢ়ি যোৰহাট নৰ্মাল স্কুলত নাম লগায়। পাছত প্ৰাইভেট পৰীক্ষাৰ্থী হিচাপে এম. এ. ডিগ্ৰী লাভ কৰে।

কৰ্ম জীৱন

এম ইব্ৰাহিম আলি আছিল এজন শিক্ষক, বিদ্যালয়ৰ উপ-পৰিদৰ্শক। তেওঁ সৈন্য বাহিনীৰ চাকৰিটো যোগদান কৰিছিল। তেওঁ এজন সাহিত্যিক হিচাপে আত্মপ্ৰকাশ কৰে। ১৯৫১ চনৰ পৰা চাৰিবছৰ কাল তেওঁ শিশু আলোচনী 'কাঁচিজোন'ৰ সম্পাদক আছিল। তেওঁ কবিতা, জীৱনী, উপন্যাস, শিশু-উপন্যাস আদি সাহিত্যৰ নানান দিশত মূল্যৱান অহিৰণা আগবঢ়ায়।

সাহিত্য

কবিতা পুথি

• ‘চাহাৰা’ (১৯৪৭),
• ‘নিস্তব্ধ, বিষাদ’ (১৯৭৪)

উপন্যাস

• ‘পৰী কুৱঁৱৰীৰ দেশত’ (১৯৫৫,)
• 'ৰাজদ্ৰোহী'
• 'মাটি আৰু সোণ'
• 'পুৱতি নিশাৰ অনামী তৰা'

শিশু সাহিত্য

• ‘কাঁচিজোন’ (আলোচনী)
• ‘পৰী কুৱঁৰীৰ দেশত’ (শিশু উপন্যাস,১৯৫৫)
• 'কুমাৰী জেবুন্নিচা'
• 'চোহৰাব ৰুস্তম'

বঁটা আৰু সন্মান

শিশু উপন্যাস ‘পৰী কুৱঁৰীৰ দেশত’ গ্ৰন্থৰ বাবে তেওঁ ৰাষ্ট্ৰপতিৰ পুৰস্কাৰ লাভ কৰে।