ঢাকানে

ঢাকানে ( ढकने), এক প্ৰকাৰৰ মিঠা পোলাও, নেপালত উৎপত্তি হোৱা চাউলৰ পৰা তৈয়াৰী খাদ্য। নেপালৰ সকলো ঠাইতে ইয়াৰ জনপ্ৰিয়তা, পূব নেপালত যথেষ্ট বেছি আৰু ঠাই অনুসৰি ইয়াক বিভিন্ন নামেৰে জনা যায়। যদিও ই মিঠা খাদ্য, তথাপিও ইয়াক ডেজাৰ্ট হিচাপে পৰিৱেশন কৰিব নোৱাৰি, কাৰণ ই এক গধুৰ খাদ্য। সাধাৰণতে উৎসৱ বা বিশেষ অনুষ্ঠানৰ সময়ত ইয়াক ৰাতিৰ আহাৰ বা দুপৰীয়াৰ আহাৰ হিচাপে পৰিৱেশন কৰা হয়।.^১ ইয়াক প্ৰায়ে পায়সৰ সৈতে বা নোহোৱাকৈয়ো পৰিৱেশন কৰা হয়।^২

ইয়াৰ উৎপত্তি পূব নেপালত আৰু ইয়াৰ উৎপত্তি নেপালৰ ঢাকাল জাতিৰ পৰা হোৱা বুলি দাবী কৰা হয়। এতিয়াও নেপালৰ ঢাকালৰ মাজত ই বহুলভাৱে জনপ্ৰিয়।