মাধুৰী ভট্টাচাৰ্য

মাধুৰী ভট্টাচাৰ্য এগৰাকী ভাৰতীয় অভিনেত্ৰী আৰু প্ৰাক্তন মডেল, যিয়ে কন্নড় আৰু বলিউডৰ হিন্দী চলচ্চিত্ৰত অভিনয় কৰিছে।^১২

প্ৰাৰম্ভিক জীৱন

বেংগালুৰুৰ এটা বঙালী পৰিয়ালত জন্মগ্ৰহণ কৰা ভট্টাচাৰ্যই আৰ্মী পাব্লিক স্কুলত অধ্যয়ন কৰিছিল আৰু পৰৱৰ্তী সময়ত মাউণ্ট কাৰমেল কলেজত মনোবিজ্ঞান আৰু ৰামাইয়া কলেজত আইন অধ্যয়ন কৰিবলৈ যায়। মডেলিং কেৰিয়াৰ গঢ়িবলৈ মুম্বাইলৈ যোৱাৰ আগতে তেওঁ পিতৃ-মাতৃৰ সৈতে বেংগালুৰুৰ আৰ.টি. নগৰত বাস কৰিছিল।^৩ চলচ্চিত্ৰ জগতত প্ৰৱেশ কৰাৰ পূৰ্বে তেওঁ 'মিছ বেংগালুৰু' খিতাপকে ধৰি কেইবাটাও সৌন্দৰ্য প্ৰতিযোগিতাত জয়লাভ কৰিছিল।^৪ বৰ্তমান তেওঁ ব্যৱসায়ী অনুৰাগ আৰ্যৰ সৈতে বিবাহপাশত আবদ্ধ হৈছে।

কৰ্মজীৱন

ভট্টাচাৰ্যই কানাড়া চলচ্চিত্ৰ খুছি আৰু বিচি বিচিৰ জৰিয়তে নিজৰ অভিনয় জীৱন আৰম্ভ কৰিছিল। তেওঁ চনু নিগমৰ এলবাম নিনে বাৰি নিনেৰ দুটা ভিডিঅ'তো মডেল হিচাপে কাম কৰিছিল।^৫ তেওঁ ছাহাৰা ৱানৰ টেলিভিছন ধাৰাবাহিক কুছ লাভ কুছ মস্তীত অভিনয় কৰিছিল যিখন জনপ্ৰিয় ধাৰাবাহিক ছেক্স এণ্ড দ্য চিটিৰ ভাৰতীয় সংস্কৰণ আছিল।^৬৭ ২০০৯ চনত তেওঁ বেচেলৰ পাৰ্টি আৰু ৩ নাইটছ ৪ ডেজ নামৰ দুখন বলিউডৰ ছবিত অভিনয় কৰে।^৮ ২০১০ চনৰ কমেডী ছবি প্ৰেম কা গেমত অৰবাজ খানৰ বিপৰীতে তেওঁ প্ৰথমটো পূৰ্ণাংগ চৰিত্ৰ লাভ কৰে।^৯ ২০১১ চনত তেওঁ ধৰ্মেন্দ্ৰ আৰু ববী দেউলে অভিনয় কৰা যমলা পাগলা দিৱানা ছবিৰ জনপ্ৰিয় আইটেম চং "টিংকু জিয়া"ত অভিনয় কৰিছিল।^১০ তেওঁৰ তৃতীয় কানাড়া ছবি প্ৰসাদৰ কাম সম্পূৰ্ণ কৰিছে, য'ত তেওঁ এজন আঠবছৰীয়া বধিৰ-মূক ল’ৰাৰ মাতৃৰ চৰিত্ৰত অভিনয় কৰিছে।^১১