অঞ্জলী ভৰদ্বাজ

অঞ্জলী ভৰদ্বাজ (Anjali Bhardwaj, জন্ম-১৯৭৩) হৈছে এগৰাকী ভাৰতীয় সমাজকৰ্মী৷ তেখেতে স্বচ্ছতা আৰু দায়বদ্ধতা-জড়িত সামাজিক বিষয়সমূহত মাত মাতি আহিছে৷ অঞ্জলী ভৰদ্বাজ নাগৰিকৰ তথ্যৰ অধিকাৰৰ ৰাষ্ট্ৰীয় অভিযানৰ (NCPRI) সহ-আহ্বায়ক৷ ^১ আনহাতে সতৰ্ক নাগৰিক সংগঠনৰ প্ৰতিষ্ঠাপক সদস্য৷^২ ইয়াৰোপৰি তথ্যৰ অধিকাৰ, লোকপাল, অভিযোগ নিষ্পত্তিকৰণ, খাদ্যৰ অধিকাৰ আদি বিষয়ৰ লগত তেখেত জড়িত৷ ২০২১ চনত আমেৰিকা যুক্তৰাষ্ট্ৰৰ ৰাজ্যিক বিভাগে তেখেতক আন্তঃৰাষ্ট্ৰীয় দুৰ্নীতিনিবাৰক চেম্পিয়ন বঁটাৰে সন্মানীত কৰিছে৷ ^৩

শিক্ষা

দিল্লী বিশ্ববিদ্যালয়ৰ অধীনস্থ লেডী শ্ৰীৰাম কলেজৰ পৰা ভাৰদ্বাজে কলা শাখাত স্নাতক ডিগ্ৰী অৰ্জন কৰে৷ ইয়াৰ পিছত অক্সফ'ৰ্ড বিশ্ববিদ্যালয়ৰ পৰা বিজ্ঞান শাখাত স্নাতকোত্তৰ ডিগ্ৰী অৰ্জন কৰে৷ দিল্লী স্কুল অৱ ইক'নমিকছৰ পৰাও তেখেতে স্নাতকোত্তৰ ডিগ্ৰী অৰ্জন কৰে৷ ^৪

কৰ্ম

১৯৯৯ চনৰ পৰাই অঞ্জলী ভৰদ্বাজ ভাৰতৰ তথ্য অধিকাৰ আন্দোলনৰ লগত জড়িত হৈ আছে৷ দায়বদ্ধতা আৰু স্বচ্ছতাৰ বিষয়ত তেখেত অতি সৰৱ৷^৫ তেখেত "এনচিপিআৰআই"ৰ সহ-আহ্বায়ক৷ তেখেতৰ দীৰ্ঘম্যাদী প্ৰয়াসৰ দুটামান পৰিণতি হৈছে ২০০৫ চনৰ তথ্যৰ অধিকাৰ আইনৰ প্ৰৱৰ্তন, ২০১১ চনৰ হুইছল ব্লোৱাৰ্ছ প্ৰতিৰক্ষা আইন, ২০১১^৬২০১৩ চনৰ লোকপাল আৰু লোকায়ুক্ত আইন,^৭ আৰু অভিযোগ নিষ্পত্তিকৰণৰ বিধেয়ক৷ ^৮

অঞ্জলী ভৰদ্বাজ সতৰ্ক নাগৰিক সংগঠনৰ প্ৰতিষ্ঠাপক সদস্য৷ ^৯ ২০০৩ চনত স্থাপিত হোৱা বিশেষ সংগঠনটোৱে তথ্য জনাৰ অধিকাৰ আইন ব্যৱহাৰ কৰি ভাৰত চৰকাৰৰ দায়বদ্ধতাজনিত বিষয়সমূহ উন্নততৰ কৰাত গুৰুত্ব দিয়ে৷^১০ সংগঠনে প্ৰস্তুত কৰা বিধায়কসকলৰ প্ৰদৰ্শনভিত্তিক ৰিপ'ষ্ট কাৰ্ড মিডিয়াৰ জৰিয়তে ৰাজহুৱা কৰা হয়৷

অঞ্জলী ভৰদ্বাজে আৰটিআই মূল্যাংকন আৰু ওকালতি গোট (RAAG)ৰ লগতো জড়িত৷ ২০০৮ চনত প্ৰতিষ্ঠিত হোৱা এই গোটটোৱে আৰটিআই আইনৰ কাৰ্যকৰীতা সন্দৰ্ভত সমকালীন মূল্যাংকন কৰে৷^১১

বঁটা আৰু সন্মান

• আন্তঃৰাষ্ট্ৰীয় দুৰ্নীতিবিৰোধী চেম্পিয়ন বঁটা, আমেৰিকাৰ ৰাজ্যিক বিভাগৰ পৰা৷ বিশ্বৰ বাৰগৰাকী দুৰ্নীতিবিৰোধী চেম্পিয়নৰ মাজত এগৰাকী৷^১২
• নিৰ্বাচিত জনপ্ৰতিনিধিৰ দায়বদ্ধতা, স্বচ্ছতা আৰু দায়িত্বশীলতা সুনিশ্চিত কৰাৰ দিশত আগবঢ়োৱা বৰঙণিৰ বাবে সামাজিক উদ্যোগীৰ অশ্বোকা ফেল'শ্বিপ, ২০০৯ চনত^১৩
• চৰকাৰী স্বচ্ছতা আৰু দায়বদ্ধতা প্ৰসাৰৰ ক্ষেত্ৰত আগবঢ়োৱা বৰঙণিৰ বাবে অ'নাৰ ৰ'ল সন্মান, লেডি শ্ৰী ৰাম কলেজৰ পৰা, ২০১১ চনত৷ ^১৪

মিডিয়া

স্বচ্ছতা আৰু দায়বদ্ধতাৰ বিষয়সমূহত অঞ্জলী ভৰদ্বাজে ব্যাপকভাৱে লিখা-মেলা কৰে৷ তেনেধৰণৰ কিছু বিষয় হৈছে:

• ২০১২-১৩ চনৰ সময়ছোৱাত আৰটিআই আমোলৰ ৰাজহুৱা নিৰীক্ষণ^১৫
• লোকপাল সংশোধন– Indian Express^১৬
• হুইছল ব্লোৱাৰ প্ৰতিৰক্ষা আইন – Indian Express^১৭
• দুৰ্নীতি নিবাৰক আইন-– The Hindu^১৮
• লোকপাল আইন– EPW^১৯
• লোকপাল বিল – Economic Times^২০
• আৰটিআই আইনৰ প্ৰস্তাৱিত সংশোধন– Outlook magazine^২১
• তথ্য আয়োগৰ প্ৰদৰ্শন– The Deccan Herald^২২
• আৰটিআই আইন– Outlook Magazine^২৩