ৰকষ্টাৰ ৰমণী অম্মাল

ৰমণী অম্মাল (১৯৫৪ – ৪ এপ্ৰিল ২০২৩), জনপ্ৰিয়ভাৱে তেওঁৰ মঞ্চনাম ৰকষ্টাৰ ৰমণী অম্মাল, এগৰাকী ভাৰতীয় লোক গায়িকা আৰু প্লেবেক ছিংগাৰ আছিল। ২০১৭ চনত টেলিভিছনৰ ৰিয়েলিটি শ্ব' জি তামিলৰ ছা ৰে গা মা পা চিনিয়ৰছত অংশগ্ৰহণ কৰাৰ পিছত তেওঁ বিশিষ্টতা লাভ কৰে।^১ তেওঁ ছা ৰে গা মা পা চিনিয়ৰছৰ উদ্বোধনী সংস্কৰণৰ বিচাৰকৰ পৰা "ৰকষ্টাৰ" উপনাম লাভ কৰে। কাঢল (২০০৪) ছবিত প্লেবেক গায়িকা হিচাপে তেওঁ চলচ্চিত্ৰত আত্মপ্ৰকাশ কৰে।

সংক্ষিপ্ত জীৱনী

মধ্যবিত্ত পৰিয়ালত জন্মগ্ৰহণ কৰা ৰমণি আম্মালে পাৰিবাৰিক অসুবিধাৰ বাবে পঢ়া-শুনা ত্যাগ কৰিবলগীয়া হৈছিল। সৰুতেই সংগীতৰ প্ৰতি আগ্ৰহ বজাই ৰাখিছিল যদিও টকা উপাৰ্জনৰ বাবে আনৰ ঘৰত কাম কৰিছিল।^১সংগীতৰ প্ৰতি থকা আগ্ৰহ জীপাল কৰি ৰাখিবলৈ তেওঁ বিবাহ অনুষ্ঠানতো গীত গাইছে। জীৱনৰ বেছিভাগ সময় আনৰ ঘৰত লগুৱা হিচাপে কাম কৰিছিল আৰু এই সময়ছোৱাতে ছবি এখনত গান গোৱাৰ প্ৰথম সুযোগ পাইছিল।^২২০০৪ চনত মুক্তি পোৱা ৰোমান্টিক নাট্য ছবি কাধলত কণ্ঠশিল্পী হিচাপে তেওঁৰ অভিষেক ঘটে। কথৱৰায়ণ (২০০৮), তেনাৱথু (২০০৮) আৰু হৰিদাস (২০১৩)ত গীত গাইছিল।^৩অৱশ্যে তাই বেছি চিনেমাত সুযোগ নাপালে আৰু তাৰ পিছত তাই পুনৰ ঘৰুৱা কামত চাকৰ হিচাপে কামত লাগিল।

২০১৭ চনত ৬৩ বছৰ বয়সতে ৰিয়েলিটি টিভি শ্ব’ ছা ৰে গা মা পা চিনিয়ৰছৰ জৰিয়তে টেলিভিছনত অভিষেক ঘটায় আৰু পিছলৈ চলচ্চিত্ৰ গীত গোৱাৰ বাবে জনপ্ৰিয় ঘৰুৱা নাম হৈ পৰে, যাৰ কৃতিত্ব তেওঁৰ বাবে প্ৰবীণ অভিনেতা-ৰাজনীতিবিদলৈ পৰিণত হোৱা এম জি আৰৰ জনপ্ৰিয় গীত।^৪সেই শ্ব’টোৰ শীৰ্ষ দহখন ফাইনেলিষ্টৰ ভিতৰত অন্যতম হৈ পৰে আৰু ২০১৮ চনৰ ১৫ এপ্ৰিলত অনুষ্ঠিত হোৱা গ্ৰেণ্ড ফিনালেত প্ৰথম ৰানাৰ্ছ আপ হয়।^৫৬ সা ৰে গা মা পা ছবিৰ সফলতাৰ পিছত তেওঁ বহু ছবিত গান গোৱাৰ সুযোগ পালে। পাৰ্শ্ব গায়িকা হিচাপে তেওঁ জংগা (২০১৮), সন্দাকোজি ২ (২০১৮), কাপ্পান (২০১৯) আৰু নেঞ্জামু নিৰ্মায়ুন্দু ওডু ৰাজা (২০১৯)ৰ বাবে গীত গাইছে।^৭৮তেওঁ শ্ৰীলংকা, ছিংগাপুৰ আৰু আমেৰিকাত কেইবাটাও সংগীত কনচাৰ্ট পৰিচালনা কৰিছিল।

২০১৮ চনত টেলিভিছনৰ ধাৰাবাহিক য়াৰাদি নী মোহিনীত বিশেষ অতিথি হিচাপে অভিনয় কৰিছিল।^৯

২০২৩ চনৰ ৪ এপ্ৰিলত ৬৯ বছৰ বয়সত আম্মালৰ মৃত্যু হয়।^১০

সংগীত তালিকা

চলচ্চিত্ৰ তালিকা

• বোম্মাই নাইয়াগি (২০২৩)