ৰচীন ৰবীন্দ্ৰ

ৰচীন ৰবীন্দ্ৰ ( ರಚಿನ್ ರವೀಂದ್ರ; জন্ম ১৮ নৱেম্বৰ ১৯৯৯) এজন নিউজিলেণ্ড ক্ৰিকেটাৰ। ^১

ভাৰতীয় পিতৃ-মাতৃৰ ঘৰত ৰবীন্দ্ৰৰ জন্ম হৈছিল; পিতৃ ৰবি কৃষ্ণমূৰ্তি বাংগালুৰুত বাস কৰা এজন চফ্টৱেৰ চিষ্টেম আৰ্কিটেক্ট আৰু মাতৃ দীপা কৃষ্ণমূৰ্তি নিউজিলেণ্ডৰ ৱেলিংটনত থাকে। ^২ ২০২১ চনৰ ছেপ্টেম্বৰ মাহত নিউজিলেণ্ড ক্ৰিকেট দলৰ হৈ তেওঁ আন্তঃৰাষ্ট্ৰীয় পৰ্যায়ত অভিষেক ঘটায়। ^৩

জীৱনৰ বৈশিষ্ট্য

নিউজিলেণ্ডৰ ৱেলিংটনত ভাৰতীয় পিতৃ-মাতৃৰ ঘৰত জন্ম হৈছিল ৰবীন্দ্ৰৰ।^৪ তেওঁৰ পিতৃ ৰবি কৃষ্ণমূৰ্তি নিউজিলেণ্ডত বাস কৰা এজন চফটৱেৰ আৰ্কিটেক্ট। বাংগালুৰুত থাকি ক্লাব ক্ৰিকেট খেলিছিল।^৫ ৰচীনৰ পিতৃৰ প্ৰিয় ক্ৰিকেটাৰ ৰাহুল দ্ৰাবিড় আৰু শচীন তেণ্ডুলকাৰ। ৰাহুলত থকা "ৰ" আৰু শচীনত থকা "চীন"-এৰে পুত্ৰৰ নাম ৰাখে "ৰচীন"। ^৬

কেৰিয়াৰ

২০১৬ চনৰ ১৯ বছৰ অনুৰ্ধ ক্ৰিকেট বিশ্বকাপ, ২০১৮ চনৰ ১৯ বছৰ অনুৰ্ধ ক্ৰিকেট বিশ্বকাপৰ বাবে নিউজিলেণ্ডৰ দলত অন্তৰ্ভুক্ত হৈছিল। ২০১৮ চনৰ জুন মাহত তেওঁ ৱেলিংটনৰ সৈতে ২০১৮-১৯ ছিজনৰ বাবে চুক্তিবদ্ধ হয়। ^৭

২১ অক্টোবৰত পাকিস্তান এৰ বিৰুদ্ধে নিউজিলেণ্ড এৰ হৈ তেওঁ লিষ্ট এত অভিষেক ঘটায়। ইয়াৰ উপৰিও ২০১৮ চনৰ ৩০ অক্টোবৰত পাকিস্তান এৰ বিৰুদ্ধে নিউজিলেণ্ড এৰ হৈ প্ৰথম শ্ৰেণীৰ অভিষেক ঘটায়। ২০১৯-২০ বৰ্ষৰ ফৰ্ড ট্ৰফীত অকলেণ্ডৰ বিৰুদ্ধে ৱেলিংটনৰ হৈ লিষ্ট এ ক্ৰিকেটত প্ৰথম শতক অৰ্জন কৰে ৰবীন্দ্ৰই। ২০২০ চনৰ মাৰ্চ মাহত ২০১৯-২০ বৰ্ষৰ প্লাংকেট শ্বিল্ড ছিজনৰ ষষ্ঠ ৰাউণ্ডত প্ৰথম শ্ৰেণীৰ ক্ৰিকেটত প্ৰথম শতক অৰ্জন কৰে। ^৮

২০২০-২১ বৰ্ষৰ ঘৰুৱা ক্ৰিকেট ছিজনৰ পূৰ্বে ২০২০ চনৰ জুন মাহত তেওঁক চুক্তিবদ্ধ কৰিছিল ৱেলিংটনে। ২০২০ চনৰ নৱেম্বৰ মাহত ৰবীন্দ্ৰই ভ্ৰমণকাৰী ৱেষ্ট ইণ্ডিজৰ বিৰুদ্ধে অনুশীলন মেচৰ বাবে নিউজিলেণ্ড এ ক্ৰিকেট দলত নিৰ্বাচিত হয়। ^৯ প্ৰথম অনুশীলন মেচত ৰবীন্দ্ৰই ১১২ ৰানেৰে শতক অৰ্জন কৰে। ^১০

আন্তঃৰাষ্ট্ৰীয় কেৰিয়াৰ

২০২১ চনৰ এপ্ৰিল মাহত ইংলেণ্ডৰ বিৰুদ্ধে খেলা শৃংখলা আৰু ২০১৯-২১ আইচিচি বিশ্ব টেষ্ট চেম্পিয়নশ্বিপৰ ফাইনেল খেলৰ বাবে নিউজিলেণ্ড টেষ্ট দলত নিৰ্বাচিত হৈছিল ৰবীন্দ্ৰ। পাকিস্তান ভ্ৰমণৰ বাবে নিউজিলেণ্ডৰ এদিনীয়া দলত নিৰ্বাচিত হৈছিল। ২০২১ চনৰ ১ ছেপ্টেম্বৰত বাংলাদেশৰ বিৰুদ্ধে প্ৰথম টি-২০ খেলিছিল।^১১

২০২১ চনৰ নৱেম্বৰ মাহত ভাৰতৰ বিৰুদ্ধে খেলা শৃংখলাৰ বাবে নিউজিলেণ্ডৰ টেষ্ট দলত নিৰ্বাচিত হৈছিল ৰবীন্দ্ৰ। ২০২১ চনৰ ২৫ নৱেম্বৰত ভাৰতৰ বিৰুদ্ধে প্ৰথমখন টেষ্ট খেলিছিল।^১২