মেধা শ্ৰী দাহিয়া

মেধা শ্ৰী দাহিয়া (ইংৰাজী ভাষা: Medha Shri Dahiya) এগৰাকী ভাৰতীয় সাংবাদিক।^১২ তেওঁ ১৫ বছৰ ধৰি সংবাদ জগতৰ সৈতে জড়িত হৈ আছে।^১ তেওঁৰ কামৰ মূল ক্ষেত্ৰসমূহ হ'ল গোলকীয় সাহিত্য,^৩ বহুমুখী কলা,^৪ মানৱীয় অভিজ্ঞতা,^৫৬৭ সামাজিক বিষয়,^৮৯ সৃষ্টিশীল জীৱনশৈলী,^১০ হিন্দী চলচ্চিত্ৰ উদ্যোগ^১১১২ আৰু নেতৃত্ব।^{১৩১৪১৫}

কৰ্মজীৱন

দাহিয়াই ভাৰতৰ সৰ্ববৃহৎ ইংৰাজী দৈনিক দ্য টাইমছ অৱ ইণ্ডিয়া^১৬ আৰু হিন্দুস্তান টাইমছৰ সৈতে কাম কৰিছে।^১৭ তেওঁ বৰ্তমান এখন ট্ৰ’ল-মুক্ত ছচিয়েল মিডিয়া এপ্লিকেচন 'ৱাইল্ড্ৰ'ত (Wildr) ভাৰতৰ গ্ৰাহক সফলতা মুৰব্বী (Head of Customer Success) হিচাপে কাৰ্যনিৰ্বাহ কৰি আছে।^{১৫১৮১০১৯} ২০২০ চনত তেওঁ এটা ব্লগিং প্লেটফৰ্ম 'os.me'-ৰ মুখ্য সম্পাদিকা হিচাপে দায়িত্ব গ্ৰহণ কৰে।^২০ পৰৱৰ্তী সময়ত তেওঁ চনু চুদৰ দ্বাৰা সহ-প্ৰতিষ্ঠিত ছচিয়েল মিডিয়া এপ্লিকেচন 'এক্সপ্ল’জাৰ'ত (Explurger) সমল আৰু যোগাযোগ মুৰব্বী হিচাপে কাম কৰিছিল।^১৮

তেওঁ কলিংগ লিটাৰেৰী ফেষ্টিভেলৰ এগৰাকী পৰামৰ্শদাতা।^২১ ইয়াৰ উপৰিও তেওঁ 'মিলছ অৱ হেপিনেছ' (Meals of Happiness) নামৰ বেচৰকাৰী সংস্থাটোৰ উপদেষ্টা পৰিষদৰ সদস্যা।^২২

বিতৰ্ক

এটা সাক্ষাৎকাৰত দাহিয়াই কেশসজ্জাশিল্পী স্বপ্না ভাৱনানীৰ এটা উদ্ধৃতি দিছিল য’ত তেওঁ কৈছিল, "ছলমান খানে নিৰ্বোধ চিনেমাৰ মাজত বান্দৰৰ দৰে নাচে।"^২৩ হিন্দুস্তান টাইমছত সাক্ষাৎকাৰটো প্ৰকাশ পোৱাৰ পিছত স্বপ্নাক অনলাইনত সমালোচনা কৰা হয়।^২৪ ইয়াৰ পিছতে স্বপ্নাই মেধা শ্ৰীৰ সৈতে টুইটাৰত তৰ্কত লিপ্ত হয়।^২৫ স্বপ্নাই দাহিয়াক 'ক্লিকবেটি শিৰোনাম' ব্যৱহাৰ কৰাৰ অভিযোগ উত্থাপন কৰে।^২৫ এই ঘটনাটো সংবাদ মাধ্যমত বহুলভাৱে চৰ্চিত হৈছিল। পিছলৈ হিন্দুস্তান টাইমছৰ এটা প্ৰবন্ধত দাহিয়াই লিখিছিল যে স্বপ্নাই এই বিশেষ উদ্ধৃতিটো দি থাকোতে বাৰে বাৰে কৈছিল— ‘আপুনি মোক এইটো কথা উদ্ধৃত কৰিব পাৰে’।^২৬

দ্য টাইমছ অৱ ইণ্ডিয়াৰ এটা প্ৰবন্ধত দাহিয়াই প্ৰকাশ কৰিছিল যে ভাৰতীয় চলচ্চিত্ৰ অভিনেত্ৰী সুস্মিতা সেন আৰু প্ৰীতি জিণ্টাই দিল্লী বিশ্ববিদ্যালয়ৰ স্কুল অৱ অ'পেন লাৰ্নিঙত স্নাতক পাঠ্যক্ৰমত নাম ভৰ্তি কৰিছিল, কিন্তু ডিগ্ৰী সম্পূৰ্ণ নকৰাকৈয়ে তেওঁলোকে নাম প্ৰত্যাহাৰ কৰিছিল।^২৭

বহিঃসংযোগ

• মেধা শ্ৰী দাহিয়াৰ লেখক পৃষ্ঠা
• কলিংগ লিটাৰেৰী ফেষ্টিভেলৰ ৱেবছাইটত মেধা শ্ৰী দাহিয়া