শচীন চাৰ্জেৰাও খিলাৰী

শচীন চাৰ্জেৰাও খিলাৰী (Sachin Sarjerao Khilari, জন্ম: ২৩ অক্টোবৰ ১৯৮৯) এগৰাকী ভাৰতীয় পেৰা-এথলীট।^১২ তেওঁ শ্বট পুট খেলৰ এফ৪৬ শাখাত ভাৰতক প্ৰতিনিধিত্ব কৰে। ২০২৪ চনত ফ্ৰান্সৰ পেৰিছত অনুষ্ঠিত গ্ৰীষ্মকালীন পেৰালিম্পিকৰ শ্বট পুত প্ৰতিযোগিতাৰ এফ৪৬ শাখাত তেওঁ ৰূপৰ পদক অৰ্জন কৰে।^৩

প্ৰাৰম্ভিক জীৱন

১৯৮৯ চনৰ ২৩ অক্টোবৰ তাৰিখে মহাৰাষ্ট্ৰৰ চাংলি জিলাৰ আটপড়ী তালুকাৰ কাৰ্গনিৰ খেতিয়ক পৰিয়ালত শচীন চাৰ্জেৰাও খিলাৰীৰ জন্ম হৈছিল। তেওঁৰ পিতৃ চাৰ্জেৰাও ৰংগনাথ খিলাৰী এগৰাকী কৃষিবিদ আৰু মহাৰাষ্ট্ৰ কৃষি ভূষণ বঁটা প্ৰাপক। সৰুতে তেওঁৰ চাইকেল দুৰ্ঘটনাত আঘাতপ্ৰাপ্ত হয়। ইয়াৰ ফলত তেওঁৰ বাওঁহাতৰ গতিবিধি বাধাগ্ৰস্ত হৈছিল। তেওঁ পুনেৰ ইন্দিৰা কলেজ অৱ ইঞ্জিনিয়াৰিংত মেকানিকেল ইঞ্জিনিয়াৰিং অধ্যয়ন কৰি থাকোঁতে খিলাৰীয়ে জেভলিন থ্ৰো খেলৰ প্ৰতি আকৰ্ষণ আৱিষ্কাৰ কৰিছিল। কিন্তু প্ৰতিযোগিতাৰ সময়ত কান্ধৰ আঘাতৰ বাবে তেওঁ শ্বট পুট খেলত মনোনিবেশ কৰে। মেকানিকেল ইঞ্জিনিয়াৰিঙৰ স্নাতক ডিগ্ৰী লাভ কৰাৰ পিছত তেওঁ বিভিন্ন অভিযান্ত্ৰিক প্ৰতিষ্ঠানৰ অতিথি অধ্যাপকৰ লগতে শিক্ষাৰ্থী সকলক মহাৰাষ্ট্ৰ লোকসেৱা আয়োগ আৰু সংঘ লোক সেৱা আয়োগৰ পৰীক্ষাৰ প্ৰস্তুতিত সহায় কৰে।^৪

খেলুৱৈ জীৱন

২০২২ চনৰ চীনৰ হাংঝৌত অনুষ্ঠিত এছিয়ান পেৰা গেমছৰ পুৰুষৰ শ্বট পুট এফ৪৬ ইভেণ্টত সোণৰ পদক লাভ কৰে। ২০২৩ চনত পেৰিছত অনুষ্ঠিত বিশ্ব পেৰা এথলেটিকছ চেম্পিয়নশ্বিপত অংশগ্ৰহণ কৰি খিলাৰীয়ে পুৰুষৰ শ্বট পুট এফ৪৬ ইভেণ্টত সোণৰ পদক লাভ কৰে।^৫ তেওঁ ১৬.২১ মিটাৰ সৰ্বোত্তম থ্ৰ'ৰে শ্বট পুটত অভিলেখ গঢ়িছিল।^৬৭৮ ২০২৪ চনত জাপানৰ কোবেত অনুষ্ঠিত বিশ্ব পেৰা এথলেটিকছ চেম্পিয়নশ্বিপতো অংশগ্ৰহণ কৰি একেটা ইভেণ্টতে স্বৰ্ণ পদক লাভ কৰে।^৯ ২০২৪ চনৰ ছেপ্টেম্বৰ মাহত পেৰিছত অনুষ্ঠিত গ্ৰীষ্মকালীন পেৰালিম্পিকত তেওঁ ৰূপৰ পদক লাভ কৰে।^১০