মিশা ভাৰতী

মিশা ভাৰতী^{১ ২}(Misha Bharti, জন্ম-২২ মে' ১৯৭৬) বিহাৰ ৰাজ্যৰ এগৰাকী ভাৰতীয় ৰাজনীতিবিদ৷ তেওঁ লালু প্ৰসাদ আৰু ৰাবৰি দেৱীৰ কন্যা^৩। ২০১৬ চনৰ জুন মাহত তেওঁ ৰাজ্যসভাৰ দ্বিবাৰ্ষিক নিৰ্বাচনৰ বাবে দলৰ পৰা মনোনীত হৈছিল আৰু বিহাৰৰ পৰা ৰাম জেঠমালানীৰ সৈতে বিনা প্ৰতিদ্বন্দ্বিতাৰে নিৰ্বাচিত হৈছিল।^৪ বৰ্তমান তেওঁ পাটলীপুত্ৰৰ পৰা সংসদৰ সদস্য হিচাপে কাৰ্যনিৰ্বাহ কৰি আছে।^৫

প্ৰাথমিক জীৱন আৰু শিক্ষা

১৯৭৬ চনত বিহাৰৰ দুগৰাকী প্ৰাক্তন মুখ্যমন্ত্ৰী লালু প্ৰসাদ আৰু তেওঁৰ পত্নী ৰাবৰি দেৱীৰ ঘৰত মিশা ভাৰতীয়ে জন্মগ্ৰহণ কৰিছিল। লালুৱে নিজৰ কন্যাৰ নাম মিশা আইনৰ নামেৰে মিশা ৰাখিছিল, যাৰ বাবে তেওঁ জন্মৰ সময়ত জৰুৰীকালীন অৱস্থাত কাৰাগাৰত আছিল।^৬ পিতৃ-মাতৃৰ নটা সন্তান (৭ জন কন্যা আৰু ২ জন পুত্ৰ)ৰ ভিতৰত তেওঁ জ্যেষ্ঠ।^৭

মিশাই ১৯৯৩ চনত জামছেদপুৰৰ এম জি এম মেডিকেল কলেজত টিস্কো কোটাত এম বি বি এছ পাঠ্যক্ৰমত যোগদান কৰে, যিটো বিশেষ সুবিধা তেওঁৰ পিতৃৰ ৰাজনৈতিক প্ৰভাৱৰ সৈতে জড়িত, যদিও তেওঁৰ কোম্পানীটোৰ সৈতে কোনো ধৰণৰ সম্পৰ্ক নাছিল। পিছত নিৰাপত্তাজনিত কাৰণত তেওঁক পাটনা মেডিকেল কলেজ হাস্পতাললৈ স্থানান্তৰ কৰা হয়। মিশাই পিএমচিএইচত স্ত্ৰীৰোগ বিজ্ঞানৰ এমবিবিএছ পৰীক্ষাত দৃশ্যমানভাৱে অবৈধ উপায়েৰে শীৰ্ষস্থান দখল কৰাৰ অভিযোগ উত্থাপন হৈছে।^{৮৯১০১১১২} বিবাহৰ প্ৰতি থকা দায়বদ্ধতা আৰু ঘৰখন পৰিচালনা কৰাক কাৰণ বুলি উল্লেখ কৰি তেওঁ কেতিয়াও চিকিৎসক হিচাপে কাম কৰা নাছিল।^১৩১৪

ব্যক্তিগত জীৱন

১৯৯৯ চনৰ ১০ ডিচেম্বৰত মিশা ভাৰতীয়ে কম্পিউটাৰ অভিযন্তা শৈলেশ কুমাৰৰ সৈতে বিবাহপাশত আবদ্ধ হয়।^১১দম্পতীটোৰ তিনিগৰাকী সন্তান৷ দুগৰাকী কন্যা আৰু এজন পুত্ৰ।^১৫

ৰাজনৈতিক জীৱন

ৰাষ্ট্ৰীয় জনতা দলৰ টিকটত পাটলিপুত্ৰৰ পৰা ২০১৪ চনৰ লোকসভা নিৰ্বাচনত মিশা ভাৰতীয়ে প্ৰতিদ্বন্দ্বিতা কৰিছিল। লালু প্ৰসাদৰ আটাইতকৈ বিশ্বাসযোগ্য ব্যক্তি ৰাম কৃপাল যাদৱৰ হাতত তেওঁ পৰাস্ত হয়। ২০১৬ চনৰ জুন মাহত তেওঁ ৰাজ্যসভা নিৰ্বাচনৰ বাবে দলটোৰ প্ৰাৰ্থী আছিল আৰু বিহাৰৰ পৰা ৰাম জেঠমালানীৰ সৈতে বিনা প্ৰতিদ্বন্দ্বিতাৰে নিৰ্বাচিত হৈছিল।^১৬২০১৯ চনৰ লোকসভা নিৰ্বাচনত পুনৰ পাটলিপুত্ৰৰ পৰা বিজেপিৰ ৰাম কৃপাল যাদৱৰ হাতত তেওঁ পৰাস্ত হয়।^{১৭১২১৮} ২০২৪ চনৰ লোকসভা নিৰ্বাচনত লালু প্ৰসাদৰ কন্যা মিশা ভাৰতীয়ে পাটলীপুত্ৰৰ আসনৰ পৰা ৮৫,১৭৪ টা ভোটত জয়লাভ কৰে।^{১৯২০২১}