ভখা

ভখা পশ্চিমবংগ, সীমাঞ্চল আৰু দক্ষিণ-পূব নেপালৰ ৰাজবংশী আৰু থাৰু জনগোষ্ঠীৰ পৰম্পৰাগত খাদ্য। ই এটা ফুলা বা কোমল চাউলৰ পিঠা।^১২৩

ইয়াৰ প্ৰস্তুতকৰণ প্ৰক্ৰিয়া অসমৰ টেকেলি পিঠাৰ দৰেই। পিহি লোৱা চাউলৰ গুড়ি পানীত লাহে লাহে তিয়াই হাতৰ তলুৱাৰে মথি ভখা প্ৰস্তুত কৰা হয়। তাৰ পিছত ইয়াক চালনীৰে বালিৰ দানা আকাৰৰ টুকুৰা পৃথক কৰা হয়। চালনীৰে চালি লোৱা চাউলৰ গুড়িবোৰ এটা বাটিত লাহে লাহে চেপি ভাপত দিয়া হয়। পৰম্পৰাগতভাৱে পানীৰ উষ্ণতাৰ ওপৰত নিৰ্ভৰ কৰি মাটিৰ পাত্ৰত ৩০ ছেকেণ্ড বা এক মিনিটৰ বাবে ভাপত দিয়া হয়। ইয়াক ব্ৰেকফাষ্টত বা সদ্য প্ৰস্তুত কৰা টমেটোৰ আচাৰৰ সৈতে জলপান হিচাপে পৰিৱেশন কৰা হয়।^৪৫৬