বনিতা সান্ধু

বনিতা সান্ধু (Banita Sandhu; জন্ম: ২২ জুন ১৯৯৭)^১ এগৰাকী ৱেলছ অভিনেত্ৰী।^২৩ তেওঁ ভাৰতীয় চলচ্চিত্ৰত অভিনয় কৰাৰ বাবে পৰিচিত। ২০১৮ চনত, অক্টোবৰ নামৰ হিন্দী ছবি এখনত অভিনয়েৰে তেওঁ চলচ্চিত্ৰ জগতত খোজ দিয়ে। ইয়াৰ পিছত, ২০১৯ চনত তামিল ছবি আদিত্য বৰ্মা আৰু আমেৰিকীয় কল্পবিজ্ঞান ধাৰাবাহিক পেণ্ডোৰাত তেওঁ অভিনয় কৰে।

প্ৰাৰম্ভিক জীৱন

১৯৯৭ চনৰ ২২ জুন তাৰিখে, ৱেলছৰ কেৰলিয়ন চহৰত, এটি শিখ ধৰ্মাৱলম্বী ব্ৰিটিছ পৰিয়ালত সান্ধুৱে জন্মগ্ৰহণ কৰিছিল।^৪ তেওঁ ১১ বছৰ বয়সৰ পৰাই অভিনয় কৰিবলৈ আৰম্ভ কৰিছিল।^৫ কিংছ কলেজত, ইংৰাজী সাহিত্যত স্নাতক ডিগ্ৰী পঢ়িবলৈ, ১৮ বছৰ বয়সতেই তেওঁ লণ্ডনলৈ গুচি গৈছিল।^৩

কৰ্মজীৱন

কৰ্মজীৱনৰ আৰম্ভণিতেই সান্ধুৱে ৰিগলি কোম্পানীৰ ডাবলমিণ্ট নামৰ চ্যুইংগাম আৰু ভোডাফ'ন ভাৰতৰ বিজ্ঞাপনত এটিত অভিনয় কৰিছিল।^৩৬ ২০১৮ চনত, তেওঁ অভিনেতা বৰুণ ধৱন বিপৰীতে অক্টোবৰ নামৰ হিন্দী ছবিখন এখনত অভিনয়েৰে চলচ্চিত্ৰত অভিষেক ঘটায়। ২০১৯ চনত, আমেৰিকীয় টিভি ধাৰাবাহিক পেণ্ডোৰা^৭ আৰু তামিল ছবি আদিত্য বৰ্মাত তেওঁ অভিনয় কৰে।^৮ পৰৱৰ্তী সময়ত, তেওঁ হিন্দী চলচ্চিত্ৰ চৰ্দাৰ উধাম^৯ আৰু ব্ৰিটিছ চলচ্চিত্ৰ কবিতা এণ্ড টেৰেছাত অভিনয় কৰে।^১০১১

চলচ্চিত্ৰপুঞ্জী

চলচ্চিত্ৰ

দূৰদৰ্শন

সংগীত ভিডিঅʼ