বাম্বা বাক্য

ভক্কীয়াৰাজ ( ইংৰাজী: Bhakkiyaraj; ৩১ অক্টোবৰ ১৯৮০ – ২ ছেপ্টেম্বৰ ২০২২), জনপ্ৰিয়ভাৱে তেওঁৰ মঞ্চনাম বাম্বা বাক্য, এজন ভাৰতীয় তামিল^১ প্লেবেক গায়ক আৰু সংগীতজ্ঞ আছিল। তেওঁ প্ৰধানকৈ সংগীত সুৰকাৰ এ আৰ ৰহমানৰ সৈতে অসংখ্য ছবিত সহযোগিতাৰ কাম কৰিছিল।^২ দক্ষিণ আফ্ৰিকাৰ জনপ্ৰিয় সংগীতজ্ঞ বাম্বাৰ দৰেই এ আৰ ৰহমানে তেওঁৰ বাবে গীত গাবলৈ কোৱাৰ পিছত তেওঁ বাম্বা বাক্য নাম লাভ কৰে। পিছলৈ ই মঞ্চনামৰ লগতে তেওঁৰ পৰিচয় হিচাপে পৰিগণিত হয়। তেওঁৰ অনন্য বেৰিটনৰ বাবে সুপৰিচিত আছিল।^৩

এ আৰ ৰহমানে তেওঁক ২০১০ চনৰ ৰাৱনন ছবিত অন্তৰ্ভুক্ত কৰিছিল, য'ত তেওঁ "কেদাকৰী" গীতটো গাইছিল (সেই সময়ত তেওঁক ভক্যৰাজ হিচাপে কৃতিত্ব দিয়া হৈছিল)।

২০২৪ চনত এ আৰ ৰহমানে প্ৰকাশ কৰে যে এ আইৰ সহায়ত বাম্বা বাক্য আৰু অন্যান্য প্ৰয়াত গায়ক শ্বাহুল হামিদৰ কণ্ঠ আৰ্হিক আগন্তুক ছবি লাল চালামৰ'থিমিৰি য়েজুদা' ট্ৰেকটো ৰচনা কৰাত ব্যৱহাৰ কৰা হৈছিল।^৪

কেৰিয়াৰ

গায়ক হিচাপে বাক্যৰ অভিষেক ঘটে এছ শংকৰৰ পৰিচালিত ২.০ ছবিত। উক্ত ছবিৰ বাবে তেওঁ প্ৰথমটো একক গীত "পুলিনংগল" গাইছিল, যিটো তৎক্ষণাত হিট হৈ চাৰ্টবাষ্টাৰ হৈছিল। চলচ্চিত্ৰ জগতত প্ৰৱেশৰ পূৰ্বে তেওঁ বেছিভাগেই ভক্তিমূলক গীত গাইছিল।^৫ অকাল মৃত্যুৰ পূৰ্বে তেওঁ মণি ৰত্নমৰ ঐতিহাসিক নাটক ছবি পনিয়িন চেলভান: আইৰ বাবেও কণ্ঠদান কৰিছিল।^২

মৃত্যু

বুকুত তীব্ৰ বিষ হোৱাত বাক্যক চেন্নাইৰ এখন চিকিৎসালয়ত ভৰ্তি কৰোৱা হৈছিল যদিও ২০২২ চনৰ ২ ছেপ্টেম্বৰ তাৰিখে, মাত্ৰ ৪১ বছৰ বয়সত হৃদযন্ত্ৰৰ ক্ৰিয়া বন্ধ হৈ তেওঁৰ মৃত্যু হয়। ^৩৬