অসমীয়া বিশ্বকোষঅসম আৰু অসমীয়া ভাষাৰ জ্ঞানকোষ
অৱদান
প্ৰকৃতি আৰু পৰিৱেশ

সোণালী বান্দৰ

সোণালী বান্দৰ ( Golden langur) পোণপ্ৰথমে ১৯৫৪ চনত আৱিস্কৃত হৈছিল৷ এই আপুৰুগীয়া বান্দৰৰ প্ৰজাতিটো ভাৰতবৰ্ষত মূলতঃ পশ্চিম অসম, ভুটানৰ পৰ্ব্বত অঞ্চলত পোৱা যায় ৷এই প্ৰাণীবিধৰ দৈহিক গঠন তথা বিস্তৃতি সম্পৰ্কে গী (Gee,১৯৫৬) আৰু খাজুৰীয়া (Khajuria,১৯৫৬, ১৯৬২) ই প্ৰথম বৈজ্ঞানিক তথ্য আগবঢ়ায়৷ এই…

অসমীয়া ৱিকিপিডিয়াৰ অৱদানকাৰীসকল হালনাগাদ: ২৪ ছেপ্তেম্বৰ ২০২৬ ২৫৩ শব্দ · ১ মিনিট সংগৃহীত ৫৩
সংশোধনৰ পৰামৰ্শ

সোণালী বান্দৰ ( Golden langur) পোণপ্ৰথমে ১৯৫৪ চনত আৱিস্কৃত হৈছিল৷ এই আপুৰুগীয়া বান্দৰৰ প্ৰজাতিটো ভাৰতবৰ্ষত মূলতঃ পশ্চিম অসম,১২ ভূটানৰ পৰ্ব্বত অঞ্চলত পোৱা যায় ৩৪৷এই প্ৰাণীবিধৰ দৈহিক গঠন তথা বিস্তৃতি সম্পৰ্কে গী (Gee,১৯৫৬) আৰু খাজুৰীয়া (Khajuria,১৯৫৬, ১৯৬২) ই প্ৰথম বৈজ্ঞানিক তথ্য আগবঢ়ায়৷ এই প্ৰাণীবিধক ভাৰতীয় বন্যপ্ৰাণী আইন (১৯৭২) অনুসৰি সৰ্বোচ্চ প্ৰতিৰক্ষা আগবঢ়োৱা হৈছে৷ এই আইনত সোণালী বান্দৰক প্ৰথম অনুসূচীৰ (Schedule I) প্ৰাণী বুলি স্বীকৃতি দিয়া হৈছে আৰু ইয়াৰ দ্বাৰাই এই জন্তুবিধৰ হত্যা, চিকাৰ বা পোহনীয়া কৰি ৰখাটো নিষিদ্ধ কৰা হৈছে৷

শ্ৰেণীবিভাজন

সোণালী বান্দৰৰ দুটা উপ-প্ৰজাতি পোৱা যায়:-

  • Trachypithecus geei geei
  • Trachypithecus geei bhutanensis

বিৱৰণ

সোণালী বান্দৰৰ মুখমণ্ডল।
সোণালী বান্দৰৰ মুখমণ্ডল।ছবি: Yathin S Krishnappa · CC BY-SA 3.0

সোণালী বান্দৰৰ দেহৰ বৰণ সোণালী, মুখখন ক’লা আৰু নেজডাল যথেষ্ট দীঘ৷ সোণালী বান্দৰে সাধাৰণতে ওখ গছত বাস কৰে বাবে দীঘল নেজ ডালে দেহৰ ভাৰসাম্য ৰখাতো সহায় কৰে৷ দেহৰ দৈৰ্ঘ্য ৫০-৬০ ছে: মি: আৰু ওজন-৯.৫-১১ কি:গ্ৰা:৷ সোণালী বান্দৰ এবিধ তৃণভোজী প্ৰাণী,প্ৰধানত: ফল-মূল, গছৰ পাত, গুটি আৰু ফুল খাদ্য ইচাপে গ্ৰহণ কৰে ৷

বিস্তৃতি

সোণালী বান্দৰ
সোণালী বান্দৰছবি: The original uploader was Doniv79 at English Wikipedia. · CC BY-SA 2.5

সোণালী বান্দৰৰ বিস্তৃত তেনেই সীমিত৷ ভাৰতবৰ্ষত দক্ষিণে ব্ৰহ্মপুত্ৰ নদ, পূবত মানস নদী, পশ্চিমে সোণকোষ নদী আৰু উত্তৰে ভূটানৰ ক’লা পাহাৰ পৰ্য্যন্ত এই প্ৰাণী বিধৰ বিচৰণস্হলী ৪ ৫৷

আচৰণ

ই সাধাৰণতে ৮-৫০ টা প্ৰাণীৰ দলত বাস কৰে৷ একোটা দলত সাধাৰণতে এটা বা দুটা মতা প্ৰাণী থাকে৬৷ এবাৰত এটাকৈ পোৱালি জন্ম দিয়ে৷

স্থিতি তথা সংৰক্ষণ

সোণালী বান্দৰ এবিধ বিলুপ্তপ্ৰায় (endangered) প্ৰাণী ৷ ২০০১ চনৰ এটা অধ্যয়ন অনুসৰি ভাৰতবৰ্ষত ইয়াৰ সংখ্যা প্ৰায় ১০৬৪ টা ৷ ইয়াৰে ৬০% ই পূৰ্ণবয়স্ক প্ৰাণী বুলি তথ্য পোৱা গৈছে ৪ ৭৷

বাহ্যিক সংযোগ

তথ্যসূত্ৰ

  1. ↑ Choudhury, A.U. (1988). Priority ratings for conservation of Indian primates. Oryx 22: 89-94
  2. ↑ Choudhury, A.U. (1988). Conservation in Manas Tiger Reserve. Tigerpaper 15(2): 23-27
  3. ↑ Choudhury, A.U. (1990). Primates in Bhutan. Oryx 24: 125
  4. ↑ Srivastava, A.; Biswas, J.; Das, J. (2001). Status and Distribution of Golden Langurs (Trachypithecus geei) in Assam, India. American Journal of Primatology. পৃ. 15–23
  5. ↑ Wangchuk, Tashi; Inouye, David W.; Hare, Matthew P. (2008). The Emergence of an Endangered Species: Evolution and Phylogeny of the Trachypithecus geei of Bhutan. International Journal of Primatology. পৃ. 565–582
  6. ↑ Biswas, J. 2002. Home range shifting of free ranging golden langur: Trachypithecus geei (Khajuria, 1956). (abstract) XIXth Congress of the International Primatological Society. Beijing, China
  7. ↑ Rekha Medhi, Dilip Chetry, P. C. Bhattacharjee and B. N. Patiri. (2004). Status of Trachypithecus geei in a Rubber Plantation in Western Assam, India. International Journal of Primatology. পৃ. 1331–1337

সম্পৰ্কিত শ্ৰেণী

বান্দৰঅসমৰ স্তন্যপায়ী বন্যজন্তু

উৎস আৰু অনুজ্ঞাপত্ৰ

উৎস: অসমীয়া ৱিকিপিডিয়া। এই প্ৰবন্ধটো অসমীয়া ৱিকিপিডিয়াৰ “সোণালী বান্দৰ” প্ৰবন্ধৰ সংশোধন ৬৩৭৮৩৬ (২৪ ছেপ্তেম্বৰ ২০২৬)ৰ পৰা আনি অসমীয়া বিশ্বকোষৰ গাঁথনিলৈ ৰূপান্তৰ কৰা হৈছে। মূল লেখকসকলৰ তালিকা সম্পাদনা-ইতিহাসত উপলব্ধ। পাঠ্য CC BY-SA 4.0।

এই প্ৰবন্ধটো উদ্ধৃত কৰক