ৰিড এলং

ৰিড এলং (পূৰ্বতে বলো নামে পৰিচিত) হৈছে শিশুসকলৰ বাবে এটা এণ্ড্ৰইড ভাষা-শিক্ষণ এপ, যাক গুগলে এণ্ড্ৰইড অপাৰেটিং ছিষ্টেমৰ বাবে উন্নয়ন কৰিছে। এই এপ্লিকেশ্যনটো গুগল প্লে’ত ৭ মাৰ্চ ২০১৯ তাৰিখে মুক্তি পায়।^১২৩

এই এপত দিয়া নামৰ এটা চৰিত্ৰ থাকে, যিয়ে চিত্ৰসহ কাহিনীৰ জৰিয়তে শিশুসকলক পঢ়িবলৈ শিকোৱাত সহায় কৰে। ইয়াত ইংৰাজীৰ লগতে ভাৰতৰ মুখ্য ভাষাসমূহ যেনে হিন্দী ভাষা, বাংলা, তামিল, তেলুগু, মাৰাঠী আৰু উৰ্দু ভাষা ভাষা সমৰ্থন কৰে। ইয়াৰ উপৰিও স্পেনিছ, পৰ্তুগীজ আৰু আৰবী ভাষাও উপলব্ধ।

প্ৰযুক্তি

এই এপটোৱে টেক্সট-টু-স্পিচ প্ৰযুক্তি ব্যৱহাৰ কৰে, যাৰ জৰিয়তে দিয়া নামৰ চৰিত্ৰটোৱে কাহিনী পঢ়ি শুনায়। লগতে ইয়াত স্পিচ-টু-টেক্সট প্ৰযুক্তিও ব্যৱহৃত হয়, যিয়ে ব্যৱহাৰকাৰীৰ পঢ়ন আৰু মূল পাঠ্যৰ মাজৰ মিল যান্ত্ৰিকভাৱে চিনাক্ত কৰে।

২০১৯ চনৰ ছেপ্টেম্বৰ মাহত ছোটা ভীম আৰু কথাকিড্‌ছৰ কাহিনী এপত সংযোজন কৰা হয়।^৪

২০২০ চনৰ এপ্ৰিল মাহত এপটোৰ এটা নতুন সংস্কৰণ মুক্তি পায়।^৫ ২০২০ চনৰ ছেপ্টেম্বৰ মাহত ইয়াত আৰবী ভাষা সংযোজন কৰা হয়।^৬

২০২২ চনৰ আগষ্ট মাহত ৰিড এলঙৰ এটা ৱেব সংস্কৰণো আৰম্ভ কৰা হয়।^৭