শ্বেফালী জাৰিৱালা

শ্বেফালী জাৰিৱালা (Shefali Jariwala; ১৫ ডিচেম্বৰ ১৯৮২ – ২৭ জুন ২০২৫) এগৰাকী ভাৰতীয় অভিনেত্ৰী আৰু মডেল আছিল। তেওঁ কেইবাখনো হিন্দী সংগীত ভিডিঅʼ,^১ ৰিয়েলিটি শ্ব' আৰু চলচ্চিত্ৰত অভিনয় কৰিছিল।^২ কাঁটা লগা শীৰ্ষক মিউজিক ভিডিঅ’ত অভিনয়ৰ বাবে তেওঁ পৰিচিত। তেওঁ পৰাগ ত্যাগীৰ সৈতে ডান্স ৰিয়েলিটি শ্বʼ নাচ বলিয়ে ৫ আৰু নাচ বলিয়ে ৭-ত অংশগ্ৰহণ কৰিছিল। ২০১৯ চনত তেওঁ বিগ বছ ১৩-ত অংশগ্ৰহণ কৰিছিল। ২০১৮ চনত তেওঁ অল্ট বালাজীৰ বেবী কম না শীৰ্ষক ৱেব ধাৰাবাহিকত অভিনেতা শ্ৰেয়াছ তালপাডেৰ বিপৰীতে নায়িকাৰ চৰিত্ৰত অভিনয় কৰিছিল।^৩

ব্যক্তিগত জীৱন

২০০৪ চনত শ্বেফালী জাৰিৱালাই মীত ব্ৰাদাৰ্ছৰ সংগীতজ্ঞ হৰমীত সিঙৰ সৈতে বিবাহপাশত আবদ্ধ হৈছিল। ২০০৯ চনত শ্বেফালীয়ে হৰমীতৰ বিৰুদ্ধে অভিযোগ কৰাৰ পিছতে দম্পতীহালৰ বিবাহ বিচ্ছেদ হয়।^৪ পিছত ২০১৫ চনত তেওঁ অভিনেতা পৰাগ ত্যাগীৰ সৈতে বিবাহপাশত আবদ্ধ হয়। শ্বেফালী জাৰিৱালাই কম্পিউটাৰ এপ্লিকেচন বিষয়ত স্নাতক ডিগ্ৰী লাভ কৰিছিল।^৫

ই টাইমছ টিভিৰ সৈতে হোৱা এক সাক্ষাৎকাৰত তেওঁ প্ৰকাশ কৰে যে ১৫ বছৰ বয়সত তেওঁ প্ৰথমবাৰ মৃগীৰোগত আক্ৰান্ত হৈছিল। তেওঁ কোৱা মতে মানসিক চাপ আৰু উদ্বেগৰ বাবেই তেওঁৰ এই ৰোগ হৈছিল। ব্যায়াম-যোগাসন আদিৰ যোগেদি তেওঁ ৰোগমুক্ত হৈছিল আৰু লগতে হতাশাৰ বিৰুদ্ধে যুঁজিবলৈ চেষ্টা কৰিছিল।

২০২৫ চনৰ ২৭ জুনৰ নিশা হৃদযন্ত্ৰৰ ক্ৰিয়া বন্ধ হৈ যোৱাৰ ফলত জাৰিৱালাৰ মৃত্যু হয়।^৬৭

কৰ্মজীৱন

২০০২ চনৰ ভিডিঅʼ এলবাম কাঁটা লগাত গীত এটিত অভিনয়েৰে শ্বেফালীয়ে খ্যাতি লাভ কৰিছিল।^৮

চলচ্চিত্ৰপুঞ্জী

টেলিভিছন

চলচ্চিত্ৰ

ৱেব ধাৰাবাহিক

সংগীত ভিডিঅʼ