ৰেখা গুপ্তা

ৰেখা গুপ্তা (Rekha Gupta,জন্ম ১৯ জুলাই ১৯৭৪) ভাৰতীয় জনতা পাৰ্টী, দিল্লীৰ এগৰাকী ভাৰতীয় ৰাজনীতিবিদ৷ তেওঁক ২০২৫ চনৰ ২০ ফেব্ৰুৱাৰীৰ পৰা দিল্লীৰ নৱমগৰাকী মুখ্যমন্ত্ৰীৰ দায়িত্ব অৰ্পণ কৰা হৈছে।^১২ এই পদত অধিষ্ঠিত দিল্লীৰ তেওঁ চতুৰ্থগৰাকী মহিলা মুখ্যমন্ত্ৰী আৰু সামগ্ৰিকভাৱে অষ্টম। তেওঁ শালীমাৰ বাগক প্ৰতিনিধিত্ব কৰি বিধানসভাৰ সদস্য হৈছে৷ তেওঁ দিল্লী বিশ্ববিদ্যালয় ছাত্ৰ সন্থাৰ প্ৰাক্তন সাধাৰণ সম্পাদিকা আৰু সভানেত্ৰী৷ তেওঁ দলৰ ৰাষ্ট্ৰীয় কাৰ্যবাহীৰ সদস্য আৰু দলৰ দিল্লী ৰাজ্যিক এককৰ সাধাৰণ সম্পাদিকা।^৩

১৯৯৬–১৯৯৭ চনত তেওঁ দিল্লী বিশ্ববিদ্যালয়ৰ ছাত্ৰ সন্থা (DUSU) ৰ সভানেত্ৰী হয়। পৰৱৰ্তী সময়ত ২০০৭ চনত উত্তৰ পীতামপুৰাৰ (ৱাৰ্ড ৫৪)ৰ পৰা দিল্লী কাউন্সিলাৰ নিৰ্বাচনলৈ নিৰ্বাচিত হয়। ২০১২ চনত উত্তৰ পিতামপুৰাৰ (ৱাৰ্ড ৫৪)ৰ পৰা দিল্লী কাউন্সিলাৰ নিৰ্বাচনত তেওঁ পুনৰ নিৰ্বাচিত হয়।^৪৫

ৰেখা গুপ্তাই ২০২৫ চনৰ বিধানসভা নিৰ্বাচনত আপৰ বন্দনা কুমাৰীক পৰাস্ত কৰি ২৯,৫৯৫ টা ভোটৰ ব্যৱধানত শালীমাৰ বাগ আসনখন দখল কৰিছিল।^৬