মথুৰা পেড়া

মথুৰা পেড়া (Mathura Peda) এক উত্তৰ ভাৰতীয় অতি জনপ্ৰিয় মিঠাই। ইয়াৰ উৎপত্তিস্থল ভাৰতৰ মথুৰা। গাখীৰৰ পৰা প্ৰস্তুত কৰা উত্তৰ ভাৰতীয় এক উপকৰণ খয়া বা মাৱাৰ পৰা তৈয়াৰ কৰা হয়।^১ মথুৰা পেড়া ভাৰতত ইমানেই প্ৰসিদ্ধ তথা জনপ্ৰিয় যে মুখে মুখে বহুতো যোজনা যেনে "मथुरा का पेड़ा औ छत्तीसगढ़ का खेड़ा" (অৰ্থাৎ মথুৰাৰ পেড়া আৰু ছত্তিসগড়ৰ খেড়া) প্ৰচলিত।^২ পেড়াৰ বাবে মথুৰাৰ এক বাণিজ্যিক চিন্হ বা ট্ৰেডমাৰ্ক হিচাপে ব্যৱহৃত হয়।^৩ ভ্ৰমণ কালত মথুৰাৰ পেড়া, মেৱা ভাতি পেড়া আৰু ৰপ্তানিযোগ্য বিশেষ পেড়ায়ে পৰ্যটক সকলক আকৃষ্ট কৰে।^৪এই মিঠাই খাদ্যৰ পদ হিচাপে ভাৰতৰ ভৌগলিক অস্তিত্বৰ ইংগিত দিয়ে।

জন্মাষ্টমী ভোগ

কৃষ্ণৰ জন্মভূমি মথুৰাত জনপ্ৰিয় প্ৰসাদ হিচাপে মথুৰা পেড়েৰা বিতৰণ কৰা হয়।^৫ তাজা মেৱা, চেনি, গাখীৰ আৰু ঘিঁৰ লগত অতিৰিক্ত সোৱাদৰ বাবে ইলাচী একেলগ মিলাই ৰান্ধি ইয়াক প্ৰস্তুত কৰা হয়। আজিকালি ভাৰতত পেড়াৰ অবিহনে যেন জন্মাষ্টমী অপূৰ্ণ বুলি কোৱা হয়। প্ৰতি বছৰে এই দিনা পেড়া তৈয়াৰ কৰি কৃষ্ণৰ নামত উৎসৰ্গা কৰা হয় আৰু ইয়াৰে উপবাস ভাঙা হয়।^৬

বিশ্বব্যাপী প্ৰসিদ্ধি

মথুৰাৰ বাহিৰেও ভাৰতৰ অন্যান্য পৰ্যটন স্থানত মথুৰাৰ পেড়া, আগ্ৰাৰ পেঠা আৰু মানেৰৰ লাড্ডুৰ সমানে জনপ্ৰিয়।^৭ ভাৰতীয় মিঠাইৰ ভিতৰত মথুৰাৰ পেড়ায়ে এক সুকীয়া স্থান দখল কৰি আছে।

এনড্ৰইদ নামাৰণ মতানৈক্য

গুগলে যেতিয়া পৰৱৰ্তী এনড্ৰইদ সংস্কৰণৰ নাম ভাৰতীয় মিঠাইৰ নামত নামাকৰণ কৰিব বুলি ঘোষণা কৰিছিল, বিভিন্ন পৰামৰ্শিত নামৰ ভিতৰত মথুৰা পেড়াও আছিল। কিন্তু ভাৰত চৰকাৰে কোনো এটা নাম সঠিককৈ নিৰ্বাচন কৰিব নোৱাৰা বাবে গুগলে উক্ত প্ৰস্তাৱটি ২০১৮ চনলৈ পিছুৱাই দিয়ে।^৮

লোকসাহিত্য

ভাৰতীয় লোকসাহিত্যত মথুৰাৰ পেড়াৰ স্বাদ দেখিবলৈ পোৱা যায়। "মথুৰা কা পেড়ে মোহে লাও, খিলায়ে জি....."(তেওঁ মোক মথুৰাৰ পেড়া আনি খাবলৈ দিলে) ছন্দ পূজন গীত ভাৰতত অতি জনপ্ৰিয়।^৯১০

ৰন্ধন প্ৰণালীৰ লিংক

• নিশা মাধুলিকা
• সঞ্জীৱ কাপুৰ
• Youtube video