বি. বিজয়কুমাৰ

বি. বিজয়কুমাৰ ( B Vijayakumar; জন্ম: ১৯৭৮) একাধাৰে লিখক, অধ্যাপক, সম্পাদক৷ তেখেত জন্মসূত্ৰে তামিলনাডু ৰাজ্যৰ বাসিন্দা যদিও বৰ্তমান কৰ্মসূত্ৰে অসমত আছে৷ তেখেত গুৱাহাটী বিশ্ববিদ্যালয়ৰ আধুনিক ভাৰতীয় ভাষা আৰু সাহিত্য অধ্যয়ন বিভাগৰ তামিল শাখাৰ এজন অধ্যাপক৷ অসম আৰু অসমীয়া ভাষাত তামিল ভাষা-সাহিত্যৰ প্ৰচাৰ আৰু প্ৰসাৰৰ হকে তেওঁ বহুকেইখন অনুবাদমূলক গ্ৰন্থ প্ৰকাশ কৰিছে৷ সেইদৰে অসমীয়া ভাষাৰ বিভিন্ন সাহিত্যৰাজিও তেওঁ তামিল ভাষালৈ অনুবাদ কৰিছে৷ ^১

জন্ম আৰু বংশ পৰিচয়

তেখেতৰ জন্ম হয় ১৯৭৮ চনত নাগাপাট্টিনাম জিলাত৷ পিতৃৰ নাম কে. বালায়ন আৰু মাতৃৰ নাম বি.মানিয়াম্মল৷

শিক্ষা

• অন্নামলাই বিশ্ববিদ্যালয়ৰপৰা তামিল ভাষা সাহিত্যত বিষয়ত এম.এ ডিগ্ৰী, ২০০৪ ^১
• অন্নামলাই বিশ্ববিদ্যালয়ৰপৰা ভাষাতত্ত্ব বিষয়ত এম.এ ডিগ্ৰী, ২০১৩
• অলাগপ্পা বিশ্ববিদ্যালয়ৰপৰা তামিল ভাষা সাহিত্যত এম.ফিল ডিগ্ৰী, ২০০৬
• ভাৰতদৰ্শন বিশ্ববিদ্যালয়ৰপৰা ডক্টৰেড ডিগ্ৰী গ্ৰহণ, ২০১০

গ্ৰন্থ

• তামিল স্ক্ৰীপ্ট, আধুনিক ভাৰতীয় ভাষা আৰু সাহিত্য অধ্যয়ন বিভাগ, গুৱাহাটী বিশ্ববিদ্যালয়, ২০১৬^১
• তামিল স্ক্ৰীপ্ট, আধুনিক ভাৰতীয় ভাষা আৰু সাহিত্য অধ্যয়ন বিভাগ, গুৱাহাটী বিশ্ববিদ্যালয়, ২০১৭
• Recall Vocabulary: Tamil - English - Assamese), ২০১৯^২
• A Dictionary of Tamil-English-Assamese, ২০১৭
• কাৰ বাবে এই ক্ৰন্দন (অনুবাদ, সহযোগী অনামিকা ৰাজবংশী), ২০১৯
• নিৰ্বাচিত তামিল চুটিগল্প সংগ্ৰহ (অনুবাদ, সহযোগী অনামিকা ৰাজবংশী), ২০২০^৩
• তামিল ভাষা আৰু সাহিত্য পৰিচয়, ২০২০^৪

বঁটা আৰু সন্মান

• হায়াৰচেকেণ্ডৰী পৰীক্ষাত তামিলনাডুৰ ভিতৰতে তৃতীয় নম্বৰত উত্তীৰ্ণ হোৱাত তামিল চৰকাৰৰ পৰা সোণৰ পদক লাভ, ১৯৯৫
• তামিল চুদৰ বঁটা, থিৰুক্কুৰল এচচিয়েশ্যনৰপৰা, ২০১২
• ডক্টৰ ৰাধাকৃষ্ণন বঁটা, পুডুভাই তামিল সঙ্গম আৰু কুমাৰচময় মিনা কলেজৰপৰা, ২০১৯
• ইয়ং স্কলাৰ এৱাৰ্ড, ২০২০ ^১