আইখেক বুঢ়াগোহাঁই

আইখেক বুঢ়াগোহাঁই (১৭ শতিকা) চুৰাম্‌ফা বা চুখাম্‌ফাৰ বুঢ়াগোহাঁই আছিল। কোচ ৰাজ্যৰ সেনাপতি চিলাৰায়ৰ লগত আহোমৰ সন্ধি স্থাপন কৰাত আগভাগ লৈছিল। কিন্তু একে যুঁজতে পৰাজয়ৰ কাৰণ হিচাপে তেখেত চিহ্নিত হোৱাত বুঢ়াগোহাঁই পদৰপৰা নিস্কৃতি দিয়া হয়। ইয়াৰ পাছৰ চাওফা চুচেংফাৰ দিনত হোৱা কছাৰী ৰণৰ সময়তো আহোমৰ পৰাজয়ৰ মূল কাৰণ হিচাপে চিহ্নিত হয়। এই দোষৰ বাবে স্বৰ্গদেৱে শাস্তিমূলক ব্যৱস্থা লোৱাত ৰাজ্যৰপৰা পলাই যায় আৰু প্ৰথমে কোচ ৰজা পৰীক্ষিত আৰু পাছলৈ বংগৰ নবাবৰ আশ্ৰয় লয়। স্বৰ্গদেৱে ক্ষমাদানৰ প্ৰতিশ্ৰুতি দিয়াত তেওঁ উভতি আহে। মোগলৰ লগত হোৱা কলিয়াবৰৰ ৰণত তেখেতৰ সামৰিক বিচক্ষণতাৰ পৰিচয় দিয়ে।^১