অঞ্জলি

অঞ্জলি (Anjali, জন্ম: ১৬ জুন ১৯৮৬) এগৰাকী ভাৰতীয় অভিনেত্ৰী যিয়ে মূলতঃ তামিল ভাষা আৰু তেলুগু ভাষা ছবিত অভিনয় কৰে। অঞ্জলিক তামিল চলচ্চিত্ৰৰ অন্যতম উন্নত অভিনেত্ৰী হিচাপে স্বীকৃতি দিয়া হৈছে। তেওঁ নিজৰ "পাৰফৰ্মেন্স-অৰিয়েণ্টেড ভূমিকা"ৰ বাবে পৰিচিত।^১২ তেওঁ তিনিটা ফিল্মফেয়াৰ বঁটা দক্ষিণ আৰু দুটা নন্দী বঁটাকে ধৰি কেইবাটাও প্ৰশংসা লাভ কৰিছে।^৩

মডেলিঙত কিছু সময় কটোৱাৰ পিছত তেওঁক দুখন তেলেগু প্ৰযোজনাৰ মুখ্য চৰিত্ৰত অভিনয় কৰোৱা হয়; তেওঁ থ্ৰিলাৰ চলচ্চিত্ৰ ফটো (২০০৬)ত অভিষেক ঘটায়। কট্টাদু তামিল (২০০৭) নামৰ তেওঁৰ সফল চলচ্চিত্ৰখনো এখন থ্ৰিলাৰ চলচ্চিত্ৰ আছিল। তেওঁ অংগাদি থেৰু (২০১০) আৰু এংগেয়ুম এপ'থাম (২০১১)ত কৰা অভিনয়ৰ বাবে একেৰাহে দুবাৰ তামিল ভাষাত শ্ৰেষ্ঠ অভিনেত্ৰীৰ বাবে ফিল্মফেয়াৰ বঁটা লাভ কৰিছে। আৰু প্ৰথমখনৰ বাবে তামিল নাডু ৰাজ্যিক চলচ্চিত্ৰ বঁটাও লাভ কৰিছে।^৪ তেওঁ ২০১৩-২০১৪ চনত তেলুগু ভাষা চলচ্চিত্ৰত সীথাম্মা বকিলো ছিৰিমাল্লে চেট্টু, বালুপু, মচালা, গীতাঞ্জলি আৰু ডিকেটৰ। তেওঁ হৰৰ-কমেডী গীতাঞ্জলিত কৰা অভিনয়ৰ বাবে শ্ৰেষ্ঠ অভিনেত্ৰী শিতানত নন্দী বঁটা লাভ কৰিছে। (২০১৪)।^৫৬

প্ৰাথমিক জীৱন

১৯৮৬ চনৰ ১৬ জুনত ভাৰতৰ ৰাজোলে, পূব গোদাবৰী জিলা, অন্ধ্ৰপ্ৰদেশৰ এটা তেলুগু ভাষা পৰিয়ালত অঞ্জলিৰ জন্ম হৈছিল।^৭৮ তেওঁৰ দুজন ভাই আৰু এজনী ভনী আছে।^৯ তেওঁ ৰাজোলত স্কুলীয়া শিক্ষা সমাপ্ত কৰি পিছলৈ চেন্নাইলৈ গুচি যায় আৰু তাতেই গণিতত ডিগ্ৰী লাভ কৰি পঢ়া-শুনা অব্যাহত ৰাখে। অঞ্জলিয়ে মন্তব্য কৰে যে, তেওঁৰ পিতৃ-মাতৃৰ অভিনেতা হোৱাৰ আকাংক্ষা আছিল আৰু তেওঁলোকে তেওঁৰ জৰিয়তে "নিজৰ সপোন বাস্তৱায়িত কৰিছিল"।^১০

মিডিয়াত প্ৰতিচ্ছবি

আংগাদি থেৰুত কাণীৰ চৰিত্ৰত অনঞ্জলীৰ অভিনয়ক তামিল চিনেমাৰ আটাইতকৈ স্মৰণীয় নাৰী চৰিত্ৰসমূহৰ ভিতৰত অন্যতম বুলি গণ্য কৰা হয়। ^১১ ২০১০ আৰু ২০১১ চনত, Rediff.com-এ আংগাদি থেৰু আৰু এনগেইয়ুম এপোথুমত কৰা অভিনয়ৰ বাবে ক্ৰমান্বয়ে অঞ্জলীক ইয়াৰ "শ্ৰেষ্ঠ তামিল অভিনেত্ৰীসকল"ৰ তালিকাত স্থান দিছিল। ^১২১৩