বিষ্ণু ৰাভা স্মৃতি উদ্যান

বিষ্ণু ৰাভা স্মৃতি উদ্যান বা সমন্বয় ক্ষেত্ৰ কলাগুৰু বিষ্ণুপ্ৰসাদ ৰাভাৰ সমাধিক্ষেত্ৰ। ২০০৫ চনত এই সমন্বয় ক্ষেত্ৰখন স্থাপিত হয়। বৰ্তমান এই ক্ষেত্ৰখন উদ্যানৰ দৰে সঁজাই তোলা হৈছে। তেজপুৰ পাৰিপাৰ্শ্বিক সমিতিৰ দ্বাৰা এই উদ্যানখন পৰিচালিত। ভৈৰৱী মন্দিৰৰ পৰা পূবলৈ আগুৱাই গ'লে চানমাৰি পাহাৰৰ কাষত থকা বেলটিকা শ্মশানত ১৯৬৯ চনৰ ২০ জুন তাৰিখে বিষ্ণুপ্ৰসাদ ৰাভা দেৱৰ অন্তিম সৎকাৰ কৰা হয়। বৰ্তমান এই শ্মশানখন কিছুদূৰ আঁতৰলৈ তুলি নিয়া হয়। ইয়াৰ সমীপতে আছে একালৰ নৰবলি পাহাৰ। এই অংশতে মৰাভৰলী সূঁতি আৰু ব্ৰহ্মপুত্ৰ নৈৰ সংযোগ ঘটিছে।^১