ইদাৰ বীৰা ভেংকটা সত্যনাৰায়ণ

ইদাৰা বীৰা ভেংকটা সত্যনাৰায়ণ (জন্ম: ১০ জুন ১৯৫৬ – ২১ জানুৱাৰী ২০১১) এগৰাকী ভাৰতীয় চলচ্চিত্ৰ পৰিচালক, চিত্ৰনাট্যকাৰ আৰু প্ৰযোজক। তেলেগু চলচ্চিত্ৰত মুঠ ৫১খন ছবি পৰিচালনা কৰাৰ লগতে বহু অভিনেতাক তেলেগু চিনেমাৰ সৈতে পৰিচয় কৰাই দিছিল। কমেডী আৰু মেলোড্ৰামা ছবি নিৰ্মাণৰ বাবে তেওঁ সুপৰিচিত আছিল। ২০০০ চনত তেওঁ নিজাকৈ প্ৰডাকচন কোম্পানী ই.ভি.ভি.চিনেমা প্ৰতিষ্ঠা কৰে। ২০১১ চনত তেওঁৰ মৃত্যু হয়।

জীৱনী

প্ৰাথমিক জীৱন

১৯৫৬ চনৰ ১০ জুনত বৰ্তমান ভাৰতৰ অন্ধ্ৰপ্ৰদেশৰ পশ্চিম গোদাবৰী জিলাৰ কোৰুমামিডি গাঁৱত সত্যনাৰায়ণৰ জন্ম হৈছিল।^১ তেওঁৰ পিতৃ-মাতৃৰ নাম আছিল ভেংকট ৰাও আৰু ভেংকটা ৰত্নম।

চলচ্চিত্ৰ কেৰিয়াৰ

ই.ভি.ভি.য়ে চেন্নাইত থকা প্ৰথম দিনবোৰত বহু কষ্টৰ সন্মুখীন হৈছিল। চলচ্চিত্ৰৰ প্ৰতি তেওঁৰ আকৰ্ষণ, অদম্য দৃষ্টিভংগী, অধ্যৱসায়, আৰু উদ্যোগটোত ইয়াক ডাঙৰ কৰি তোলাৰ দৃঢ়তাই বিশিষ্ট প্ৰযোজক নৱথ কৃষ্ণম ৰাজুৰ দৃষ্টি আকৰ্ষণ কৰিছিল, যাৰ সহায়ত তেওঁ দেৱদাস কনকলাত যোগদান কৰিছিল অ’ ইংতি ভাগৱত ছবিৰ সহকাৰী পৰিচালক হিচাপে। পিছলৈ প্ৰায় ৮ বছৰ পৰিচালক জান্ধ্যালাৰ অধীনত কাম কৰি নালুগু স্তম্ভলতা (১৯৮২), ৰেণ্ডু জেলা সীথা (১৯৮৩), নেলাভাংকা (১৯৮৩), ৰেণ্ডু ৰেল্লা আৰু (১৯৮৫), আহা না পেলাণ্টা (১৯৮৭) আৰু হাই হাই নায়কা (১৯৮৯) আদি ২২খন ছবি নিৰ্মাণ কৰে। ইন্দ্ৰুদু চন্দ্ৰুডু চিনেমাখনৰ সহ-পৰিচালক হিচাপেও কাম কৰিছিল।

সত্যনাৰায়ণৰ পৰিচালনাৰ প্ৰথম ছবি চেভিলো পুভভু ডাঙৰ ফ্লপ হৈছিল। তেওঁ ইমানেই হতাশ হৈ পৰিছিল যে তেওঁ চলচ্চিত্ৰ উদ্যোগ এৰি যোৱাৰ চিন্তা কৰিছিল।^২ তেওঁৰ ভাগ্য সলনি হ’ল যেতিয়া প্ৰযোজক ডি ৰমনাইডুৱে তেওঁক সকলো কেন্দ্ৰতে সফলতাৰে প্ৰদৰ্শন কৰা প্ৰেমা খাইদী পৰিচালনাৰ সুযোগ দিলে। শিক্ষক জান্ধ্যালাৰ পথ অনুসৰণ কৰি তেওঁ সফল কমেডী চিনেমা নিৰ্মাণ কৰিছিল। কমেডী ধাৰাত তেওঁৰ প্ৰথমখন চিনেমা আছিল আপুলা আপ্পা ৰাও, তাৰ পিছত এ অক্কাটি আদাক্কু আৰু জাম্বা লাকিদি পাম্বা। তেওঁ পাৰিবাৰিক চেণ্টিমেণ্ট ছবিও পৰিচালনা কৰিছিল, ইয়াৰ ভিতৰত আটাইতকৈ বিশিষ্ট আছিল ১৯৯৪ চনৰ ছুপাৰ হিট ছবি আমে, য’ত অভিনয় কৰিছিল শ্ৰীকান্ত আৰু উহাই। ইয়াৰ উপৰি তেওঁ হেলো ব্ৰাদাৰ, আল্লুদা মাজাকা, ইণ্টলো ইল্লালু ভাণ্টিণ্টলো প্ৰিয়ৰালু, গোপিণ্টি আল্লুডু, আৰু বাৰাসুডু আদি চিনেমা আৰু অমিতাভ বচ্চন আৰু সৌন্দৰ্য অভিনীত হিন্দী চিনেমা সূৰ্যবংশম পৰিচালনা কৰিছিল।^৩ থালি, কন্যাদানম আৰু আম্মোৰ দৰে সমালোচকৰ প্ৰশংসিত চিনেমাও পৰিচালনা কৰিছিল! ওকাটো তাৰেখু।

মৃত্যু

ডিঙিৰ কৰ্কট ৰোগৰ কেমোথেৰাপিৰ ফলত হোৱা একাধিক জটিলতাৰ ফলত ২০১১ চনৰ ২১ জানুৱাৰীত ই.ভি.ভি. সত্যনাৰায়ণৰ মৃত্যু হয়, যাৰ ফলত চেপ্চিছ আৰু হৃদযন্ত্ৰ বন্ধ হৈ পৰে।^৪

বঁটা

১৯৯৪ চনত আমে ছবিৰ বাবে সত্যনাৰায়ণক নন্দী বঁটা প্ৰদান কৰা হয়।^৫

চলচ্চিত্ৰ সমূহ

• সকলো চলচ্চিত্ৰই তেলেগু ভাষাৰ।

বাহ্যিক সংযোগসমূহ

• ই ভি ভি সত্যনাৰায়ণ ফটো গেলেৰী – তেলেগু চিনেমা পৰিচালক