সুৰু নদী ভাৰতৰ লাডাখৰ কাৰ্গিল জিলাৰ মাজেৰে বহুলাংশে বৈ গৈ পাকিস্তানৰ গিলগীত-বাল্টিস্তানলৈ বৈ যোৱা সিন্ধু নদীৰ উপনৈ। সুৰু উপত্যকা কাৰ্গিল তহচিলৰ সৈতে সমবিস্তৃত, ইয়াৰ পাৰত কাৰ্গিল চহৰ অৱস্থিত। এই নদীখনে গিলগিট-বাল্টিস্তানৰ খাৰমাং জিলাত প্ৰৱেশ কৰে, কিছু সময় পাৰ হৈ মাৰোলৰ ওচৰৰ সিন্ধুৰ সৈতে মিলিত হয়।১
ভূগোল
সুৰু নদী ১৮৫ কিলোমিটাৰ (১১৫ মাইল) দীঘল নদী, যি ড্ৰাং ড্ৰুং হিমবাহৰ ওচৰৰ পেনচি লা পাছত অৱস্থিত পাঞ্জেলা হিমবাহৰ পৰা উৎপত্তি হয়। ড্ৰাং ড্ৰুং হিমবাহৰ পৰাও ষ্ট’ড নদীৰ জন্ম হয় যিখন সুৰুৰ পৰা বিপৰীত দিশত তললৈ বৈ যায়। চুৰু নদীৰ উৎস কাৰ্গিল চহৰৰ পৰা ১৪২ কিলোমিটাৰ (৮৮ মাইল) দক্ষিণে, আৰু জান্সকাৰৰ পৰা ৭৯ কিলোমিটাৰ (৪৯ মাইল) উত্তৰত অৱস্থিত। জম্মু-কাশ্মীৰৰ ৰাজধানী শ্ৰীনগৰ পশ্চিমে ৩৩১ কিলোমিটাৰ (২০৬ মাইল) দূৰত্বত অৱস্থিত। সুৰু নদীয়ে জান্সকাৰ ৰেঞ্জৰ পশ্চিম আৰু উত্তৰ সীমা গঠন কৰে।২ এই নদীখনে ইয়াৰ উৎসৰ পৰা পশ্চিম দিশলৈ, কাৰ্গিল-জানাস্কাৰ পথৰ কাষেৰে বৈ গৈ সুৰু উপত্যকা গঠন কৰে, যিখন নুন কুন পৰ্বতৰ গৰ্ভৰে আগুৰি আছে। ই সুৰু উপত্যকাৰ জান্সকাৰ ৰেঞ্জৰ নুন কুন পৰ্বতমালাৰ পানী নিষ্কাশন কৰে, আৰু ইয়াৰ লগত গুলমাটাংগোৰ চৰণীয়া পথাৰত এটা উপনৈ "চিলিং নালা" যোগ হয়। এই ধাৰাটো পাৰ্কাচিক হিমবাহৰ পৰা উৎপত্তি হয়।৩ তাৰ পিছত সুৰু নদীখন গভীৰ আৰু সংকীৰ্ণ গৰ্জৰ মাজেৰে উত্তৰ দিশলৈ বৈ কাৰ্গিল চহৰলৈ যায় আৰু তাৰ পৰাই ইয়াক একে নামৰ হিমবাহৰ পৰা উৎপত্তি হোৱা বটকুল নদীৰ দ্বাৰা পানী যোগান ধৰা হয়।১ শ্বিংগো নদীৰ দ্বাৰা পানী যোগান ধৰা দ্ৰাছ নদী কাৰ্গিল চহৰৰ পৰা ৭ কিলোমিটাৰ (৪.৩ মাইল) উত্তৰে হৰদাছ (খৰাল বুলিও কোৱা হয়)ত সুৰু নদীৰ সৈতে মিলি যায়।৪ তাৰ পিছত ভাৰত আৰু পাকিস্তানৰ ৪৩ নং পোষ্ট আৰু ৪৪ নং পোষ্টৰ মাজেৰে দ্ৰাস আৰু সুৰু নদীৰ একত্ৰীকৰণ বিন্দুৰ পৰা ৫ কিলোমিটাৰ (৩.১ মাইল) আগুৱাই পাকিস্তানী প্ৰশাসনিক কাশ্মীৰত প্ৰৱেশ কৰে আৰু মাৰলৰ ওচৰৰ সিন্ধু নদীৰ সৈতে একত্ৰিত হয়।১২
নদীখনৰ অধিকাংশ অংশ কাৰ্গিল জিলাৰ অধিকাৰক্ষেত্ৰৰ ভিতৰত বৈ যায়। ই টংগুল, সুৰু, গ্ৰাণ্টুং, গোমা আৰু হৰদাস চহৰৰ মাজেৰে বৈ গৈছে। কাৰ্গিল চহৰখন সুৰু নদীৰ পাৰত অৱস্থিত আটাইতকৈ ডাঙৰ চহৰ, আৰু লগতে লেহৰ পিছত লাডাখ অঞ্চলৰ দ্বিতীয় বৃহত্তম চহৰ। কাৰ্গিল আৰু স্কাৰডুক সংযোগ কৰি সুৰু নদীৰ কাষেৰে প্ৰাচীন ৰেচম পথৰ এটা শাখা চলিছিল। নিয়ন্ত্ৰণ ৰেখাৰ বাবে এতিয়া পথটো বন্ধ হৈ পৰিছে।৫৬
সুৰু নদীত ৰাফটিংৰ বিস্তৃত সম্ভাৱনা আছে আৰু গ্ৰীষ্মকালত ইয়াৰ অনুশীলন কৰা হয়। সুৰু উপত্যকা হৈছে ৰাফটিং ভ্ৰমণৰ আৰম্ভণিৰ বিন্দু, আৰু ই নুন কুন পৰ্বতমালালৈ পৰ্বতাৰোহণ অভিযানৰ বাবেও ভিত্তি প্ৰদান কৰে।৭
শুকান জলবায়ুৰ বাবে লাডাখৰ কৃষি দুৰ্লভ, আৰু নদী উপত্যকাত সীমাবদ্ধ। সুৰু নদীৰ জলাশয়ৰ দ্বাৰা গঠিত সুৰু উপত্যকাত সুৰু নদীৰ খালৰ মাজেৰে জলসিঞ্চন লাভ কৰা হয়। উপত্যকাত উৎপাদিত প্ৰধান শস্যসমূহৰ ভিতৰত যৱ, ঘেঁহু, টাৰ্নিপ আৰু সৰিয়হ আদি উল্লেখযোগ্য।৮
তথ্যসূত্ৰ
- ↑ Joldan, Sonam. (Autumn 2006). Relationship between Ladakh and Buddhist Tibet: Pilgrimage and trade. The Tibet Journal. পৃ. 43–76
- ↑ Rivers of Ladakh. ladakh.com
- ↑ Prem Singh Jina. (1996). Ladakh: The Land and the People. Indus Publishing, 1996. পৃ. -16. ISBN 978-81-7387-057-6
- ↑ Omacanda Hāṇḍā. (2001). Buddhist Western Himalaya: A politico-religious history. Indus Publishing, 2001. পৃ. -67. ISBN 978-81-7387-124-5
- ↑ Kargil the Suru valley. gaffarkashmir.com
- ↑ Sanjeev Kumar Bhasin. (2006). Amazing Land Ladakh: Places, People, and Culture. Indus Publishing, 2006. পৃ. -28. ISBN 978-81-7387-186-3
- ↑ (2005). Incredible Himalayas: Environment, Culture, Tourism, and Adventure. Indus Publishing, 2005. পৃ. -143. ISBN 978-81-7387-179-5
- ↑ Indu Ramchandani. (2000). Students' Britannica India, Volumes 1-5. Popular Prakashan, 2000. পৃ. -126. ISBN 978-0-85229-760-5
উৎস আৰু অনুজ্ঞাপত্ৰ
উৎস: অসমীয়া ৱিকিপিডিয়া। এই প্ৰবন্ধটো অসমীয়া ৱিকিপিডিয়াৰ “সুৰু নদী” প্ৰবন্ধৰ সংশোধন ৫৬২৩৩০ (১০ ডিচেম্বৰ ২০২৫)ৰ পৰা আনি অসমীয়া বিশ্বকোষৰ গাঁথনিলৈ ৰূপান্তৰ কৰা হৈছে। মূল লেখকসকলৰ তালিকা সম্পাদনা-ইতিহাসত উপলব্ধ। পাঠ্য CC BY-SA 4.0।