হীনা গৱীত

হীনা গৱীত (Heena Gavit; জন্ম: ২৮ জুন ১৯৮৭) মহাৰাষ্ট্ৰৰ এগৰাকী ভাৰতীয় জনতা পাৰ্টীৰ ৰাজনীতিবিদ। ২০১৪ চনৰ পৰা ২০২৪ চনলৈ নন্দুৰবাৰ সমষ্টিক প্ৰতিনিধিত্ব কৰি তেওঁ লোকসভাৰ সদস্য হিচাপে কাৰ্যনিৰ্বাহ কৰি আছিল। তেওঁ বিজেপিৰ ৰাষ্ট্ৰীয় মুখপাত্ৰ।^১

কৰ্মজীৱন

হীনা গৱীত নন্দুৰবাৰ বিধান সভা সমষ্টিৰ ভাৰতীয় জনতা পাৰ্টী আৰু প্ৰাক্তন জাতীয়তাবাদী কংগ্ৰেছ পাৰ্টিৰ বিধায়ক বিজয়কুমাৰ গৱীতৰ কন্যা। পেছাত তেওঁ এগৰাকী চিকিৎসক।^২

ৰাজনৈতিক জীৱন

২০১৪ চনৰ লোকসভা নিৰ্বাচনত নন্দুৰবাৰৰ পৰা ৯ বাৰৰ সাংসদ মণিকৰাও হোদল্যা গৱীতক তেওঁ পৰাস্ত কৰিছিল। ১৯৮১ চনৰ পৰা মণিকৰাওৰ ভাৰতীয় জাতীয় কংগ্ৰেছে এই আসনখন দখল কৰিছিল। কিন্তু সেইবাৰ হিনাৰ লগত হোৱা প্ৰতিদ্বন্দ্বিতাত তেওঁলোক ১০৬৯০৫ ভোটৰ ব্যৱধানত পৰাভূত হয়।^৩

ৰক্ষা খাদছেৰ সৈতে যুটীয়াভাৱে তেওঁ ১৬ সংখ্যক লোকসভাৰ আটাইতকৈ কম বয়সীয়া সাংসদ হিচাপে বিবেচিত হয়।^৪

২০২৪ চনৰ ভাৰতীয় সাধাৰণ নিৰ্বাচনৰ সময়ত তেওঁ ভাৰতীয় জাতীয় কংগ্ৰেছৰ গোভাল পদ্বীৰ হাতত ১,৫৯,১২০ ভোটত পৰাস্ত হয়।

বিতৰ্ক

২০১৮ চনৰ ৫ আগষ্টত যোৱা ১৬ দিন ধৰি ধূলে কালেক্টৰৰ কাৰ্যালয়ৰ বাহিৰত ধৰ্ণা পালন কৰি থকা প্ৰতিবাদকাৰীসকলে হীনা গৱীতৰ গাড়ীত আক্ৰমণ কৰে।^৫৬৭৮