ইৰুলা ভাষা

ইৰুলা (থলুৱাভাৱে: ër̠la/ïr̠la, )^১ হৈছে এটা দ্ৰাবিড়ীয় ভাষা। ভাৰতৰ তামিলনাডু, কেৰালা আৰু কৰ্ণাটক ৰাজ্যৰ নীলগিৰি অঞ্চলত বাস কৰা ইৰুলা জনগোষ্ঠীৰ লোকে এই ভাষা কয়।^২ এই ভাষা তামিল ভাষাৰ অতি ঘনিষ্ঠ। ইয়াৰ বাবে তামিল লিপি ব্যৱহাৰ কৰা হয়।

নামকৰণ

'ইৰুল' মানে 'কলা' আৰু '-আ/ইগা' মানে 'মানুহ'। এই শব্দ দুটাৰ পৰাই ইৰুলা শব্দটো আহিছে।^৩৪

উৎপত্তি

ভাৰততত্ত্ববিদ কামিল জভেলেবিলে পোনপ্ৰথমে এই ভাষাৰ বৰ্ণনা আৰু শ্ৰেণীবিভাজন কৰিছিল। তেওঁ ১৯৫৫ চনত দেখুৱাইছিল যে ইৰুলা এটা স্বতন্ত্ৰ দক্ষিণ দ্ৰাবিড়ীয় ভাষা। ই বিশেষকৈ পুৰণি তামিলৰ সৈতে সাদৃশ্যপূৰ্ণ। ইয়াত কিছুমান কন্নড় ভাষাৰ দৰে বৈশিষ্ট্যও আছে। তাৰ আগতে এই ভাষাক স্বতন্ত্ৰ বুলি স্বীকাৰ কৰা হোৱা নাছিল। ইয়াক তামিল আৰু কানাড়া ভাষাৰ এটা মিশ্ৰিত ৰূপ বুলিহে ভবা হৈছিল।

কামিল জভেলেবিলৰ এটা প্ৰাৰম্ভিক অনুমান আছিল। সেই অনুসৰি ইৰুলাসকলৰ পূৰ্বপুৰুষসকলে এটা প্ৰাচীন তামিল উপভাষা ক’বলৈ আৰম্ভ কৰিছিল। এই নতুন উপভাষাটোৱে তেওঁলোকৰ পুৰণি থলুৱা ভাষাক সম্পূৰ্ণৰূপে সলনি কৰি পেলাইছিল। পৰৱৰ্তী সময়ত ই নীলগিৰি অঞ্চলৰ অন্যান্য জনজাতীয় ভাষাৰ সংস্পৰ্শলৈ আহে। লগতে কানাড়া, তামিল আৰু মালয়ালম আদি ডাঙৰ ভাষাসমূহৰ সৈতেও ইয়াৰ সংযোগ ঘটে।^৫

ধ্বনিবিজ্ঞান

তলৰ তালিকাত ইৰুলা ভাষাৰ স্বৰধ্বনি^৬ আৰু ব্যঞ্জনধ্বনি^৭৮৯সমূহ দেখুওৱা হৈছে।

স্বৰধ্বনি

জভেলেবিল আৰু পেৰিয়ালৱাৰে আগতে কেন্দ্ৰীকৃত <ä, ǟ> ধ্বনি তালিকাভুক্ত কৰিছিল। কিন্তু <ä, ǟ> আৰু <a, ā> ধ্বনিৰ মাজৰ প্ৰকৃত পাৰ্থক্য স্পষ্ট নহয়।

ব্যঞ্জনধ্বনি

• /d/ আৰু /r/ ধ্বনি দুটা কেনেকৈ পৃথক, সেইটো স্পষ্ট নহয়।

উৎসসমূহ

• Zvelebil, K. V. (1979). Irula Riddles. Bulletin of the School of Oriental and African Studies, University of London. পৃ. 361–368
• Krishnamurti, Bhadriraju. (2003). The Dravidian Languages. Cambridge University Press. ISBN 0-521-77111-0
• Perialwar, R. (1978). A Grammar of Irula. Annamalai University
• Perialwar, R. (1979). Phonology of Irula with Vocabulary. Annamalai University
• Zvelebil, Kamil V. (2001). Nilgiri Areal Studies. Charles University in Prague, Karolinum Press. ISBN 80-7184-945-6

অধিক পঢ়ক

• Zvelebil, Kamil. (1973). The Irula language, Volumes 1-3. Harrassowitz. ISBN 978-3-447-01520-2
• Darwin, L. (2007). Language of irulas a linguistic study. University of Kerala