আন্না ৰাজন

আন্না ৰেশ্মা ৰাজন এগৰাকী ভাৰতীয় চলচ্চিত্ৰ অভিনেত্ৰী, যিয়ে ঘাইকৈ মালয়ালম ভাষা চলচ্চিত্ৰত অভিনয় কৰে। ২০১৭ চনত মুক্তিপ্ৰাপ্ত অংগামালী ডায়েৰীজ ছবিৰ জৰিয়তে তেওঁ অভিনয় জীৱনৰ পাতনি মেলে।

প্ৰাৰম্ভিক জীৱন

কেৰালাৰ আলুভাত শীবা আৰু কে. চি. ৰাজনৰ ঘৰত আন্না ৰাজনৰ জন্ম হৈছিল। শ্বান নামৰ তেওঁৰ এজন ককায়েক আছে।^১ তেওঁ মুভাট্টুপুঝাৰ নিৰ্মলা স্কুল আৰু তাৰ পিছত আলুভাৰ চেণ্ট ফ্ৰাংক চিচ স্কুলত শিক্ষা গ্ৰহণ কৰে। পিছলৈ তেওঁ ইৰ্নাকুলামৰ চৰকাৰী চিকিৎসা মহাবিদ্যালয়ৰপৰা নাৰ্ছিং অধ্যয়ন কৰে। তেওঁ কলেজত পঢ়ি থকা অৱস্থাতে পিতৃৰ বিয়োগ ঘটে। পিতৃৰ আকস্মিক মৃত্যুৰ বাবে পৰিয়ালটোৰ ওপৰত তীব্ৰ আৰ্থিক হেঁচা পৰে আৰু ইয়াৰ ফলত তেওঁ পঢ়ি থকাৰ সময়তে চাকৰিত যোগদান কৰিবলৈ বাধ্য হয়।^২

কেৰিয়াৰ

চলচ্চিত্ৰ জগতত প্ৰৱেশ কৰাৰ পূৰ্বে তেওঁ আলুভাৰ ৰাজগিৰি চিকিৎসালয়ত নাৰ্ছ হিচাপে কৰ্মৰত আছিল।^৩ কেৰালাৰ এটা ডাঙৰ বিজ্ঞাপন ফলকত তেওঁৰ মুখখন দেখি প্ৰযোজক বিজয় বাবু আৰু পৰিচালক লিজো জোচেপপেলিচেৰীয়ে তেওঁক আৱিষ্কাৰ কৰে। তেওঁলোকে তেওঁক অংগামালী ডায়েৰীজত লিচি চৰিত্ৰটোৰ বাবে অডিচন লয়। আন্নাক ধৰি এই ছবিখনৰ জৰিয়তে ৮৬ গৰাকী নতুন মুখক চলচ্চিত্ৰ জগতত চিনাকি কৰাই দিয়া হৈছিল।^৪ ছবিখনত তেওঁক ৰেচমা ৰাজন নামেৰে কৃতিত্ব দিয়া হৈছিল। ইয়াৰ পিছত তেওঁ নিজৰ নাম আন্না ৰাজন বুলি উল্লেখ কৰিবলৈ পছন্দ কৰে।^৫ এই ছবিখনত কৰা সুন্দৰ অভিনয়ৰ বাবে তেওঁ ফিল্মফেয়াৰ এৱাৰ্ডছ ছাউথৰ শ্ৰেষ্ঠ সহকাৰী অভিনেত্ৰী (মালয়ালম) বঁটাৰ বাবে মনোনীত হৈছিল।^৬

তেওঁৰ দ্বিতীয়খন ছবি আছিল লাল জোচে পৰিচালনা কৰা ভেলিপাদিন্তে পুস্তকম (২০১৭)। য’ত তেওঁ মোহনলালৰ বিপৰীতে মুখ্য অভিনেত্ৰীৰ চৰিত্ৰত অভিনয় কৰিছিল।^৭৮ ২০১৯ চনত তেওঁ জয়ৰাম অভিনীত লোনাপ্পান্তে মামোদীছা ^৯ আৰু মামুট্টীৰ বিপৰীতে মধুৰা ৰাজা ছবিত অভিনয় কৰে।^১০ ২০২০ চনত মুক্তিপ্ৰাপ্ত একচন ড্ৰামা ছবি অয়াপ্পানুম কোচিয়ুমত পৃথ্বীৰাজ সুকুমাৰণৰ বিপৰীতে তেওঁ কোচীৰ পত্নী ৰুবীৰ চৰিত্ৰত অভিনয় কৰিছিল।

চলচ্চিত্ৰপঞ্জী

বঁটা আৰু মনোনয়ন

ফিল্মফেয়াৰ এৱাৰ্ডছ চাউথ

• ২০১৮: মনোনীত - শ্ৰেষ্ঠ সহকাৰী অভিনেত্ৰী (মালয়ালম) – অংগamালী ডায়েৰীজ