ৰিংকু ৰাজগুৰু

প্ৰেৰণা “ৰিংকু” মহাদেৱ ৰাজগুৰু (रिंकू राजगुरू; জন্ম: ৩ জুন ২০০১) হৈছে এগৰাকী ভাৰতীয় অভিনেত্ৰী। তেখেতে বিশেষকৈ মাৰাঠী ভাষাৰ ছবিত অভিনয় কৰিছে। ছেইৰট নামৰ ছবিখনত আগবঢ়োৱা প্ৰদৰ্শনৰ বাবে তেখেত পৰিচিত।^১২

সংক্ষিপ্ত কৰ্মজীৱন

২০০১ চনৰ ৩ জুনত মহাৰাষ্ট্ৰৰ অকলুজ নগৰত ৰাজগুৰুৰ জন্ম হয়৷ তেখেতৰ পিতৃৰ নাম মহাদেৱ ৰাজগুৰু৷^৩

২০১৩ চনত ৰিংকুৱে ছেইৰট নামৰ মাৰাঠী ছবিখনৰ পৰিচালক নাগৰাজ মঞ্জুলেক লগ পায়৷ নাগৰাজে ৰিংকুক চৰিত্ৰটোৰ বাবে অডিশ্যন দিবলৈ কয়৷ ছবিখনত আগবঢ়োৱা প্ৰদৰ্শনৰ বাবে ৬৩সংখ্যক ৰাষ্ট্ৰীয় চলচ্চিত্ৰ বঁটা অনুষ্ঠানত অভিনেত্ৰীগৰাকীয়ে "বিশেষ উল্লেখ"ৰ বঁটা লাভ কৰে৷ ^১৪

ছেইৰটৰ কানাড়া সংস্কৰণটো হৈছে মানাছু মালিগে৷ এইখন ছবিত ৰিংকুৱে চৰিত্ৰটো পুনৰ্নিমাণ কৰে৷^৫৬ পৰৱৰ্তী কালত, ৰিংকুক কাগৰ, মেক আপ আৰু আনপজডৰ দৰে ছবিত দেখিবলৈ পোৱা যায়৷^{৭৮ ৯}

বলিউডত ৰিংকুৰ অভিষেক ঘটে ২০১৯ চনত৷ ছবিখনৰ নাম আছিল ঝুণ্ড৷^১০১১

অভিনেত্ৰী লাৰা দত্তৰ সৈতে ৰিংকু ৰাজগুৰুৱে হতষ্টাৰৰ একছন-কমেডি ছিৰিজ "হাণ্ড্ৰেড"ত অভিনয় কৰে৷ ছিৰিজটো ২০২০ চনৰ ২৫ এপ্ৰিলত মুক্তি হয়৷^১২১৩

চলচ্চিত্ৰপুঞ্জী

দূৰদৰ্শন

বঁটা

• ৰাষ্ট্ৰীয় চলচ্চিত্ৰ বঁঁটা– বিশেষ উল্লেখ (ছেইৰট ছবিৰ বাবে)^১
• ফিল্মফেয়াৰ মাৰাঠী বঁটা, ২০১৭- শ্ৰেষ্ঠ অভিনেত্ৰী বঁটা (ছেইৰট)
• ফিল্মফেয়াৰ মাৰাঠী বঁটা ২০১৭- শ্ৰেষ্ঠ নৱাগতা অভিনেত্ৰী (ছেইৰট)
• জি ছিনে বঁটা ২০১৭- শ্ৰেষ্ঠ মাৰাঠী অভিনেত্ৰী (ছেইৰট)^১৬
• মহাৰাষ্ট্ৰচা ফেভাৰিট ক'ন ২০১৭- শ্ৰেষ্ঠ অভিনেত্ৰী (ছেইৰট)^১৭
• বৰ্ষটোৰ লোকমত মহাৰাষ্ট্ৰীয়ান, ২০১৭-শ্ৰেষ্ঠ অভিনেত্ৰী^১৮