পেৰালিম্পিকত পদক বিজয়ী ভাৰতীয়
৪২ প্ৰবন্ধ
-
ধৰ্মবীৰ নৈন
ধৰ্মবীৰ নৈন (Dharambir Nain; জন্ম: ১৮ জানুৱাৰী ১৯৮৯) এগৰাকী ভাৰতীয় পেৰা-এথলীট। তেওঁ ক্লাৱ থ্ৰো বা গদা দলিওৱা খেলৰ লগত জড়িত। ২০২৪ চনৰ পেৰিছ পেৰালিম্পিকত পুৰুষৰ ক্লাব থ্ৰো এফ ৫১ শাখাৰ প্ৰতিযোগিতাত তেওঁ স্বৰ্ণ পদক লাভ কৰে। এই প্ৰতিযোগিতাত তেওঁ ৩৪.৯২ মিটাৰ নিক্ষেপ কৰি এছিয়ান অভিলেখ গঢ়ে।
-
নিতেশ কুমাৰ
নিতেশ কুমাৰ (Nitesh Kumar; জন্ম: ৩০ ডিচেম্বৰ ১৯৯৪) এগৰাকী ভাৰতীয় পেছাদাৰী পেৰা-বেডমিণ্টন খেলুৱৈ। ২০২৪ চনৰ পেৰিছ পেৰালিম্পিকত তেওঁ পুৰুষৰ একক এছএল৩ শাখাত সোণৰ পদক লাভ কৰে। ২০১৬ চনত তেওঁৰ প্ৰথমবাৰৰ বাবে আন্তঃৰাষ্ট্ৰীয় পৰ্যায়ত অভিষেক ঘটিছিল।
-
নিত্যা শিৱন
নিত্যা শ্ৰী সুমতি শিৱন (জন্ম: ৭ জানুৱাৰী ২০০৫) এগৰাকী ভাৰতীয় পেৰা-বেডমিণ্টন খেলুৱৈ। ২০২৪ চনত পেৰিছত অনুষ্ঠিত গ্ৰীষ্মকালীন পেৰালিম্পিকৰ বেডমিণ্টনৰ মহিলাৰ একক প্ৰতিযোগিতাত তেওঁ ব্ৰঞ্জৰ পদক লাভ কৰে।
-
নৱদীপ সিং (খেলুৱৈ)
নৱদীপ সিং ( Navdeep Singh, জন্ম ১১ নৱেম্বৰ ২০০০) এজন ভাৰতীয় পেৰা-এথলীট আৰু জেভেলিন থ্ৰ'ৱাৰ। ২০২৪ চনৰ পেৰিছ পেৰালিম্পিকত তেওঁ স্বৰ্ণ পদক লাভ কৰে আৰু ইয়াৰ পূৰ্বে তেওঁ বিশ্ব চেম্পিয়নশ্বিপতো ব্ৰঞ্জৰ পদক বিজয়ী হৈ আহিছে।
-
প্ৰণৱ চুৰমা
প্ৰণৱ চুৰমা (Pranav Soorma; জন্ম: ৪ অক্টোবৰ, ১৯৯৪) এগৰাকী ভাৰতীয় পেৰা এথলীট। তেওঁ গদা দলিওৱা বা ক্লাৱ থ্ৰো খেলৰ এফ৫১ শাখাত ভাৰতক প্ৰতিনিধিত্ব কৰে। ২০২৪ চনত ফ্ৰান্সৰ পেৰিছত অনুষ্ঠিত গ্ৰীষ্মকালীন পেৰালিম্পিকত পুৰুষৰ ক্লাৱ থ্ৰো প্ৰতিযোগিতাৰ এফ৫১ শাখাত ৰূপৰ পদক লাভ কৰে।
-
ভীমৰাও কেচৰকাৰ
ভীমৰাও কেচৰকাৰ (Bhimrao Kesarkar) এজন ভাৰতীয় পেৰালিম্পিক খেলুৱৈ। তেওঁ ১৯৮৪ চনৰ গ্ৰীষ্মকালীন পেৰালিম্পিকত পুৰুষৰ জেভলীন এল৬ শ্ৰেণীত ৰূপৰ পদক অৰ্জন কৰিছিল।
-
মণিষা ৰামাদাস
মণিষা ৰামাদাস (জন্ম: ২৭ জানুৱাৰী ২০০৫) তামিলনাডুৰ এগৰাকী ভাৰতীয় পেছাদাৰী পেৰা-বেডমিণ্টন খেলুৱৈ। তেওঁ ২০২৪ চনত পেৰিছত অনুষ্ঠিত হোৱা গ্ৰীষ্মকালীন পেৰালিম্পিকত ভাৰতক প্ৰতিনিধিত্ব কৰিবলৈ যোগ্যতা অৰ্জন কৰাৰ লগতে মহিলাৰ একক এছইউ৫ শাখাত ব্ৰঞ্জৰ পদক লাভ কৰে।
-
মোনা আগৰৱাল
মোনা আগৰৱাল (Mona Agarwal, জন্ম: ৮ নৱেম্বৰ, ১৯৮৭) এগৰাকী ভাৰতীয় পেৰা শ্বুটাৰ। তেওঁ মহিলাৰ ১০ মিটাৰ এয়াৰ ৰাইফল এছএইচ১ শাখাত অংশগ্ৰহণ কৰে। ২০২৪ চনৰ মাৰ্চ মাহত নতুন দিল্লীত অনুষ্ঠিত হোৱা ডব্লিউ এছ পি এছ পেৰা শ্বুটিং বিশ্বকাপত স্বৰ্ণ জয় কৰি পেৰিছ পেৰালিম্পিকৰ বাবে স্থান লাভ কৰে।
-
শচীন চাৰ্জেৰাও খিলাৰী
শচীন চাৰ্জেৰাও খিলাৰী (Sachin Sarjerao Khilari, জন্ম: ২৩ অক্টোবৰ ১৯৮৯) এগৰাকী ভাৰতীয় পেৰা-এথলীট। তেওঁ শ্বট পুট খেলৰ এফ৪৬ শাখাত ভাৰতক প্ৰতিনিধিত্ব কৰে। ২০২৪ চনত ফ্ৰান্সৰ পেৰিছত অনুষ্ঠিত গ্ৰীষ্মকালীন পেৰালিম্পিকৰ শ্বট পুত প্ৰতিযোগিতাৰ এফ৪৬ শাখাত তেওঁ ৰূপৰ পদক অৰ্জন কৰে।
-
হোকাটো হোটোঝে ছেমা
হোকাটো হোটোঝে ছেমা (Hokato Hotozhe Sema; জন্ম: ২৪ ডিচেম্বৰ ১৯৮৩) নাগালেণ্ডৰ ডিমাপুৰৰ এজন ভাৰতীয় পেৰা-এথলীট। তেওঁ পুৰুষৰ শ্বট পুট এফ ৫৭ ইভেণ্টত অংশগ্ৰহণ কৰে। ২০২৪ চনত পেৰিছত অনুষ্ঠিত গ্ৰীষ্মকালীন পেৰালিম্পিকত ভাৰতক প্ৰতিনিধিত্ব কৰি এই ইভেণ্টত ব্ৰঞ্জৰ পদক লাভ কৰে।
-
ৰাকেশ কুমাৰ
ৰাকেশ কুমাৰ (Rakesh Kumar, জন্ম ১৩ জানুৱাৰী ১৯৮৫) এগৰাকী ভাৰতীয় পেৰা-ধনুৰ্বিদ। তেওঁ পুৰুষৰ কম্পাউণ্ড অপেন প্ৰতিযোগিতাত প্ৰতিদ্বন্দ্বিতা কৰে। ২০২৪ চনত পেৰিছত অনুষ্ঠিত গ্ৰীষ্মকালীন পেৰালিম্পিকত তেওঁ ভাৰতক প্ৰতিনিধিত্ব কৰিবলৈ যোগ্যতা অৰ্জন কৰে।
-
ৰুবিনা ফ্ৰান্সিছ
ৰুবিনা ফ্ৰান্সিছ (Rubina Francis, জন্ম: ১৯৯৯ চন) এগৰাকী ভাৰতীয় পেৰা পিষ্টল শ্বুটাৰ। ২০২৪ চনৰ জুলাই মাহত দ্বিপাক্ষিক নীতিৰ অধীনত পেৰিছ পেৰালিম্পিকৰ বাবে তেওঁ যোগ্যতা লাভ কৰে। ২০২৪ চনত পেৰিছত অনুষ্ঠিত পেৰালিম্পিকত তেওঁ পি২ ১০ মিটাৰ এয়াৰ পিষ্টল এছএইচ১ ইভেণ্টত ব্ৰঞ্জৰ পদক লাভ কৰে।
