লীনা যাদৱ

লীনা যাদৱ (Leena Yadav), জন্ম- ৬ জানুৱাৰী ১৯৭১) হৈছে এগৰাকী ভাৰতীয় ছবি পৰিচালক, প্ৰযোজক, চিত্ৰনাট্য লেখক আৰু সম্পাদক৷ লীনা যাদৱে টেলিভিছন উদ্যোগত নিজৰ কৰ্মজীৱনৰ পাতনি মেলে আৰু পৰৱৰ্তী সময়ত পূৰ্ণ দৈৰ্ঘ্যৰ চলচ্চিত্ৰ নিৰ্মাণ কৰিবলৈ আগবাঢ়ে৷ তেখেতৰ প্ৰথমখন আন্তৰ্জাতিক ছবি আছিল পাৰ্চড্৷ ২০১৫ চনত ছবিখনৰ টৰণ্টো আন্ত:ৰাষ্ট্ৰীয় চলচ্চিত্ৰ মহোৎসৱত প্ৰিমিয়াৰ হৈছিল৷^১২

প্ৰাৰম্ভিক জীৱন আৰু শিক্ষা

লীনা যাদৱে ভাৰতীয় স্থলসেনাৰ এগৰাকী জেনেৰেলৰ ঘৰত জন্মলাভ কৰিছিল৷ তেখেতৰ জন্মস্থান আছিল মধ্যপ্ৰদেশ৷ নতুন দিল্লীস্থ লেডি শ্ৰী ৰাম কলেজ ফ'ৰ ৱমেনৰ পৰা তেখেতে অৰ্থনীতি বিষয়ত অনাৰ্ছসহ স্নাতক ডিগ্ৰী লাভ কৰে৷ মুম্বাইত থকা ছ;ফিয়া কলেজৰ পৰা তেখেতে লাভ কৰে গণ সংযোগৰ শিক্ষা৷^২৩৪

ব্যক্তিগত জীৱন

খেমচান্দ প্ৰকাশৰ নাতি আৰু ৰাম গোপাল বাজাজৰ পুত্ৰ অসীম বাজাজৰ লগত লীনা যাদৱৰ যুগ্ম জীৱন আৰম্ভ হয়৷ অসীম বাজাজ এগৰাকী ভাৰতীয় চিত্ৰগ্ৰহণকাৰী আৰু চলচ্চিত্ৰ প্ৰযোজক৷ হাজাৰো খোৱাইছ' এইচি, শব্দ, ইউ মি অউৰ হাম আৰু চামেলী আদি ছবিত কেমেৰাৰ জৰিয়তে উপস্থাপন কৰা কাব্যসুলভ প্ৰতীকৰ বাবে অসীম বাজাজ জনাজাত৷ দিছ উইক ডেট ইয়েৰ নামৰ টেলিভিছন শ্ব'টো পৰিচালনা কৰি থকাৰ সময়ত লীনা যাদৱে অসীমক লগ পাইছিল৷ সেইখন আছিল লীনা যাদৱৰ প্ৰথমটো টেলিভিছন শ্ব'৷^৩

কৰ্মজীৱন

চলচ্চিত্ৰৰ সম্পাদনাৰ কামটোৰ দ্বাৰা গভীৰভাৱে প্ৰভাৱিত হৈ লীনা যাদৱে চলচ্চিত্ৰ সম্পাদনা শিকিবলৈ আৰম্ভ কৰে৷ সেইসময়ত তেখেতে গণমাধ্যমৰ বিষয়তো ডিপ্লমা কৰি আছিল৷ লীনা যাদৱে কাৰোৰে অধীনত সহকাৰী হিচাপে কাম কৰা নাছিল৷ সম্পাদনাৰ কৌশলৰ পৰাই পাছলৈ তেখেতে ছবি পৰিচালনা আৰু চিত্ৰনাট্য লিখিবলৈ শিকে৷ বিজ্ঞাপনৰ ছবিত তেখেতে সম্পাদক হিচাপে কাম কৰে, কিছুমান কৰ্পোৰেটৰ লগত কাম কৰে আৰু টেলিভিছনৰ বাবে কেতবোৰ কাম কৰে৷ তেখেতে ডিছ উইক ডেট ইয়েৰ নামৰ টিভি শ্ব'টো পৰিচালনা কৰিছিল৷ শ্ব'টো ষ্টাৰ মুভিছত সম্প্ৰচাৰিত হৈছিল৷ সফলতা লাভ কৰাৰ পাছত তেখেতে নিখিল কাপুৰৰ লগত নিজৰ প্ৰযোজনা গোষ্ঠী আৰম্ভ কৰে আৰু কিছুমান সফল শ্ব' পৰিচালনা আৰু প্ৰযোজনা কৰে৷ ^১২৩৫

টিভিৰ পৰিচালক হিচাপে, লীনা যাদৱে কল্পনাশ্ৰয়ী আৰু অ-কাহিনীমূলক দুয়োটা প্ৰকাৰৰ কামতেই হাত দিয়ে আৰু এইধৰণৰ কৰ্মত তেখেত মোটামুটি ১২ বছৰ জড়িত হৈ থাকে৷ দুখনমান জনপ্ৰিয় আৰু সফল অনুষ্ঠান হৈছে-Say Na Something to Anupam Uncle, Sanjeevani ইত্যাদি^১

মূলসুঁতিৰ চলচ্চিত্ৰ পৰিচালক হিচাপে লীনা যাদৱে পোনপ্ৰথমে শব্দ নামৰ ছবিখন পৰিচালনা কৰে৷ ছবিখনে মুক্তি লাভ কৰে ২০০৫ চনত৷ ইয়াৰ পাঁচটা বছৰৰ বিৰতিৰ মূৰত তেখেতে টিন পট্টি নামৰ ছবিখন নিৰ্মাণ কৰে৷ ^৬ পাৰ্ছড নামৰ ছবিখনত টন্নিষ্ঠা চেটাৰ্জী, ৰাধিকা আপ্টে,সুৰভিন চাওলা আৰু আদিল হুছেইনে কেইটামান গুৰুত্বপূৰ্ণ চৰিত্ৰত অভিনয় কৰিছে৷ ^৭৮লীনা যাদৱে পৰিচালনা আৰু প্ৰযোজন কৰা শেহতীয়া ছবিখন হৈছে ৰাজমা চাৱল৷ ছবিখনৰ এটা চৰিত্ৰত বৰ্ষীয়ান অভিনেতা ঋষি কাপুৰেও অভিনয় কৰিছিল৷ ^৯

পৰিচালক হিচাপে

চলচ্চিত্ৰ

টেলিভিছনৰ শ্ব

• ডিছ উইক ডেট ইয়েৰ –ষ্টাৰ মুভিজ
• ছেই না চামথিং টু অনুপম আংকল
• সঞ্জীৱনী
• গুঞ্জ – ছনি টিভি
• কহী না কহী কৌই হ্যেয় মাধুৰী দিক্ষীতৰ লগত কৰা এটা অনুষ্ঠান
• টেম্পটেছন আইলেণ্ড.
• ডেড এণ্ড.
• খৌফ^১২৫

তথ্যচিত্ৰ

• হাউছ অৱ ছিক্ৰেটছ (২০২১)^১০