লি বেজেট

মেৰী ভাৰ্জিনিয়া লি বেজেট (ইংৰাজী ভাষা: Mary Virginia Lee Badgett; জন্ম: ১৯৬০) মাছাচুচেটছ বিশ্ববিদ্যালয় আমহাৰ্ষ্টৰ এগৰাকী আমেৰিকা যুক্তৰাষ্ট্ৰন অৰ্থনীতিবিদ। লেছবিয়ান, গে' আৰু তেওঁলোকৰ পৰিয়ালৰ সৈতে জড়িত অৰ্থনৈতিক বিষয়সমূহৰ ওপৰত কৰা গৱেষণাৰ বাবে তেওঁ বিশেষভাৱে পৰিচিত।

বেজেটে ১৯৮২ চনত চিকাগো বিশ্ববিদ্যালয়ৰ পৰা অৰ্থনীতি বিষয়ত কলা শাখাৰ স্নাতক ডিগ্ৰী লাভ কৰে আৰু ১৯৯০ চনত কেলিফৰ্ণিয়া বিশ্ববিদ্যালয়, বাৰ্কলেৰ পৰা অৰ্থনীতি বিষয়ত ডক্টৰেট ডিগ্ৰী লাভ কৰে। ১৯৯০ চনৰ পৰা ১৯৯৭ চনলৈকে তেওঁ মেৰীলেণ্ড বিশ্ববিদ্যালয়, কলেজ পাৰ্কৰ অনুষদত আছিল আৰু ১৯৯৭ চনত তেওঁ মাছাচুচেটছ বিশ্ববিদ্যালয়, আমহাৰ্ষ্টত যোগদান কৰে। ২০০৫ চনৰ পৰা বেজেট ইউচিএলএ উইলিয়ামছ ইনষ্টিটিউটৰ গৱেষণা সঞ্চালক হিচাপেও কাৰ্যনিৰ্বাহ কৰি আহিছে।

বেজেটৰ গৱেষণাই সমকামী আমেৰিকানসকল বিপৰীত লিংগৰ লোকতকৈ অধিক চহকী বুলি চলি থকা ভ্ৰান্ত ধাৰণাটো ভুল বুলি প্ৰমাণ কৰিছে।^১ তেওঁ সমলিংগ বিবাহৰ চৰকাৰী স্বীকৃতিয়ে কৰ ব্যৱস্থাৰ ওপৰত পেলোৱা প্ৰভাৱৰ বিষয়েও নথিভুক্ত কৰিছে। ২০০৭ চনত তেওঁ দেখুৱাইছিল যে সমলিংগ দম্পতীয়ে একে অৱস্থানত থকা বিবাহিত বিপৰীত লিংগৰ দম্পতীবোৰতকৈ বছৰি গড়ে ১,০০০ ডলাৰতকৈ অধিক কৰ পৰিশোধ কৰে।^২ এই গৱেষণাক বহুতো কোম্পানী আৰু প্ৰতিষ্ঠানে উল্লেখ কৰিছে যিয়ে এই বৈষম্য দূৰ কৰিবলৈ তেওঁলোকৰ কৰ্মচাৰীৰ দৰমহা আৰু সুবিধাসমূহ সংশোধন কৰিছে।^২ বেজেটে কংগ্ৰেছ^৩ আৰু অন্যান্য বিধানসভাৰ সন্মুখত বিশেষজ্ঞ সাক্ষী হিচাপে সাক্ষ্য দিছে,^৪ লগতে প্ৰস্তাৱ ৮-ৰ বিচাৰকে ধৰি সমলিংগ বিবাহ সম্পৰ্কীয় বিভিন্ন গোচৰতো অংশগ্ৰহণ কৰিছে।^৫

গ্ৰন্থপঞ্জী

• দ্য ইকনমিক কেচ ফৰ এলজিবিটি ইকুৱালিটি: হোৱাই ফেয়াৰ এণ্ড ইকুৱেল ট্ৰিটমেণ্ট বেনিফিটছ আছ অল (বেকন প্ৰেছ, ২০২০)
• দ্য পাব্লিক প্ৰফেচৰ: হাউ টু ইউজ ইয়ৰ ৰিচাৰ্ছ টু চেঞ্জ দ্য ৱৰ্ল্ড (এনৱাইইউ প্ৰেছ, ২০১৫)
• হোৱেন গে পিপল গেট মেৰীড: হোৱাট হেপেন্স হোৱেন চচাইটিজ লিগালাইজ চেম-চেক্স মেৰেজ (এনৱাইইউ প্ৰেছ, ২০০৯)
• সহ-সম্পাদক, চেক্সুৱেল অৰিয়েণ্টেচন ডিস্ক্ৰিমিনেশ্যন: এন ইণ্টাৰনেশ্যনেল পাৰ্চপেক্টিভ (ৰাউটলেজ, ২০০৭)
• মানি, মিথছ, এণ্ড চেঞ্জ: দ্য ইকনমিক লাইভছ অৱ লেচবিয়ানছ এণ্ড গে মেন (ইউনিভাৰ্চিটি অব চিকাগো প্ৰেছ, ২০০১)

বাহ্যিক সংযোগ

• "লি বেজেট", অনুষদৰ পৰিচয়, অৰ্থনীতি বিভাগ, মাছাচুচেটছ বিশ্ববিদ্যালয় আমহাৰ্ষ্ট
• "লি বেজেট", অনুষদৰ পৰিচয়, পৰিয়াল গৱেষণা কেন্দ্ৰ, মাছাচুচেটছ বিশ্ববিদ্যালয় আমহাৰ্ষ্ট
• "চিলেক্টেড ৱৰ্কছ", মাছাচুচেটছ বিশ্ববিদ্যালয় আমহাৰ্ষ্ট স্কলাৰৱৰ্কছ