অসমীয়া বিশ্বকোষঅসম আৰু অসমীয়া ভাষাৰ জ্ঞানকোষ
অৱদান
সমাজ আৰু জীৱনধাৰা

বাৰ্মুদা ফিশ চাউডাৰ

বাৰ্মুদা ফিশ চাউডাৰ (Bermuda fish chowder) হৈছে এবিধ 'চাউডাৰ' জাতীয় চূপ যাক বাৰ্মুদাৰ ৰাষ্ট্ৰীয় খাদ্য হিচাপে গণ্য কৰা হয়। ইয়াৰ প্ৰধান উপাদানবোৰ হৈছে মাছ, বিলাহী আৰু পিয়াঁজ, যাক 'ব্লেক ৰাম' আৰু গৰম চচৰ সৈতে সোৱাদযুক্ত কৰা হয়।

অসমীয়া ৱিকিপিডিয়াৰ অৱদানকাৰীসকল হালনাগাদ: ২৮ মাৰ্চ ২০২৬ ২৫০ শব্দ · ১ মিনিট সংগৃহীত ৮৫
সংশোধনৰ পৰামৰ্শ

বাৰ্মুদা ফিশ চাউডাৰ (Bermuda fish chowder) হৈছে এবিধ 'চাউডাৰ' জাতীয় চূপ যাক বাৰ্মুদাৰ ৰাষ্ট্ৰীয় খাদ্য হিচাপে গণ্য কৰা হয়।১২ ইয়াৰ প্ৰধান উপাদানবোৰ হৈছে মাছ, বিলাহী আৰু পিয়াঁজ, যাক 'ব্লেক ৰাম' আৰু গৰম চচৰ সৈতে সোৱাদযুক্ত কৰা হয়। বিশ্বাস কৰা হয় যে এই ৰেচিপিটো ১৭ শতিকাত বাৰ্মুদাত থকা ইংৰাজ উপনিৱেশিকসকলে তৈয়াৰ কৰিছিল।

প্ৰস্তুত প্ৰণালী

বাৰ্মুদা ফিশ চাউডাৰৰ মূল উপাদানসমূহ হ’ল মাছৰ ষ্টক, মাছৰ ফিলেট আৰু বিলাহীৰ পিউৰী।৩ অন্যান্য উপাদানবোৰ সাধাৰণতে শাক-পাচলি আৰু বিভিন্ন বনৌষধি তথা মছলা।

মূল উপাদানসমূহৰ পৰা আৰম্ভ কৰি ইয়াৰ বহুতো ভিন্নতা দেখা যায়। এটা ৰেচিপিত এক কাপ কটা পিঁয়াজ, চেলৰী আৰু গাজৰৰ লগতে টুকুৰা কৰা গাহৰিৰ মাংস আৰু এটুপি ওৰচেষ্টাৰশায়াৰ চচ ব্যৱহাৰ কৰা হয়।৪ আন এটা ৰেচিপিত বগা মাছৰ ফিলেট (কড, গ্ৰুপাৰ, টাইলফিশ বা স্নেপাৰ), পিঁয়াজ, গাজৰ, চেলৰী, বটা নহৰু, অলুণ্ঠিত মাখন, তেজপাত, থাইম, অলস্পাইচ, ওৰচেষ্টাৰশায়াৰ চচ, ব্লেক ৰাম আৰু চেৰী পেপাৰ চচ ব্যৱহাৰ কৰা হয়।৫ ৰক ফিশ বা চি-বাছৰ দৰে অন্যান্য মাছো ব্যৱহাৰ কৰিব পাৰি।৬

বাৰ্মুদা ফিশ চাউডাৰৰ ঘনত্ব গাখীৰ বা ক্ৰীমেৰে ডাঠ কৰা 'চাউডাৰ'বোৰতকৈ বহু পাতল।৩ ইয়াক কেতিয়াবা 'বুইয়াবেইচ'ৰ সৈতে তুলনা কৰা হয়।৭

পৰম্পৰাগত মছলা

পৰম্পৰাগত ৰেচিপিবোৰ ব্লেক ৰাম আৰু "চেৰী পেপাৰ চচ"ৰ দ্বাৰা সোৱাদযুক্ত কৰা হয়। এই চেৰী পেপাৰ চচ হৈছে চেৰী সুৰা আৰু মচলাত তিয়াই থোৱা জলকীয়াৰে তৈয়াৰী এবিধ জ্বলা চচ।৩৭ স্থানীয়ভাৱে উৎপাদিত 'আউটাৰব্ৰীজেছ অৰিজিনেল চেৰী পেপাৰ চচ' বাৰ্মুদাৰ কেইটামান ৰপ্তানি সামগ্ৰীৰ ভিতৰত অন্যতম। ১৯৯০ চনৰ 'এল এ টাইমছ'ৰ এটা প্ৰবন্ধত উল্লেখ কৰা হৈছে যে "দ্বীপটোত এটা কথা চলিত আছে" যে বাৰ্মুদা ফিশ চাউডাৰত আউটাৰব্ৰীজেছৰ চচ থাকিবই লাগিব।২ বাৰ্মুদাৰ ডিষ্টিলাৰী 'গছলিং ব্ৰাদাৰ্ছ'ৰ দ্বাৰা তৈয়াৰী 'ব্লেক চীল ৰাম'কো এই চূপটোত ব্যৱহাৰ কৰা পৰম্পৰাগত ৰাম বুলি গণ্য কৰা হয়।৮

ইতিহাস

বিশ্বাস কৰা হয় যে এই ৰেচিপিটো ১৭ শতিকাত বাৰ্মুদাত থকা ব্ৰিটিছ উপনিৱেশিকসকলে তৈয়াৰ কৰিছিল।১ চেৰী পেপাৰ চচও সেই সময়ৰ পৰাই চলি অহা এক বাৰ্মুদাৰ পৰম্পৰা। ইয়াক "পেপাৰ ৱাইন" বুলি কোৱা হৈছিল আৰু নাৱিকসকলে নষ্ট হ'বলৈ ধৰা খাদ্যবোৰ সোৱাদযুক্ত কৰিবলৈ ইয়াক ব্যৱহাৰ কৰিছিল।২

বাহ্যিক সংযোগ

তথ্যসূত্ৰ

  1. ↑ Kelly, Daviot. (8 March 2007). A taste of Guyana and Bermuda. Jamaica Gleaner
  2. ↑ Hillinger, Charles. (30 January 1990). Peppers profiting packer. The Bulletin. Australian Consolidated Press
  3. ↑ Blumenthal, Deborah. (6 June 1982). Island Fish Chowder: It's Got that Zing. The New York Times
  4. ↑ Spitler, Sue. (March 2009). 1,001 Delicious Soups and Stews: From Elegant Classics to Hearty One-Pot Meals. Agate. ISBN 978-1-57284-091-1
  5. ↑ (October 2000). Bermuda Fish Chowder. Epicurious
  6. ↑ (19 February 1974). Bermuda Fish Chowder A Good "Next Day" Dish. Schenectady Gazette
  7. ↑ Clark, Charles T. (24 June 2010). Jasper White gives local clam shacks a run for the money. The Day
  8. ↑ Lahuta, David. (24 September 2009). 36 Hours in Bermuda. The New York Times

সম্পৰ্কিত শ্ৰেণী

ৰাষ্ট্ৰীয় ব্যঞ্জন

উৎস আৰু অনুজ্ঞাপত্ৰ

উৎস: অসমীয়া ৱিকিপিডিয়া। এই প্ৰবন্ধটো অসমীয়া ৱিকিপিডিয়াৰ “বাৰ্মুদা ফিশ চাউডাৰ” প্ৰবন্ধৰ সংশোধন ৫৯৫৮৫১ (২৮ মাৰ্চ ২০২৬)ৰ পৰা আনি অসমীয়া বিশ্বকোষৰ গাঁথনিলৈ ৰূপান্তৰ কৰা হৈছে। মূল লেখকসকলৰ তালিকা সম্পাদনা-ইতিহাসত উপলব্ধ। পাঠ্য CC BY-SA 4.0।

এই প্ৰবন্ধটো উদ্ধৃত কৰক