ৰেণুকা সিং (ৰাজনীতিক)

ৰেনুকা সিং সৰুতা (Renuka Singh Saruta; জন্ম: ৫ জানুৱাৰী ১৯৬৪) ছত্তীসগঢ়ৰ এগৰাকী ভাৰতীয় ৰাজনীতিবিদ যি বৰ্তমান ভাৰতপুৰ-সোণহাটক প্ৰতিনিধিত্ব কৰি চত্তীশগড় বিধানসভাৰ সদস্য হিচাপে কৰ্মনিৰ্বাহ কৰি আছে। ইয়াৰ পূৰ্বে তেওঁ ২০১৯ চনৰ ৩০ মে'ৰ পৰা ২০২৩ চনৰ ৭ ডিচেম্বৰলৈকে ভাৰতৰ জনজাতি পৰিক্ৰমা ৰাজ্যিক মন্ত্ৰী হিচাপে কাৰ্যনিৰ্বাহ কৰিছিল।^১ তেওঁ ভাৰতীয় জনতা পাৰ্টিৰ সদস্য।^২

ৰাজনৈতিক কেৰিয়াৰ

ৰেণুকা সিঙে ৰামানুজ নগৰ জিলা পঞ্চায়তৰ সদস্য হিচাপে ৰাজনৈতিক জীৱন আৰম্ভ কৰিছিল। সিঙে ৰামানুজ নগৰত বিজেপি মণ্ডলৰ সভাপতি হিচাপেও কাৰ্যনিৰ্বাহ কৰিছিল।^৩

২০০৩ চনত ৰেনুকা সিঙে প্ৰথমবাৰৰ বাবে ছত্তীশগড় বিধানসভালৈ নিৰ্বাচিত হয় আৰু ছত্তীশগড় চৰকাৰৰ মহিলা, শিশু বিকাশ আৰু পৰিয়াল কল্যাণৰ ৰাজ্যিক মন্ত্ৰী (স্বাধীন দায়িত্ব) হয়৷ ২০০৮ চনত তেওঁ পুনৰ নিৰ্বাচিত হয়।^৪৫২০১৩ চনৰ বিধানসভা নিৰ্বাচনত কংগ্ৰেছৰ জ্যেষ্ঠ নেতা খেলছাই সিঙৰ হাতত তেওঁ পৰাস্ত হৈছিল। ২০১৯ চনৰ সাধাৰণ নিৰ্বাচনত তেওঁ পুনৰ খেলছাই সিঙৰ বিৰুদ্ধে প্ৰতিদ্বন্দ্বিতা কৰি ১,৫৭,৮৭৩ টা ভোটৰ ব্যৱধানত জয়লাভ কৰি জনজাতীয় পৰিক্ৰমা মন্ত্ৰালয়ৰ কেন্দ্ৰীয় ৰাজ্যিক মন্ত্ৰী হয়।^৬৭

২০২৩ চনৰ ছত্তীশগড় বিধানসভাৰ নিৰ্বাচনত ভাৰতপুৰ-সোণহাট বিধানসভা সমষ্টিৰ পৰা সফলতাৰে প্ৰতিদ্বন্দ্বিতা কৰি তৃতীয়বাৰৰ বাবে ছত্তীশগড় বিধানসভাৰ সদস্য হয়।^৮