লোপামুদ্ৰা ৰাউত

লোপামুদ্ৰা ৰাউত (Lopamudra Raut) এগৰাকী ভাৰতীয় অভিনেত্ৰী, অভিযন্তা আৰু সৌন্দৰ্য্য প্ৰতিযোগিতাৰ খিতাপধাৰী যিয়ে মিছ ইউনাইটেড মহাদেশত ভাৰতক প্ৰতিনিধিত্ব কৰিছিল আৰু ইকুৱেডৰ (দক্ষিণ আমেৰিকা)ত আন ৪৫খন দেশৰ মাজত এই আন্তঃৰাষ্ট্ৰীয় প্ৰতিযোগিতাত জয়ী হৈছিল।ভাৰতৰ আটাইতকৈ বাঞ্ছনীয় মহিলাৰ তালিকাতো শীৰ্ষস্থান দখল কৰে লোপামুদ্ৰা ৰাউটে। ^{১২৩৪৫}

প্ৰাৰম্ভিক জীৱন আৰু শিক্ষা

১৯৯১ চনৰ ৭ অক্টোবৰত নাগপুৰত জীৱন ৰাউত আৰু ৰাগিনী ৰাউতৰ ঘৰত লোপামুদ্ৰাৰ ৰাউতৰ জন্ম হয়।^৬ তেওঁৰ এগৰাকী ভগ্নী হ'ল ভাগ্যশ্ৰী ৰাউত।^৭ এগৰাকী ইলেক্ট্ৰিকেল ইঞ্জিনিয়াৰ। জি এইচ ৰাইচনী কলেজ অৱ ইঞ্জিনিয়াৰিং নাগপুৰৰ পৰা ইলেক্ট্ৰিকেল ইঞ্জিনিয়াৰিঙত বি.ই৷^৮

কেৰিয়াৰ

মডেলিং আৰু পেজেণ্ট্ৰী

ৰাউতে ২০১৩ চনত ফেমিনা মিছ ইণ্ডিয়া গোৱাত অংশগ্ৰহণ কৰিছিল য’ত তেওঁ ১ম ৰানাৰ্ছ আপ হিচাপে অন্ত পেলাইছিল। ইয়াৰ জৰিয়তে তেওঁক ফেমিনা মিছ ইণ্ডিয়া ২০১৩ত অংশগ্ৰহণৰ বাবে প্ৰত্যক্ষ প্ৰৱেশ প্ৰদান কৰা হৈছিল, য’ত তেওঁ চূড়ান্ত প্ৰতিযোগী আছিল। ইয়াৰ পিছত তেওঁ ফেমিনা মিছ ইণ্ডিয়া ২০১৪ত অংশগ্ৰহণ কৰে য’ত তেওঁ ‘মিছ বডি বিউটিফুল’ৰ উপশিৰোনামা লাভ কৰি শীৰ্ষ ৫ ৰ ভিতৰত স্থান লাভ কৰে। সেই বছৰতে মিছ ডিভা ২০১৪ প্ৰতিযোগিতাত অংশগ্ৰহণ কৰি চূড়ান্ত প্ৰতিযোগী হিচাপে শীৰ্ষ ৭ স্থানত স্থান লাভ কৰে।^৯ ২০১৬ চনত ফেমিনাৰ আয়োজকে তেওঁক মিছ ইউনাইটেড কন্টিনেণ্টছ প্ৰতিযোগিতাত অংশগ্ৰহণৰ বাবে নিৰ্বাচিত কৰে।^৩ ২০১৬ চনৰ ২৫ ছেপ্টেম্বৰত ইকুৱেডৰৰ গুৱায়াকিলত অনুষ্ঠিত হোৱা মিছ ইউনাইটেড কন্টিনেণ্টছ ২০১৬ত ৰাউটে দ্বিতীয় ৰানাৰ্ছ আপ হিচাপে মুকুট পিন্ধিছিল।^৪

বিগ বছ আৰু চলচ্চিত্ৰত আত্মপ্ৰকাশ

২০১৬ চনত ৰাউতে কালাৰ্ছ টিভিৰ বিগ বছ ১০ত চেলিব্ৰিটি প্ৰতিযোগী হিচাপে অংশগ্ৰহণ কৰি দ্বিতীয় ৰানাৰ্ছ আপ হিচাপে আত্মপ্ৰকাশ কৰে।^১০ ২০১৭ চনত ৰাউতে ফিয়েৰ ফেক্টৰ: খাট্ৰ কে খিলাড়ী ৮-ত অংশগ্ৰহণ কৰি ছেমি ফাইনেলিষ্ট হিচাপে অন্ত পেলায়।^১১

ৰাউতে চলচ্চিত্ৰত অভিষেক ঘটিব ব্লাড ষ্ট’ৰী নামৰ মনোবৈজ্ঞানিক থ্ৰিলাৰ ছবিখনৰ জৰিয়তে।^১২

সংবাদ মাধ্যমত

টাইমছ অফ ইণ্ডিয়াৰ মহাৰাষ্ট্ৰৰ আটাইতকৈ বাঞ্ছনীয় মহিলা তালিকাত ৰাউতে ৫ম স্থান লাভ কৰে।^১৩

ইয়াৰ উপৰিও টাইমছ অৱ ইণ্ডিয়াৰ ২০১৭ চনৰ ৫০ গৰাকী আটাইতকৈ বাঞ্ছনীয় মহিলাৰ তালিকাত তেওঁ স্থান লাভ কৰিছিল।^১৪