ৰেইহানেহ জব্বাৰী

ৰেহানে জব্বাৰী ( Rehane Jabbari); (জন্ম,১৯৮৮ – মৃত্যু,২৫ অক্টোবৰ ২০১৪) ইৰাণৰ এগৰাকী প্ৰাক্তন চোৰাংচোৱা বিষয়া মৰ্টেজা আব্দোলালি সৰবন্দীৰ ^১২৩হত্যাকাণ্ডৰ গোচৰত দোষী সাব্যস্ত হোৱা এগৰাকী ইৰানৰ মহিলা। ২০০৭ চনৰপৰা ২০১৪ চনৰ অক্টোবৰ মাহত ফাঁচি দিয়ালৈকে কাৰাগাৰত বন্দী হৈ আছিল।^৪ ৰেহানে নিজৰ কথিত ধৰ্ষণকাৰীক হত্যা কৰিছিল। কাৰাগাৰত থকাৰ সময়তে তেওঁ এই ঘটনাৰ স্মৃতিগ্ৰন্থ প্ৰকাশ কৰিছিল। মহম্মদ মোস্তাফাই আছিল তেওঁৰ প্ৰথম অধিবক্তা। এই কাহিনীটো তেওঁ নিজৰ ব্লগত প্ৰকাশ কৰিছিল।^৫ ইৰাণৰ আইন অনুসৰি ^৬ ৰেহানেৰ দোষ প্ৰমাণিত হোৱাৰ পিছত আৰু তেওঁৰ আত্মৰক্ষাৰ দাবীক মিছা বুলি গণ্য কৰাৰ পাছত ফাঁচি ৰোধ কৰাৰ অধিকাৰ কেৱল ভুক্তভোগীৰ পৰিয়ালৰ আছিল; অভিযুক্তৰ কাৰ্যালয়ৰ প্ৰচেষ্টা সত্ত্বেও ভুক্তভোগীৰ পৰিয়ালে ফাঁচিৰ ওপৰত অটল আছিল।

পটভূমি

২০০৭ চনত সৰবন্দীয়ে এখন কেফেত ইণ্টেৰিয়ৰ ডেকোৰেটৰ জববাৰীক লগ পাইছিল। সৰবন্দীয়ে ৰেইহানেক তেওঁৰ নিজৰ অফিচলৈ আহি এটা ব্যাৱসায়িক চুক্তিৰ আলোচনা কৰিবলৈ পতিয়ন নিয়াইছিল। তাত থকাৰ সময়তে সৰবন্দীয়ে ৰেইহানেহ জব্বাৰীক ধৰ্ষণৰ চেষ্টা চলোৱা বুলি অভিযোগ উঠিছে। জব্বাৰীয়ে সৰবন্দীক ছুৰীৰে আঘাত কৰি পলায়ন কৰে আৰু তেওঁৰ তেজ ওলাই মৃত্যুমুখত পৰে। ^৭ অৱশ্যে অভিযুক্তসকলৰ মতে জব্বৰীয়ে তেওঁৰ এজন বন্ধুক মেছেজ কৰিছিল যে তেওঁৰ সৰ্বন্দীক হত্যাৰ পৰিকল্পনা। সৰবন্দীক হত্যা কৰাৰ দুদিন আগতেই তেওঁ কটাৰীখন ক্ৰয় কৰা বুলি প্ৰকাশ পাইছিল।^৬

ইৰাণৰ সন্দৰ্ভত ৰাষ্ট্ৰসংঘৰ মানৱ অধিকাৰৰ প্ৰতিবেদক আহমদ শ্বহীদে জনোৱা মতে, ছাৰবন্দীয়ে জববাৰীক নিজৰ কাৰ্যালয় পুনৰ সজাবলৈ নিযুক্তি দিছিল আৰু তেওঁক এটা এপাৰ্টমেণ্টলৈ লৈ গৈছিল য’ত তেওঁ তেওঁক যৌন নিৰ্যাতন চলাইছিল। ছাৰবন্দীৰ পৰিয়ালে জোৰ দি কয় যে এইটো এটা পৰিকল্পিত হত্যাকাণ্ড, কিয়নো হত্যাকাণ্ডৰ দুদিন পূৰ্বে জব্বৰীয়ে কটাৰী কিনা বুলি স্বীকাৰ কৰিছিল। কিন্তু আৰক্ষীয়ে তেওঁক অত্যাচাৰ কৰাৰ লগতে জেৰাকাৰীয়ে ভগ্নীক ক্ষতি কৰাৰ ভাবুকি দি মিছা স্বীকাৰোক্তি দিবলৈ বাধ্য কৰা বুলি অভিযোগ উত্থাপন হৈছে। কেইবাটাও আন্তঃৰাষ্ট্ৰীয় মানৱ অধিকাৰ সংস্থাই দুৰ্নীতি আৰু ইৰাণী কৰ্তৃপক্ষই গোচৰটো বাৰে বাৰে ভুল চম্ভালি লোৱাৰ প্ৰতি গভীৰ উদ্বেগ প্ৰকাশ কৰি নতুন বিচাৰৰ আহ্বান জনাইছে।^৬

গ্ৰেপ্তাৰ আৰু বিচাৰ

গ্ৰেপ্তাৰৰ পিছত জব্বাৰীক দুমাহ ধৰি একক কাৰাগাৰত ৰখা হৈছিল, পৰিয়াল বা অধিবক্তাৰ সৈতে যোগাযোগ কৰিব পৰা নাছিল। ^৮ ২০০৯ চনত তেহৰাণৰ আদালতে তেওঁক মৃত্যুদণ্ড দিছিল। এম্নেষ্টী ইণ্টাৰনেশ্যনেলৰ তথ্য অনুসৰি জববাৰীয়ে চাৰ্বন্দীক ছুৰীৰে আঘাত কৰা বুলি স্বীকাৰ কৰিছিল যদিও ঘৰৰ আন কোনোবাই তেওঁক হত্যা কৰা বুলি দাবী কৰিছিল।^৮

এম্নেষ্টী ইণ্টাৰনেশ্যনেল ^৯, ৰাষ্ট্ৰসংঘ আৰু ইউৰোপিয়ান ইউনিয়নই ৰইহানেহৰ জীৱন ৰক্ষাৰ বাবে বিশ্বব্যাপী সমৰ্থন আদায় কৰিবলৈ চেষ্টা কৰিছিল। ২০১৪ চনৰ এপ্ৰিল মাহত তেওঁৰ ফাঁচী বন্ধ কৰাৰ বাবে বিশ্বব্যাপী অভিযানে ২০ হাজাৰ স্বাক্ষৰ সংগ্ৰহ কৰাৰ পিছত তেওঁৰ ফাঁচীৰ মূল তাৰিখৰ পৰা স্থগিত ৰখা হৈছিল।

২০১৪ চনৰ ২৯ ছেপ্টেম্বৰত ঘোষণা কৰা হয় যে তেওঁক ফাঁচী দিয়াৰ সম্ভাৱনা আছে।^১০ ২০১৪ চনৰ ১ অক্টোবৰত তেওঁক ফাঁচী দিয়াৰ পৰিকল্পনা আপাততঃ স্থগিত ৰখা বুলি খবৰ ওলাইছিল।^১১১২ ছ'চিয়েল মিডিয়াত তেওঁক ফাঁচী বন্ধ কৰাৰ বাবে এক অভিযান আৰম্ভ কৰা হৈছিল যদিও তাছনিমে ৰিপ'ৰ্ট কৰিছিল যে জববাৰীৰ আত্মীয়ই ফাঁচী স্থগিত ৰাখিবলৈ ভুক্তভোগীৰ পৰিয়ালৰ পৰা সন্মতি লাভ কৰাত ব্যৰ্থ হৈছে।^৮

মৃত্যু আৰু উত্তৰাধিকাৰ

২০১৪ চনৰ ২৫ অক্টোবৰত ভোৰভোৰাই কাৰাজৰ উত্তৰত থকা গোহৰদষ্ট কাৰাগাৰত ৰেইহানেহ জব্বাৰীক ফাঁচি দিয়া হৈছিল।^{১৩৮১৪} ৰেইহানেৰ অংগসমূহ বেনামীভাৱে দান কৰাটো নিশ্চিত কৰিবলৈ অনুৰোধ কৰি ৰেকৰ্ডিং কৰা চূড়ান্ত বাৰ্তা এটা মাকক এৰি থৈ গৈছিল।^১৫

আন্তঃৰাষ্ট্ৰীয় প্ৰতিক্ৰিয়া

এম্নেষ্টী ইণ্টাৰনেশ্যনেলে মন্তব্য কৰে যে জববাৰীক ত্ৰুটিপূৰ্ণ তদন্তৰ অন্তত দোষী সাব্যস্ত কৰা হৈছে আৰু ঘৰটোত উপস্থিত থকা আন এজন ব্যক্তিয়ে সৰবন্দীক হত্যা কৰা বুলি তেওঁৰ দাবীৰ সঠিক তদন্ত কৰা হোৱা নাছিল।^৮৬

ইটালীৰ সাহিত্যৰ নোবেল বঁটা বিজয়ী ডাৰিয়া ফ’ৱে জাববাৰীৰ নামত ৰেইহানেহ জব্বাৰীৰ প্ৰতিকৃতি বুলি এখন ছবি উৎসৰ্গা কৰিছিল।^১৬

জনপ্ৰিয় সংস্কৃতিত

২০২৩ চনত জাৰ্মান চলচ্চিত্ৰ নিৰ্মাতা ষ্টেফি নিডাৰজোলে "ছেভেন উইণ্টাৰছ ইন টেহৰান" শীৰ্ষক এখন তথ্যচিত্ৰ মুক্তি দিয়ে, য'ত জাববাৰীৰ গোচৰৰ ওপৰত গুৰুত্ব আৰোপ কৰা হৈছিল। সেই বছৰতে জব্বাৰীৰ মাতৃ শোলে পকৰাৱনে "হাউ ৱান বিকমছ এ বাটাৰফ্লাই: দ্য শ্বৰ্ট, ব্ৰেভ লাইফ অৱ মাই ড'টাৰ ৰেহানেহ জব্বাৰী" শীৰ্ষক এখন গ্ৰন্থ প্ৰকাশ কৰিছিল, য'ত তেওঁ কন্যাৰ কাহিনীৰ ওপৰত নিজৰ দৃষ্টিভংগী আগবঢ়াইছিল।

বাহ্যিক সংযোগ

• Artistic re-recording of Reyhaneh's last voice message, made by Loulou R. D. (Lama)
• English text of Reyhaneh Jabbari's last voice message, National Council of Resistance of Iran