ৰিদ্ধি ডোগ্ৰা

ৰিদ্ধি ডোগ্ৰা (ইংৰাজী: Riddhi Dogra; জন্ম: ২২ ছেপ্তেম্বৰ ১৯৮৪ অথবা ১৯৮৫) এগৰাকী ভাৰতীয় অভিনেত্ৰী। তেওঁ জিঅ' চিনেমাত প্ৰচাৰিত অসুৰত নুছৰাত, অল্ট বালাজীৰ দ্য মেৰেড উইমেনত আস্থা, ষ্টাৰ প্লাছৰ মৰিয়াদা: লেকিন কাব টক?ত প্ৰিয়া আৰু জি টিভিৰ ৱহ আপনা ছাত নিশা চৰিত্ৰ বাবে জনাজাত। ইয়াৰ উপৰিও তেওঁ ৰিয়েলিটি শ্ব' নাচ বালিয়ে ৬ আৰু ফিয়েৰ ফেক্টৰ: খট্ৰো কে খিলাড়ী ৬ত অংশগ্ৰহণ কৰিছিল।^১২

প্ৰাৰম্ভিক জীৱন

১৯৮৪/৮৫ চনৰ ২২ ছেপ্টেম্বৰত দিল্লীত ৰিদ্ধি ডোগ্ৰাৰ জন্ম হৈছিল। নতুন দিল্লীৰ শ্বেইখ ছৰাইৰ আপীজয় স্কুলত অধ্যয়ন কৰি কমলা নেহৰু কলেজৰ পৰা মনোবিজ্ঞান সন্মানসহ স্নাতক ডিগ্ৰী লাভ কৰে।^৩

কৰ্মজীৱন

দূৰদৰ্শন উদ্যোগত প্ৰৱেশ কৰাৰ আগতে ডোগ্ৰা শ্যামক দাবৰ নৃত্য প্ৰতিষ্ঠানৰ এগৰাকী নৃত্যশিল্পী আছিল। জুম টিভিৰ সহ-প্ৰযোজক^৪ হিচাপে তেওঁ এই উদ্যোগত আত্মপ্ৰকাশ কৰিছিল।

দূৰদৰ্শনত থকা বছৰবোৰত তেওঁ জি টিভি, এনডিটিভি গুড টাইমছ, জুম টেলিভিছন, আৰু অন গ্ৰাউণ্ড ইভেণ্টৰ বাবেও বহুতো টেলিভিছন অনুষ্ঠান আৰু ভ্ৰমণ ভিত্তিক অনুষ্ঠান আয়োজন কৰি আহিছে। ২০১৩ চনত নাচ বালিয়ে ৬ত অংশগ্ৰহণ কৰে।ডোগ্ৰাই সাবিত্ৰী – এক প্ৰেম কাহানীত সাবিত্ৰী, দিয়া আৰু বাতি হমত অদিতি, আৰু ৱহ আপনা ছাত নিশাৰ চৰিত্ৰত অভিনয় কৰে।^৫৬৭

ছাহিৰ ৰাজাৰ পৰিচালনাত নিৰ্মাণ কৰা দ্য মেৰিড উইমেনত তেওঁ নাম ভূমিকাত অভিনয় কৰিছিল। ডোগ্ৰাই তেওঁৰ অনুৰাগী আৰু দৰ্শকৰ পৰা লাভ কৰাৰ দৰেই সমালোচকৰ পৰাও সমাদৰ আৰু প্ৰশংসা লাভ কৰে। ৱেব ধাৰাবাহিকখনত মণিকা ডোগ্ৰাইও মুখ্য চৰিত্ৰত অভিনয় কৰিছে।^৮

ব্যক্তিগত জীৱন

২০১১ চনত ডোগ্ৰাই অভিনেতা ৰাকেশ বাপতৰ সৈতে বিবাহপাশত আবদ্ধ হয়।^৯ ২০১৯ চনত তেওঁলোকৰ বিবাহ বিচ্ছেদ হয়।^১০১১

তেওঁৰ ভাতৃ অভিনেতা অক্ষয় ডোগ্ৰা^৪ আৰু ককাক আছিল ভাৰতীয় জনতা পাৰ্টীৰ জ্যেষ্ঠ ৰাজনীতিবিদ অৰুণ জেটলী।^১২১৩