শ্ৰীথা শিৱদাস

শ্ৰীথা শিৱদাস (ইংৰাজী ভাষা: Shritha Sivadas) হৈছে এগৰাকী ভাৰতীয় অভিনেত্ৰী আৰু দূৰদৰ্শনৰ আঁতধৰোঁতা। তেওঁ মূলতঃ মালয়ালম ভাষা আৰু তামিল ভাষা ভাষাৰ ছবিত অভিনয় কৰে। সুগীতৰ পৰিচালনাত মুক্তিপ্ৰাপ্ত ২০১২ চনৰ চলচ্চিত্ৰ অৰ্ডিনাৰী যোগে তেওঁ অভিনয় জগতত আত্মপ্ৰকাশ কৰে।^১ সুদীৰ্ঘ বিৰতিৰ পিছত ২০১৯ চনত ধিল্লুকু ধুদ্ধু ২ ছবিখনৰ জৰিয়তে তেওঁ পুনৰ অভিনয় জগতলৈ প্ৰত্যাৱৰ্তন কৰে।

ব্যক্তিগত জীৱন

কেৰালাৰ অলুভাৰ উলিয়ানূৰত শ্ৰীথাৰ জন্ম হৈছিল। পিতৃ শিৱদাস আৰু মাতৃ উমাৰ ঘৰত জন্ম লোৱা শ্ৰীথাৰ প্ৰকৃত নাম পাৰ্বতী।^২৩ তেওঁ কালাডীৰ শ্ৰী শংকৰা college-ৰপৰা মাইক্ৰ’বায়’লজী বিভাগত স্নাতক ডিগ্ৰী লাভ কৰে।

কৰ্মজীৱন

কৈৰালী টিভিৰ ডিউ ড্ৰপছ নামৰ এক অনুষ্ঠানৰ আঁতধৰোঁতা হিচাপে শ্ৰীথাই কৰ্মজীৱনৰ সূচনা কৰিছিল। পৰৱৰ্তী সময়ত তেওঁ একেটা চেনেলৰে তাৰোৎসৱম নামৰ অনুষ্ঠানটোৰো আঁত ধৰে।^৩ ২০১২ চনত সুগীতৰ ছবি অৰ্ডিনাৰী আছিল তেওঁৰ প্ৰথম অভিনীত ছবি। এই ছবিখনত কৰা অভিনয়ৰ বাবে দৰ্শক আৰু সংবাদ মাধ্যমে তেওঁক গাভি গাৰ্ল বুলি অভিহিত কৰিছিল।^৩ ইয়াৰ পিছত তেওঁ ছিন অন্নু নাম্মুদে ভিডু ছবিত অভিনেতা আছিফ আলীৰ সৈতে এটা গীতৰ দৃশ্যত অতিথি শিল্পী হিচাপে অভিনয় কৰে।^৪ চাঞ্চল্যকৰ থ্ৰিলাৰধৰ্মী ছবি ১০:৩০ এ এম লোকেল কলত তেওঁ নিম্মী নামৰ এগৰাকী যুৱতীৰ চৰিত্ৰত অভিনয় কৰে।^৪ তেওঁৰ পৰৱৰ্তী ছবি আছিল জয়ৰাজ বিজয় পৰিচালিত মানি বেক পলিচি।^৫৬

২০১৩ চনৰ মাৰ্চ মাহত শ্ৰীথাই এক বিবৃতিত প্ৰকাশ কৰে যে মালয়ালম চলচ্চিত্ৰ উদ্যোগত পোৱা চৰিত্ৰসমূহক লৈ তেওঁ সুখী নহয় আৰু সেয়ে তেওঁ তামিল চলচ্চিত্ৰ জগতলৈ গতি কৰাৰ সিদ্ধান্ত লৈছে।^৭ অৱশ্যে এই মন্তব্যৰ পিছতো তেওঁ কেইবাখনো মালয়ালম ছবিত কৰিবলৈ চুক্তিৱদ্ধ হয়, যাৰ ভিতৰত হেংঅভাৰ, ৰাস্পুতিন, উইপিং বয়, কুঠাৰা আৰু অন্নুম মিন্দাতে অন্যতম।^৮

চলচ্চিত্ৰপঞ্জী

দূৰদৰ্শন

বাহ্যিক সংযোগ

• Official website