হংসা যোগেন্দ্ৰ

হংসা যোগেন্দ্ৰ (Hansa Yogendra, हंसा योगेन्द्र; জন্ম: ৮ অক্টোবৰ ১৯৪৭) এগৰাকী ভাৰতীয় যোগ গুৰু, লেখিকা, গৱেষক আৰু টেলিভিছন ব্যক্তিত্ব।^১২৩৪ শহুৰেক শ্ৰী যোগেন্দ্ৰই প্ৰতিষ্ঠা কৰা মুম্বাইৰ দ্য যোগ ইনষ্টিটিউটৰ পৰিচালক। ১৯১৮ চনত স্থাপিত ই চৰকাৰী স্বীকৃতিপ্ৰাপ্ত অলাভজনক সংস্থা আৰু বিশ্বৰ আটাইতকৈ পুৰণি সংগঠিত যোগ কেন্দ্ৰ।^২

১৯৮০ চনত ডি ডি নেচনেলত প্ৰচাৰিত টেলিভিছন ধাৰাবাহিক যোগ ফৰ বেটাৰ লিভিঙৰ উপস্থাপিকা আছিল। ভাৰতীয় মান পৰিষদৰ যোগ প্ৰমাণীকৰণ সমিতিৰ অধ্যক্ষ আৰু আন্তঃৰাষ্ট্ৰীয় যোগ ব’ৰ্ডৰ সভানেত্ৰী। ভাৰতীয় যোগ সন্থাৰ উপ-সভানেত্ৰী।^৩

প্ৰাথমিক জীৱন

১৯৪৭ চনৰ ৮ অক্টোবৰত জৈন পৰিয়ালত তেওঁ জন্মগ্ৰহণ কৰিছিল। তেওঁৰ পিতৃৰ নাম জিতেন্দ্ৰ ফুলচান্দ পাটনী আৰু মাতৃৰ নাম তাৰা পাটনী। হংসাই মিথিবাই কলেজৰ পৰা বিজ্ঞান বিষয়ত স্নাতক ডিগ্ৰী সম্পূৰ্ণ কৰে। পিছলৈ তেওঁ দ্য যোগ ইনষ্টিটিউটত যোগ শিক্ষক প্ৰশিক্ষণ পাঠ্যক্ৰম সম্পূৰ্ণ কৰে। তেওঁ মুম্বাইৰ চৰকাৰী আইন মহাবিদ্যালয়ৰ পৰা আইন বিষয়ত স্নাতক ডিগ্ৰী লাভ কৰিছে। ২০১৮ চনৰ ফেব্ৰুৱাৰী মাহত তেওঁ দ্য অ’পেন ইণ্টাৰনেশ্যনেল ইউনিভাৰ্চিটি ফৰ কম্প্লিমেণ্টৰী মেডিচিনৰ পৰা পিএইচডি লাভ কৰে।^৪

ব্যক্তিগত জীৱন

১৯৭৩ চনত জয়দেৱ যোগেন্দ্ৰৰ সৈতে বিবাহপাশত আবদ্ধ হয়।^৫ হংসা শ্ৰী যোগেন্দ্ৰৰ বোৱাৰী।^৬

অতিৰিক্ত পঠন

• (2003). Das Schweizer Buch: bibliographisches Bulletin der Schweizerischen Landesbibliothek, Bern. Schweizerischer Buchhändler- und Verlegerverein, Indiana University. পৃ. 329
• Subba Rao. (January 2018). The Call of Yoga: The Life And Mission of Dr. Jayadeva & Hansaji Yogendra. Zen Publications. ISBN 9789385902918
• Anne Cushman; Jerry Jones. (4 February 1999). From here to nirvana: the essential guide to the yogis and gurus, ashrams and temples of spiritual India. Rider (imprint). ISBN 9780712670616

বাহ্যিক সংযোগ

• The Yoga Institute
• The Yoga Institute (Youtube channel)
• Yog Satra with Yogachrya Hansa Jaidev Yogendra