সাতভনী

সাতভনী বা বাৰীলোটা (Jungle Babbler, Turdoides striata), 'Leiothrichidae' পৰিয়ালৰ অন্তৰ্ভুক্ত এবিধ মজলীয়া আকাৰৰ চৰাইৰ প্ৰজাতি (জীৱবিদ্যা)৷ ইয়াক সমগ্ৰ ভাৰত উপমহাদেশতে দেখিবলৈ পোৱা যায়৷ ই সাধাৰণতে ছয়ৰ পৰা দহটামান চৰাইৰ গোট হৈ চৰে৷ সাতোটামান চৰাই একেলগে ঘূৰি ফুৰে বাবে ইয়াক সাতভনী, সাতভাই, সাতভায়া আদি নাম দিয়া হৈছে৷ আনহাতে মানুহৰ বাৰী, জাৰণি আদিত পোক, লেটা, ফল-মূল আদি এফালৰ পৰা খাই ফুৰে বাবে বাৰীলোটাও বোলে৷^১

বিৱৰণ

হাবি-বান, খেতিপথাৰ, জাৰণিৰ দৰে ঠায়েই সাতভনীৰ মূল বাসস্থান৷ অন্য babbler চৰাইৰ দৰে ই অ-পৰিভ্ৰমী৷ ইয়াৰ পাখি ঘূৰণীয়া আকৃতিৰ আৰু উৰণ দুৰ্বল। মটীয়া ধোঁৱাবৰণৰ ৰং আৰু হালধীয়া ঠোঁটেৰে মতা আৰু মাইকী চৰাই দেখিবলৈ একে। দক্ষিণ ভাৰত আৰু শ্ৰীলংকাত পোৱা Yellow-billed Babblerৰ লগত ইয়াৰ সাদৃশ আছে। . শৰীৰৰ ওপৰৰ অংশ সাধাৰণতে অলপ ডাঠ ৰঙৰ আৰু ডিঙি-বুকুৰ অংশত অলপ দাগ থাকে।^২ পোৱালিবোৰৰ চকুৰ মণি ক'লাবৰণীয়া। বয়স্ক চৰাইৰ চকুৰ মণি শেঁতা মাখন বৰণীয়া।^৩

টেক্স'নমি

বংগত পোৱা এটা নমুনাক ভিত্তি কৰি প্ৰথম ১৮২৩ চনত Cossyphus striatus নামৰে প্ৰজাতিটোৰ বিৱৰণ দিয়া হৈছিল। অঞ্চলভেদে পোৱা সামান্য ভিনৰঙী উপ-প্ৰজাতিবোৰৰ নামো বেলেগ বেলেগ।^৪ শ্ৰীলংকাত পোৱা rufescens ক এতিয়া সুকীয়া প্ৰজাতি বুলি গণ্য কৰা হয়। সৰ্বগ্ৰহণযোগ্য উপ-প্ৰজাতিবোৰ হ'ল:

• striata ( Dumont de Sainte Croix, ১৮২৩) যিটো হিমালয় পাদদেশৰ দক্ষিণে উত্তৰ ভাৰতৰ প্ৰায়বোৰ ঠাই আৰু ভূটান, অসম, উত্তৰ প্ৰদেশ, হিমাচল প্ৰদেশ আৰু উত্তৰ-পূব অন্ধ্ৰ প্ৰদেশত পোৱা যায়।^৫
• sindiana ( Ticehurst, ১৯২০) এটা শেঁতা মৰুভূমিৰ প্ৰকাৰ যিটো পাকিস্তানৰ সিন্ধু সমতলৰ পৰা ভাৰতৰ ৰাজস্থান আৰু কচ্ছৰ ৰান পৰ্যন্ত পোৱা যায়।i
• somervillei ( Sykes, ১৮৩২) উত্তৰ পশ্চিম ঘাটৰ পৰা দক্ষিণে গোৱা গেপ পৰ্যন্ত দেখা যায়।
• malabarica ( Jerdon, ১৮৪৫) দক্ষিণ পশ্চিম ঘাটত দেখা যায়।
• orientalis ( Jerdon, ১৮৪৫) দক্ষিণ ভাৰতত পশ্চিম ঘাটৰ পূব দিশে দেখা যায়।

আচৰণ

এই চৰাইবিধ দল পাতি থকা বিধৰ আৰু বৰ সামাজিক। কেতিয়াবা সিহঁতে মিশ্ৰিত প্ৰজাতি খাদ্য-সংগ্ৰহ দলত (mixed-species foraging flock) ভাগ লয়।^৬

খাদ্য

সাতভনীয়ে ঘাইকৈ পোক খায়, কিন্তু গুটি, মৌ আৰু জামুও খায়।^৭

প্ৰজনন

ইহঁতে গোটেই বছৰ ধৰি পোৱালি জগায়; উত্তৰ ভাৰতত মাৰ্চ-এপ্ৰিল আৰু জুলাই-ছেপ্তেম্বৰ মাহৰ মাজভাগত বেছিকৈ পোৱালি জগোৱা পৰিলক্ষিতত হয়। ইহঁতে ৩বছৰ বয়সৰ পৰা প্ৰজননক্ষম হয়।^৮ গছৰ মাজভাগমানত পাতেৰে ঢাক খাই থকাকৈ বাহ সাজে। সাধাৰণতে তিনিটা বা চাৰিটা (সাতটালৈকে হ'ব পাৰে) ডাঠ সেউজ নীলা ৰঙৰ কণী পাৰে। উৰণক্ষম হ'লে মাইকী চৰায়ে প্ৰায় দুবছৰৰ পাছত পৰিয়াল এৰে।<^৮ গোটৰ চৰায়ে প্ৰায়েই ইটোৱে সিটোৰ পাখি ঠোঁটেৰে ঘঁহা, খেদা-খেদি আৰু ধেমালি যুঁজ কৰে।^৯ চিকাৰী প্ৰাণীৰ মুখামুখি হ'লে সিহঁতে কেতিয়াবা মৰাৰ অভিনয় কৰে বুলি কোৱা হয়।^১০

লগতে চাওক

• Andrews MI & RM Naik (1965) Some observations on flocks of the Jungle Babbler Turdoides striatus (Dumont) during winter. Pavo 3:47-54.
• Naik,RM; Andrews,MI (1966) Pterylosis, age determination and moult in the jungle babbler. Pavo 4(1-2):48-57.
• Andrews,MI; Naik,RM (1966) The body weight and the thyroid and gonadal cycles of the jungle babbler. Pavo 4(1&2):48-57.
• Andrews,MI; Naik,RM (1972) The biology of the jungle babbler. Pavo 08(1&2):1-34.
• Rana,BD (1972) Some observations on food of the Jungle Babbler, Turdoides striatus, and the Common Babbler, Turdoides caudatus in the Rajasthan Desert, India. Pavo 8(1&2):35-44.
• Rana,DB (1985) Abnormality in the testis of Streptopelia decaocto and Turdoides striatus in the Rajasthan desert. Pavo 23(1&2):101-102.
• Suresh,PK; Chaturvedi,CM (1986) Annual endocrine cycles in male babbler, Turdoides somerveillei. Pavo 24(1&2):43-54.
• Parasharya,BM (1986) Early breeding date of Jungle Babbler in Gujarat. Pavo 24(1&2):117-118.
• Inglis,CM (1936) The Bengal Jungle Babbler or "Seven Sisters," Turdoides terricolor terricolor (Hodgson). J. Darjeeling Nat. Hist. Soc. 10(4):117-123
• Ali,S (1974) Jungle Babblers at Pali Hills, Bandra, Bombay 400050. Newsletter for Birdwatchers . 14(11):5-6.
• R. Ray-Chaudhuri, T. Sharma, S. P. Ray-Chaudhuri (1969) A comparative study of the chromosomes of birds. Chromosoma 26(2):148-168
• Mitra, Sarat Chandra (1926-27?) Studies in bird-myths:
  • No. {X}: On a probable aetiological myth about the jungle babbler;
  • No. {XI}: On an aetiological myth about the Indian house-crow;
  • No. {XII}: On three aetiological myths about the spots on the peacock's tail-feathers;
  • No. {XIII}: Quarterly Journal of the Mythic Society 17:63-64

বাহ্যিক সংযোগ

• Jungle Babler videos, photos & sounds on the Internet Bird Collection.
• Photo of a leucistic individual