ফায়াৰ (১৯৯৬ চলচ্চিত্ৰ)

ফায়াৰ ( Fire) দীপা মেহতা ৰচিত আৰু পৰিচালিত ১৯৯৬ চনৰ এখন ভাৰত-কানাডিয়ান ইৰ’টিক ৰোমান্টিক নাট্যধৰ্মী ছবি। ইয়াক শাবানা আজমী আৰু নন্দিতা দাসে অভিনয় কৰিছে। মেহতাৰ এলিমেণ্টছ ত্ৰিল’জীৰ এইখন প্ৰথম ছবি; পৰৱৰ্তী ছবি দুখন হ’ল আৰ্থ (১৯৯৮) আৰু ৱাটাৰ (২০০৫)।

ফায়াৰ ১৯৪২ চনৰ ইছমত চুগটাইৰ কাহিনী "লিহাফ"ৰ ওপৰত শিথিলভাৱে আধাৰিত।^১ এইখন সমকামী সম্পৰ্ক স্পষ্টভাৱে দেখুওৱা প্ৰথম মূলসুঁতিৰ বলীউডৰ ছবিসমূহৰ ভিতৰত অন্যতম আৰু সমলৈংগিক সম্বন্ধ দেখুওৱা প্ৰথম ছবি।^২৩ ১৯৯৮ চনত ভাৰতত মুক্তি পোৱাৰ পিছত বহু কেইটা সংগঠনে প্ৰতিবাদ সাব্যস্ত কৰে, যাৰ ফলত সমকামিতা আৰু বাক স্বাধীনতাৰ দৰে বিষয়ক কেন্দ্ৰ কৰি ৰাজহুৱা আলোচনাৰ ঢৌ আৰম্ভ হয়।^৪৫

প্ৰতিক্ৰিয়া

১৯৯৮ চনৰ মে' মাহত ভাৰতৰ চলচ্চিত্ৰ প্ৰমাণীকৰণ ব'ৰ্ডে (চেণ্ট্ৰেল ব'ৰ্ড অৱ ফিল্ম চাৰ্টিফিকেচন) প্ৰাপ্তবয়স্ক ৰেটিং দি কোনো কাটকুট নকৰাকৈ গৃহীত কৰে; একমাত্ৰ চৰ্ত আছিল সীতাৰ চৰিত্ৰটোৰ নাম নীতালৈ সলনি কৰা।[9] ব'ৰ্ডে ভাৰতীয় মহিলাসকলৰ বাবে কাহিনীটোৰ গুৰুত্ব আছে বুলি কোৱাৰ ভিত্তিত এই সিদ্ধান্ত লয়।^৬ ১৯৯৮ চনৰ ১৩ নৱেম্বৰত প্ৰথম প্ৰদৰ্শিত হোৱা এই ছবিখন সমগ্ৰ ভাৰতৰ প্ৰায়বোৰ মহানগৰৰ ৪২ টা ছবিগৃহত প্ৰায় তিনি সপ্তাহ ধৰি হাউচফুল চলিছিল।^৭

২ ডিচেম্বৰত ২০০ৰো অধিক শিৱ সেনাই মুম্বাইৰ উপনগৰ গোৰেগাঁৱৰ চিনেমেক্স থিয়েটাৰত আক্ৰমণ চলায়,[12] ছবিগৃহটোৰ কাঁচোবৰ ভাঙি পোষ্টাৰ জ্বলাই দিয়ে আৰু শ্লোগান দিয়ে।^৮৯ তেওঁলোকে ছবিগৃহসমূহক চিনেমা চোৱা লোকসকলক টিকট ঘূৰাই দিবলৈ বাধ্য কৰাইছিল।