ৰাজা আৰু ৰাধা ৰেড্ডী

ৰাজা আৰু ৰাধা ৰেড্ডী: Raja and Radha Reddy; ( ৰাজা,জন্ম ৬ অক্টোবৰ ১৯৪৩ আৰু ৰাধা, জন্ম ১৫ ফেব্ৰুৱাৰী ১৯৫৫) ভাৰতীয় কুচিপুডী নৃত্য দম্পতী, গুৰু আৰু নৃত্য পৰিচালক। দক্ষিণ ভাৰতীয় নৃত্য কুচিপুডীৰ প্ৰতিনিধি হিচাপে তেওঁলোক বিখ্যাত। তেওঁলোকে নতুন দিল্লীত কুচিপুড়ী নৃত্যৰ নাট্য তৰংগিনী ইনষ্টিটিউট প্ৰতিষ্ঠা কৰি পৰিচালনা কৰে। এই যুটিয়ে কুচিপুডীক ইয়াৰ পৰম্পৰাগত গুণৰ সৈতে আপোচ নকৰাকৈ এক নতুন মাত্ৰা প্ৰদান কৰাৰ কৃতিত্ব লাভ কৰে।^১২ কলাৰ ক্ষেত্ৰত কৰা সেৱাৰ বাবে ভাৰত চৰকাৰে তেওঁলোকক পদ্মশ্ৰী আৰু পদ্মভূষণ বঁটা প্ৰদান কৰিছে।^৩৪

প্ৰাৰম্ভিক জীৱন আৰু পৰিয়াল

ৰাজা ৰেড্ডীৰ জন্ম হৈছিল ১৯৪৩ চনৰ ৬ অক্টোবৰত নৰসপুৰমত[স্পষ্ট কৰাৰ প্ৰয়োজন],^৩৫ আনহাতে ৰাধা ৰেড্ডীৰ জন্ম হৈছিল ১৯৫৫ চনৰ ১৫ ফেব্ৰুৱাৰীত বৰ্তমানৰ তেলেংগানাৰ আদিলাবাদ জিলাৰ কোটালগাঁৱত।^৪৬

কোৰিঅ’গ্ৰাফীত ডিপ্লমা লাভ কৰা ৰাজা ৰেড্ডীয়ে ওছমানিয়া বিশ্ববিদ্যালয়ৰ পৰা স্নাতক ডিগ্ৰী লাভ কৰিছিল। ৰাধা ৰেড্ডীয়েও কোৰিঅ’গ্ৰাফীত ডিপ্লমাও লাভ কৰিছিল। ২০১০ চনত কুচিপুডীলৈ আগবঢ়োৱা অৱদানৰ বাবে হায়দৰাবাদ বিশ্ববিদ্যালয়ে এই যুটিটোক সন্মানীয় ডক্টৰেট ডিগ্ৰী প্ৰদান কৰে।^২ ৰাজা ৰেড্ডীৰ বিবাহ ৰাধা আৰু তেওঁৰ ভগ্নী কৌশল্যাৰ সৈতে হয়, সেই গৰাকীও এগৰাকী কুচিপুডী নৃত্যশিল্পী।^৭৮

ৰাজা ৰাধা ৰেড্ডী আৰু কৌশল্যাৰ দুটা সন্তান যমিনী আৰু ভৱনা ৰেড্ডী, তেওঁলোকো কুচিপুডী নৃত্যশিল্পী।^৮

নৃত্য প্ৰদৰ্শন

১৯৬৬ চনত অন্ধ্ৰ প্ৰদেশ চৰকাৰৰ বৃত্তিৰে তেওঁলোকে দিল্লীলৈ যায় আৰু নাট্য বেলেট চেণ্টাৰত গুৰু মায়া ৰাওৰ অধীনত নৃত্য পৰিচালনা আৰু অন্যান্য মঞ্চ কলা অধ্যয়ন কৰে।^৯ তেওঁলোকৰ অভিনয় তেতিয়াৰ পৰ্যটন মন্ত্ৰী ড° কৰণ সিং আৰু প্ৰধানমন্ত্ৰী ইন্দিৰা গান্ধীয়েও লক্ষ্য কৰিছিল যিয়ে নেহৰুৰ জন্ম বাৰ্ষিকী উদযাপনৰ সময়ত তেওঁলোকৰ অভিনয় প্ৰত্যক্ষ কৰি দিল্লীত এটা ঘৰ আবণ্টন দিছিল।^১০৯ তাৰ পিছত তেওঁলোকে সমগ্ৰ বিশ্বৰ বিভিন্ন স্থানত অনুষ্ঠান পৰিৱেশন কৰে। ৰাজাই, শ্ৰৱণ আৰু বাক শক্তিৰ অসুবিধা থকা ছাত্ৰ-ছাত্ৰীসকলক আৰু ব্লাইণ্ড ৰিলিফ এছ’চিয়েচনত প্ৰশিক্ষণ দিছিল। তেওঁ প্ৰাক্তন ৰাষ্ট্ৰপতি এ পি জে আব্দুল কালামৰ তিনিটা কবিতাৰ আধাৰত এটা গীত নৃত্য পৰিবেশন কৰিছিল।^১১ পাঁচ দশকৰো অধিক সময় ধৰি ড° ৰাজা আৰু ৰাধা ৰেড্ডী ফ্ৰান্স আৰু ছালজবাৰ্গ (অষ্ট্ৰিয়া)ৰ এভিগননৰ আন্তঃৰাষ্ট্ৰীয় নৃত্য মহোৎসৱ আৰু আমেৰিকা, ব্ৰিটেইন আৰু বাংলাদেশৰ ভাৰত উৎসৱত অনুষ্ঠান পৰিৱেশন কৰা প্ৰথমগৰাকী ভাৰতীয় নৃত্যশিল্পী। ভাৰতৰ সৰ্বোচ্চ অসামৰিক বঁটা পদ্মশ্ৰী আৰু পদ্মভূষণ, সংগীত নাটক অকাডেমী আৰু নৃত্য চূড়ামণি বঁটা লাভ কৰে। ২০১০ চনত দিল্লীত অনুষ্ঠিত হোৱা কমনৱেলথ গেমছৰ মুকলি অনুষ্ঠানত তেওঁলোকে কোৰিঅ’গ্ৰাফী কৰিছিল।

বঁটা

• ১৯৮৪ চনত পদ্মশ্ৰী^১২১৩
• ২০০০ চনত পদ্ম ভূষণ^১৪
• সংগীত নাটক অকাডেমী বঁটা^১২
• আজীৱন কৃতিত্ব বঁটা — ৰটাৰী ক্লাব দিল্লী
• হায়দৰাবাদ বিশ্ববিদ্যালয়ৰ পৰা ডক্টৰেট ডিগ্ৰী