য়ুভাল নোৱা হাৰাৰি

য়ুভাল নোৱা হাৰাৰি (יובל נח הררי; জন্ম-২৪ ফেব্ৰুৱাৰী ১৯৭৬) হৈছে এগৰাকী ইজৰাইলী ইতিহাসবিদ, প্ৰসিদ্ধ লেখক, আৰু জেৰুজালেমৰ হিব্ৰু বিশ্ববিদ্যালয়ৰ এগৰাকী অধ্যাপক।^১ তেওঁ বহুকেইখন জনপ্ৰিয় বিজ্ঞান-সাহিত্যৰ লেখক। তেওঁৰ তিনিখন গ্ৰন্থৰ নাম হৈছে চেপিয়েনছ: এ ব্ৰিফ হিষ্ট্ৰী অৱ হিউমেনকাইণ্ড (২০১৪), হ'ম' ডিউছ: এ ব্ৰিফ হিষ্ট্ৰী অৱ টুম'ৰ' (২০১৬), আৰু টুৱেণ্টি ওৱান লেছনছ্ ফ'ৰ দ্য টুৱেণ্টি ফাৰ্ষ্ট চেঞ্চুৰী(২০১৮)। তেওঁৰ ৰচনাসমূহে মুক্ত মন, সচেতনতা, বুদ্ধিমত্তা আৰু সুখক সামৰি লয়।

জীৱনী

হাৰাৰিৰ জন্ম হৈছিল ১৯৭৬ চনত, ইজৰাইলৰ কিৰয়াট আট্টাত আৰু প্ৰতিপালিত হৈছিল এটা ইহুদী পৰিয়ালত।^২৩ হাৰাৰি এজন গেই(Gay)।^৪ ২০০২ চনত হাৰাৰিয়ে তেওঁৰ জীৱনসংগী ইটজিক য়াহাভক লগ পায় যাক হাৰাৰিয়ে "ইণ্টাৰনেট অৱ অল থিংছ" বুলি অভিহিত কৰে।^৫৬ য়াহাভে হাৰাৰিৰ ব্যক্তিগত মেনেজাৰৰ ভূমিকাও পালন কৰে।^৭ তেওঁলোকৰ বিবাহ কানাডাৰ টৰণ্টত সম্পন্ন হয়।^৮ দম্পতীটোৱে জেৰুজালেমৰ মছাভত (একধৰণৰ সমবায়ভিত্তিক কৃষিনিৰ্ভৰ সমাজ) বাস কৰে।^{৯১০১১}

হাৰাৰিয়ে কয় যে; ২০০০ চনত অক্সফৰ্ডত থাকোঁতে তেওঁ আৰম্ভ কৰা ৱিপাশনা ধ্যানে তেওঁৰ জীৱন সলনি কৰি পেলাইছে।^১২১৩ তেওঁ প্ৰত্যেকদিনাই এই ধ্যান দুঘণ্টাকৈ কৰে। একঘণ্টা দিনটোৰ প্ৰাৰম্ভত আৰু এঘণ্টা দিনটোৰ শেষত।^১৪), আৰু প্ৰতিবছৰে তেওঁ ত্ৰিশ বা ততোধিক দিন ধ্যানৰ বাবে সম্পূৰ্ণ নিৰ্জনতাত যাপন কৰে। সেইখিনি সময়ত তেওঁ কিতাপ নপঢ়ে আৰু ছ'ছিয়েল মিডিয়াতো প্ৰৱেশ নকৰে।^১৫১৬ তেওঁ ধ্যাণৰ এজন সহকাৰী শিক্ষকো।^১৭

হাৰাৰি এজন ভেগান (Vegan), আৰু^৩১৮২০১৯ চনৰ জানুৱাৰী মাহলৈকে তেওঁৰ কোনো স্মাৰ্টফোন নাই।^১৯

শৈক্ষিক জীৱন

জেৰুজালেমৰ হিব্ৰু বিশ্ববিদ্যালয়ত হাৰাৰিয়ে ১৯৯৩ চনৰ পৰা '৯৮লৈকে মধ্যযুগীয় ইতিহাস আৰু সামৰিক ইতিহাস অধ্যয়ন কৰে আৰু সেইবিষয়ত বিশেষজ্ঞ হৈ উঠে। ষ্টিভেন জে. গানৰ অধীনত অক্সফৰ্ডৰ জেছাছ কলেজৰ পৰা তেওঁ ২০০২ চনত নিজৰ গৱেষণা শেষ কৰে। ২০০৩ চনৰ পৰা ২০০৫ লৈকে হাৰাৰিয়ে "য়াড হানাডিভ"ৰ জলপানি লৈ ইতিহাস বিষয়ত নিজৰ প'ষ্ট ডক্টৰেলৰ অধ্যয়ন শেষ কৰে।^২০

সাহিত্যিক জীৱন

এতিয়ালৈকে হাৰাৰিৰ একাধিক গ্ৰন্থ আৰু ৰচনা প্ৰকাশিত হৈছে। তেওঁৰ কেইখনমান গুৰুত্বপূৰ্ণ ৰচনা হৈছে- স্পেচিয়েল অপাৰেছ্যনছ্ ইন দ্য এ'জ অৱ চিভাল‌্‌‌ৰি,১১০০–১৫৫০;^২১ দ্য আল্টিমেট এক্সপ্ৰিয়েন্স:বেটলফিল্ড ৰিভিলেছনছ্ এণ্ড দ্য মেকিং অৱ মডাৰ্ণ ৱাৰ কালছাৰ, ১৪৫০–২০০০;^২২ আদি।

হাৰাৰিৰ প্ৰথমখন গ্ৰন্থ ছেপিয়েনছ: এ ব্ৰিফ হিষ্ট্ৰী অৱ হিউমেনকাইণ্ড ২০১১ চনত প্ৰকাশিত হৈছিল। তাৰপিছত ২০১৪ চনত গ্ৰন্থখন ইংৰাজী ভাষাত প্ৰকাশিত হয়। ইয়াৰ পিছত গ্ৰন্থখন ৪৫টা ভাষালৈ অনূদিত হৈছে।^২৩ এই গ্ৰন্থখনত মানৱ ইতিহাসৰ সম্পূৰ্ণ ৰূপৰেখাৰ এক ছবি অঙ্কিত হৈছে। গ্ৰন্থখনৰ হিব্ৰু সংস্কৰণটো ইজৰাইলত "বেষ্ট ছেলাৰ" হিচাপে পৰিচিত হয়। কিতাপখনে বৌদ্ধিক সমাজত এক উৎসুকতাৰ জন্ম দিয়ে আৰু হাৰাৰিক এগৰাকী চেলেব্ৰেটীলৈ ৰূপান্তৰিত কৰে।^২৪

২০১৬ চনত তেওঁৰ দ্বিতীয়খন গ্ৰন্থ "হ'ম' ডিউছ" প্ৰকাশ হয়। এইখন গ্ৰন্থত তেওঁ হ'ম' ছেপিয়েনছৰ ভৱিষ্যত সম্পৰ্কে নানান সম্ভাৱনা আৰু আলোচনা লিপিবদ্ধ কৰে।^২৫ হ'ম' ডিউছত হাৰাৰিয়ে মানুহৰ ভৱিষ্যত তেওঁলোকৰ অতীত আৰু বৰ্তমানৰ ওপৰত নিৰ্ভৰশীল বুলি বিশ্লেষণ দাঙি ধৰে। হাৰাৰিৰ মতে; "ডাটাবাদ"(dataism)নামৰ এক দৰ্শন অথবা দৃষ্টিভংগী ভৱিষ্যতৰ পৃথিৱীত মূৰ দাঙি উঠিব।^২৬২৭

২০১৮ চনৰ ৩০ আগষ্টত তেওঁৰ তৃতীয়খন গ্ৰন্থ "টুৱেণ্টি ওৱান লেছনছ্ ফ'ৰ দ্য টুৱেণ্টি ফাৰ্ষ্ট চেঞ্চুৰী" প্ৰকাশিত হয়।^২৮২৯ এইখনি গ্ৰন্থত হাৰাৰিয়ে বৰ্তমান পৃথিৱীৰ বহুকেইটা গুৰুত্বপূৰ্ণ বিষয়ত নিজা চিন্তা ব্যাখ্যা কৰে।^{৩০৩১৩২}

বঁটা-সন্মান

"সৃজনীশীলতা আৰু স্বকীয়তা"ৰ বাবে ২০০৯ আৰু ২০১২ চনত দুবাৰকৈ হাৰাৰি পলনস্কি বঁটাৰে সন্মানীত হয়। ২০১১ চনত সামৰিক ইতিহাসত উৎকৃষ্ট ৰচনা লিখাৰ বাবে হাৰাৰিয়ে "সামৰিক ইতিহাস সমাজ"ৰ পৰা ম'নকাডো বঁটা লাভ কৰে। ২০১২ চনত হাৰাৰি "বিজ্ঞানৰ যুৱ ইজৰাইলী একাডেমী"লৈ নিৰ্বাচিত হয়।^৩৩

বাহ্যিক সংযোগ

• আনুষ্ঠানিক ৱেবছাইট
• মানৱ-উত্থান বিষয়ত হাৰাৰিয়ে "টেড"ৰ মঞ্চত প্ৰদান কৰা এটা বক্তৃতা।