ৰুচা হাছাবনিছ

ৰুচা হাছাবনিছ জগদালে (ইংৰাজী ভাষা: Rucha Hasabnis; জন্ম: ৮ ফেব্ৰুৱাৰী ১৯৮৮) এগৰাকী ভাৰতীয় অভিনেত্ৰী। তেওঁ ২০১০ চনৰপৰা ২০১৪ চনলৈকে ষ্টাৰ প্লাছৰ বিখ্যাত ধাৰাবাহিক সাথ নিভানা সাথিয়াত ৰাশি শ্বাহ মোডীৰ চৰিত্ৰত কৰা অভিনয়ৰ বাবে পৰিচিত।^১ পৰৱৰ্তী সময়ত ২০১৫ চনত ব্যৱসায়ী ৰাহুল জগদালেৰ সৈতে বিবাহপাশত আবদ্ধ হ'বলৈ আৰু পৰিয়ালক সময় দিবলৈ তেওঁ অভিনয়ৰপৰা বিৰতি লৈছিল। ২০২০ চনত ক'ভিড-১৯ তলাবন্ধৰ সময়ত সংগীতজ্ঞ তথা ইউটিউবাৰ যশৰাজ মুখাটেৰ এটা ৰেপ ভিডিঅ'ৰ জৰিয়তে ৰুচা হাছাবনিছে পুনৰ জনপ্ৰিয়তা লাভ কৰে। সাথ নিভানা সাথিয়াৰ তেওঁৰ বিখ্যাত সংলাপক লৈ নিৰ্মাণ কৰা ৰচোড়ে মে কৌন থা ৰেপটোৱে ধাৰাবাহিকখন পুনৰ সম্প্ৰচাৰ কৰাত সহায় কৰিছিল।

কেৰিয়াৰ

২০০৯ চনত মাৰাঠী ভাষা ধাৰাবাহিক চাৰ চৌঘিৰ জৰিয়তে তেওঁ অভিনয় কেৰিয়াৰ আৰম্ভ কৰিছিল, য'ত তেওঁ দেৱিকাৰ চৰিত্ৰত অভিনয় কৰিছিল।

হাছাবনিছৰ বাবে সফলতা কঢ়িয়াই অনা চৰিত্ৰটো আছিল ধাৰাবাহিক সাথ নিভানা সাথিয়া, য'ত তেওঁ ২০১০ চনৰপৰা ২০১৪ চনলৈকে ৰাশি জিগাৰ মোডীৰ চৰিত্ৰত অভিনয় কৰিছিল।

২০২১ চনত 'টাইমছ অৱ ইণ্ডিয়া' আৰু 'গ্লিটজ ভিজন ইউএছএ'ৰ সৈতে হোৱা এক সাক্ষাৎকাৰত ৰুচাই ঘোষণা কৰে যে তেওঁ পুনৰ দূৰদৰ্শনলৈ ঘূৰি আহিবলৈ সাজু হৈছে আৰু এটা ভাল চিত্ৰনাট্যৰ বাবে অপেক্ষা কৰি আছে। ^২

ব্যক্তিগত জীৱন

ৰুচা হাছাবনিছৰ জন্ম ১৯৮৮ চনৰ ৮ ফেব্ৰুৱাৰীত ভাৰতৰ মহাৰাষ্ট্ৰৰ মুম্বাইৰ এটা মাৰাঠী পৰিয়ালত হৈছিল।^৩ ২০১৫ চনৰ ২৬ জানুৱাৰীত তেওঁ ৰাহুল জগদালেৰ সৈতে বিবাহপাশত আবদ্ধ হয় আৰু তাৰ পিছত অভিনয়ৰপৰা বিৰতি লয়।^৪ ২০১৯ চনৰ ১০ ডিচেম্বৰত তেওঁ এগৰাকী কন্যা সন্তান জন্ম দিয়ে।^৫ ২০২২ চনৰ ৭ নৱেম্বৰত তেওঁ এটা পুত্ৰ সন্তান জন্ম দিয়ে।^৬

২০২০ চনত তেওঁ এটা চুটি শ্বুটিং প্ৰকল্পৰ জৰিয়তে পৰ্দালৈ উভতি আহিছিল।^৭

দূৰদৰ্শন