অপৰ্ণা বসু (Aparna Basu; ৩১ অক্টোবৰ ১৯৩১ – ৩ ডিচেম্বৰ ২০১৮) এগৰাকী ভাৰতীয় ইতিহাসবিদ, লেখিকা, সমাজকৰ্মী আৰু মহিলাৰ অধিকাৰৰ সমৰ্থক আছিল। আধুনিক ভাৰতীয় ইতিহাসৰ অধ্যাপিকা আৰু দিল্লী বিশ্ববিদ্যালয়ৰ ইতিহাস বিভাগৰ তেওঁ মুৰব্বী আছিল। পিছৰ কৰ্মজীৱনত তেওঁ সৰ্বভাৰতীয় মহিলা সন্মিলনৰ সভানেত্ৰী আৰু নতুন দিল্লীৰ ৰাষ্ট্ৰীয় গান্ধী সংগ্ৰহালয়ৰ অধ্যক্ষ হিচাপে কাৰ্যনিৰ্বাহ কৰিছিল।
প্ৰাথমিক জীৱন আৰু শিক্ষা
বসুৰ জন্ম হৈছিল আহমেদাবাদ, গুজৰাটত৷ তেওঁৰ মাতৃ সৌদামিনী (জন্ম নীলকান্ত) আৰু পিতৃ গগনবিহাৰী লল্লুভাই মেহতা।১ তেওঁৰ পিতৃ প্ৰথম ভাৰতৰ পৰিকল্পনা আয়োগৰ সদস্য আছিল আৰু পিছলৈ তেওঁ আমেৰিকাত ভাৰতৰ ৰাষ্ট্ৰদূত হিচাপে কৰ্মৰত হয়১ তেওঁৰ মাতৃ সৌদামিনী এগৰাকী সমাজকৰ্মী আছিল যি এআইডব্লিউচি কলিকতাৰ সভানেত্ৰী আৰু হৰিজন সেৱক সংঘৰ সভানেত্ৰী আছিল।১ বসুৰ স্কুলীয়া শিক্ষা কলিকতাত হৈছিল। তেওঁ এলফিনষ্টন কলেজ, বম্বে বিশ্ববিদ্যালয়ৰ পৰা কলা শাখাত স্নাতক ডিগ্ৰী লাভ কৰে৷ তাৰ পিছত তেওঁ দ্বিতীয় বি.এ., এম.এ., আৰু পি.এইচ.ডি. কৰে৷ তেওঁ নিউনহাম কলেজ, কেমব্ৰিজ বিশ্ববিদ্যালয়২১ তেওঁ জৰ্জ ৱাশ্বিংটন বিশ্ববিদ্যালয়, ৱাশ্বিংটন ডিচিত উচ্চতৰ অধ্যয়ন কৰিছিল৷৩
কেৰিয়াৰ
বসুৱে কলিকতাৰ এম আইটি চেণ্টাৰ, লেডি শ্ৰীৰাম কলেজ, দিল্লী বিশ্ববিদ্যালয়, এলফিনষ্টন কলেজ, আৰু যাদৱপুৰ বিশ্ববিদ্যালয়ত কাম কৰিছিল। ১৯৭০ চনত দিল্লী বিশ্ববিদ্যালয়ৰ ইতিহাস বিভাগত ৰিডাৰ হিচাপে তেওঁ যোগদান কৰে, আৰু পিছলৈ আধুনিক ইতিহাসৰ অধ্যাপিকা হৈ বিভাগটোৰ মুৰব্বী হিচাপে অৱসৰ গ্ৰহণ কৰে।১২ বসু ভাৰতীয় মহিলা অধ্যয়ন সংস্থা আৰু মহিলা ইতিহাসৰ গৱেষণা আন্তৰ্জাতিক ফেডাৰেচনৰ প্ৰতিষ্ঠাপক সদস্য আছিল। তেওঁ সভানেত্ৰী (২০০২-২০০৪)কে ধৰি সৰ্বভাৰতীয় মহিলা সন্মিলনত (AIWC) একাধিক ভূমিকা পালন কৰিছিল।১ সন্মিলনত থকা সময়ছোৱাত তেওঁ ভাৰতৰ শিশু শ্ৰমিকৰ বিষয়ত ভাষণ দিছিল৪, লগতে মহিলাৰ অধিকাৰ সম্পৰ্কত বক্তব্য ৰাখিছিল।৫ ২০১৩ চনৰ পৰা ২০১৮ চনত মৃত্যুৰ সময়লৈকে তেওঁ নতুন দিল্লীৰ ৰাষ্ট্ৰীয় গান্ধী সংগ্ৰহালয়ৰ অধ্যক্ষ হিচাপে কাৰ্যনিৰ্বাহ কৰিছিল।৬৭ তেওঁ অল ইণ্ডিয়া এছ'চিয়েচন ফৰ দ্য এৰেডিকেচন অৱৰ অধ্যক্ষ হিচাপেও কাৰ্যনিৰ্বাহ কৰিছিল৷ মহিলাসকলক কাৰ্য্যকৰী সাক্ষৰতা প্ৰদানৰ বাবে ভাৰতৰ কেইবাটাও স্থানত মহিলাৰ নিৰক্ষৰতা দূৰীকৰণৰ দিশত আগভাগ লৈছিল।৮
ভাৰতৰ শিক্ষাৰ ইতিহাস আৰু নাৰী ইতিহাসৰ দিশত কৰা কামৰ বাবে বসুৱে পৰিচিতি লাভ কৰিছিল।৬৯১০
তথ্যসূত্ৰ
- ↑ Roshni. (2020). অপৰ্ণ বসু- A Life of Scholarship & Dignity. issuu
- ↑ Jain, Devaki. (2019). অপৰ্ণ বসু (১৯৩১–২০১৮). ইণ্ডিয়ান জাৰ্নেল অৱ জেণ্ডাৰ ষ্টাডিজ. পৃ. 2–3
- ↑ (2022-01-14). পৰামৰ্শদাতা ব'ৰ্ড – গান্ধিয়ান সমাজ
- ↑ Bramham, Daphne. (1996-05-25). Child labor dilemma ভাৰতত. দ্য কিংষ্টন হুইগ-ষ্টেণ্ডাৰ্ড. পৃ. 33
- ↑ ব্ৰামহাম, Daphne. (1996-05-13). ভাৰতৰ মহিলাসকলে মাৰাত্মক যৌতুকৰ দাবীৰ অন্ত পেলাবলৈ যুঁজিছে. The Vancouver Sun. পৃ. 11
- ↑ Jain, Devaki. (19 January 2019). She Recovered Many Histories: A Tribute to Aparna Basu. Economic and Political Weekly; মুম্বাই
- ↑ Jain, Devaki. (2019). অপৰ্ণ বসু (১৯৩১–২০১৮). Indian Journal of Gender Studies. পৃ. 2–3
- ↑ (2018-12-04). ৰাষ্ট্ৰীয় গান্ধী সংগ্ৰহালয়ৰ অধ্যক্ষ অপৰ্ণা বসুৰ মৃত্যু. Business Standard India
- ↑ Jain, Devaki. (19 January 2019). She Recovered Many Histories: A Tribute to Aparna Basu. Economic and Political Weekly; Mumbai
- ↑ Khan, M. Adil. (2018-12-23). PROFESSOR APARNA BASU: AN OBITUARY FROM A FRIEND TO ONE OF THE FOUNDING EDITORIAL BOARD MEMBERS OF THE SOUTH ASIA JOURNAL. South Asia Journal
উৎস আৰু অনুজ্ঞাপত্ৰ
উৎস: অসমীয়া ৱিকিপিডিয়া। এই প্ৰবন্ধটো অসমীয়া ৱিকিপিডিয়াৰ “অপৰ্ণা বসু” প্ৰবন্ধৰ সংশোধন ৫২৭১১৩ (২৫ জুলাই ২০২৫)ৰ পৰা আনি অসমীয়া বিশ্বকোষৰ গাঁথনিলৈ ৰূপান্তৰ কৰা হৈছে। মূল লেখকসকলৰ তালিকা সম্পাদনা-ইতিহাসত উপলব্ধ। পাঠ্য CC BY-SA 4.0।