প্ৰণৱ চুৰমা

প্ৰণৱ চুৰমা (Pranav Soorma; জন্ম: ৪ অক্টোবৰ, ১৯৯৪) এগৰাকী ভাৰতীয় পেৰা এথলীট। তেওঁ গদা দলিওৱা বা ক্লাৱ থ্ৰো খেলৰ এফ৫১ শাখাত ভাৰতক প্ৰতিনিধিত্ব কৰে।^১ ২০২৪ চনত ফ্ৰান্সৰ পেৰিছত অনুষ্ঠিত গ্ৰীষ্মকালীন পেৰালিম্পিকত পুৰুষৰ ক্লাৱ থ্ৰো প্ৰতিযোগিতাৰ এফ৫১ শাখাত ৰূপৰ পদক লাভ কৰে। ২০২২ চনত চীনৰ হাংঝৌত অনুষ্ঠিত এছিয়ান পেৰা গেমছতো তেওঁ স্বৰ্ণ পদক লাভ কৰিছিল। এই ইভেণ্টত তেওঁ ৩০.০১ মিটাৰ নিক্ষেপ কৰি এছিয়ান গেমছৰ অভিলেখ গঢ়িছিল।^২৩৪

প্ৰাৰম্ভিক জীৱন

১৯৯৪ চনৰ ৪ অক্টোবৰ তাৰিখে হাৰিয়ানাৰ ফৰিদাবাদত প্ৰণৱ চুৰমাৰ জন্ম হৈছিল। তেওঁ স্কুলীয়া শিক্ষা দিল্লীৰ ছেইণ্ট পল স্কুলত গ্ৰহণ কৰিছিল।^৫ পিছলৈ তেওঁ দিল্লী স্কুল অৱ ইকনমিক্সৰ পৰা স্নাতকোত্তৰ ডিগ্ৰী সম্পূৰ্ণ কৰে।^৬ বৰ্তমান তেওঁ বেংক অৱ বৰোদাত সহকাৰী ব্যৱস্থাপক হিচাপে কৰ্মৰত।

২০১১ চনত ১৬ বছৰ বয়সত প্ৰণৱে এক ভয়ংকৰ দুৰ্ঘটনাৰ সন্মুখীন হয় আৰু তেওঁৰ স্নায়ুৰজ্জুত আঘাত পায়।^৭ তেওঁৰ পিতৃ সঞ্জীৱে দিবলৈ চাকৰি এৰি পুত্ৰৰ ক্ৰীড়া প্ৰতিভা বিকাশত সহায় কৰিছিল।^৮ প্ৰণৱে এফ ৫১ ক্লাৱ থ্ৰো ইভেণ্টৰ বাবে যোগ্যতা অৰ্জন কৰে। এই শাখাৰ খেলুৱৈ সকলে কান্ধ আৰু বাহুৰ ওপৰত নিৰ্ভৰ কৰি শক্তি উৎপাদন কৰে আৰু বহি থকাৰ সময়ত গদা দলিয়াই খেলত প্ৰদৰ্শন কৰে।^৯ তেওঁক ক্ৰীড়া বেচৰকাৰী সংস্থা অলিম্পিক গোল্ড কুৱেষ্টে সমৰ্থন কৰে।

খেলুৱৈ জীৱন

২০২৩ চনৰ ২৩ অক্টোবৰত প্ৰণৱ চুৰমায়ে চীনৰ হাংঝৌত অনুষ্ঠিত এছিয়ান পেৰা গেমছৰ স্বৰ্ণ পদক লাভ কৰে।^৬ ইয়াৰ পূৰ্বে তেওঁ ২০২৩ চনত চাৰ্বিয়া অ’পেনতো সোণৰ পদক লাভ কৰিছিল। ২০২২ চনত টিউনিছিয়া গ্ৰেণ্ড প্ৰিস্কত তেওঁ ৰূপ আৰু সোণৰ পদক লাভ কৰিছিল। ২০১৯ চনত তেওঁ বেইজিং গ্ৰেণ্ড প্ৰিস্কত তেওঁ ৰূপৰ পদক লাভ কৰে।^৬ খেলো ইণ্ডিয়া পেৰা খেলৰ প্ৰথম সংস্কৰণত তেওঁ ২০২৩ চনৰ ডিচেম্বৰ মাহত নতুন দিল্লীৰ জৱাহৰলাল নেহৰু ষ্টেডিয়ামত স্বৰ্ণ পদকৰ বাবে ৩৩.৫৪ দূৰত্ব নিক্ষেপ কৰি এছিয়ান অভিলেখ গঢ়ে।^১০১১ ২০২৪ চনত ফ্ৰান্সৰ পেৰিছত অনুষ্ঠিত গ্ৰীষ্মকালীন পেৰালিম্পিকত পুৰুষৰ ক্লাৱ থ্ৰো প্ৰতিযোগিতাৰ এফ৫১ শাখাত ৰূপৰ পদক লাভ কৰে।