অঞ্জলি মেনন

অঞ্জলি মেনন হৈছে মালয়ালম ভাষা চলচ্চিত্ৰ উদ্যোগত মুখ্যতঃ কৰ্মৰত এগৰাকী ভাৰতীয় চলচ্চিত্ৰ পৰিচালক আৰু চিত্ৰনাট্যকাৰ।^১ তেওঁ নিজৰ কৰ্মৰ বাবে আন্তঃৰাষ্ট্ৰীয়, ৰাষ্ট্ৰীয় আৰু ৰাজ্যিক বঁটা লাভ কৰিছে। তেওঁ বিশেষকৈ তেওঁৰ পূৰ্ণদৈৰ্ঘ্য চলচ্চিত্ৰ মাঞ্জাডিকুৰু,^২ কেৰালা কেফে (হেপ্পি জাৰ্নি), উস্তাদ হোটেল, বেংগালোৰ ডেইজ, কুডে আৰু ৱণ্ডাৰ উইমেন চলচ্চিত্ৰসমূহৰ বাবে অধিক জনাজাত।^৩

অঞ্জলি হৈছে মুম্বাই আৰু কেৰালাভিত্তিক চলচ্চিত্ৰ সংস্থা ‘লিটল ফিল্মছ’ৰ প্ৰতিষ্ঠাপক।^৪ তেওঁ মালয়ালম চলচ্চিত্ৰ উদ্যোগত লিংগ সমতাৰ ওপৰত গুৰুত্ব আৰোপ কৰা সংগঠন ‘উইমেন ইন চিনেমা কালেক্টিভ’ৰ অন্যতম প্ৰতিষ্ঠাপক।^৫৬ তেওঁ মুম্বাই একাডেমি অৱ দ্য মুভিং ইমেজৰ বৰ্ড সদস্যও।^৭

প্ৰাৰম্ভিক জীৱন আৰু শিক্ষা

অঞ্জলি মেননৰ জন্ম কোঝিকোডত টি. এম. নায়াৰ আৰু সৰদা নায়াৰৰ ঘৰত হৈছিল। তেওঁ শৈশৱৰ এটা ডাঙৰ অংশ সংযুক্ত আৰব আমিৰাতৰ ডুবাইত অতিবাহিত কৰে।^৮

লণ্ডন ফিল্ম স্কুলৰ প্ৰাক্তন ছাত্ৰী অঞ্জলিয়ে ২০০৩ চনত চলচ্চিত্ৰ পৰিচালনা, চলচ্চিত্ৰ প্ৰযোজনা আৰু চলচ্চিত্ৰ সম্পাদনাত সন্মানসহ স্নাতকোত্তৰ ডিগ্ৰী লাভ কৰে। চলচ্চিত্ৰ শিক্ষাৰ পূৰ্বে তেওঁ প্ৰভিডেন্স উইমেন্স কলেজ, কোঝিকোডৰপৰা স্নাতক ডিগ্ৰী লাভ কৰিছিল আৰু পুনে বিশ্ববিদ্যালয়ৰপৰা যোগাযোগ অধ্যয়নত স্নাতকোত্তৰ ডিগ্ৰী অৰ্জন কৰে। অঞ্জলিয়ে ভাৰতীয় শাস্ত্ৰীয় নৃত্য আৰু সংগীতত প্ৰশিক্ষণ লাভ কৰিছে।^{৯১০১১}

ব্যক্তিগত জীৱন

তেওঁ ভাৰত আৰু সংযুক্ত আৰব আমিৰাতৰ ডুবাইৰ মাজত বাস কৰে।^১২

চলচ্চিত্ৰ তালিকা

অঞ্জলি মেনন এক প্ৰতিভাবান মালয়ালম চলচ্চিত্ৰ নিৰ্মাতা আৰু চিত্ৰনাট্যকাৰ, যিয়ে সম আন্তঃৰাষ্ট্ৰীয় আৰু ৰাষ্ট্ৰীয় বঁটা লাভ কৰি চলচ্চিত্ৰ শিল্পত সংযোজন কৰিছে।

বঁটা আৰু সন্মাননা