প্ৰৱতী পাৰিদা

প্ৰৱতী পাৰিদা (Pravati Parida, জন্ম: ১২ মে' ১৯৬৬) উৰিষ্যাৰ এগৰাকী ৰাজনীতিবিদ৷ ২০২৪ চনৰ পৰা মোহন মাঝিৰ অধীনত ওড়িশাৰ প্ৰথম মহিলা আৰু ৫ম উপ-মুখ্যমন্ত্ৰী হিচাপে পৰিগণিত হয়। তেওঁ মহিলা আৰু শিশু উন্নয়ন, মিছন শক্তি, আৰু পৰ্যটন মন্ত্ৰী। ভাৰতীয় জনতা পাৰ্টিক প্ৰতিনিধিত্ব কৰি পুৰী জিলাৰ নিমাপাড়া বিধান সভা সমষ্টিৰ বিধায়িকা। ২০২৪ চনৰ ওড়িশা বিধানসভাৰ নিৰ্বাচনত তেওঁ জয়লাভ কৰে। ^১২৩

প্ৰাৰম্ভিক জীৱন আৰু শিক্ষা

প্ৰৱতী পাৰিদা নিমাপাৰাৰ বাসিন্দা। প্ৰাক্তন চৰকাৰী চাকৰিয়াল শ্যাম সুন্দৰ নায়কৰ লগত তেওঁ বিবাহপাশত আবদ্ধ হয়। ১৯৯৫ চনত উৎকল বিশ্ববিদ্যালয়ত তেওঁ এল এল বি সম্পূৰ্ণ কৰে আৰু একে বছৰতে কিছুদিনৰ বাবে ওড়িশা উচ্চ ন্যায়ালয়ত অধিবক্তা হিচাপে যোগদান কৰে।^৪ পিছলৈ ২০০৫ চনত ৰাজহুৱা প্ৰশাসনত তেওঁ উৎকল বিশ্ববিদ্যালয়ৰ পৰা কলা শাখাত স্নাতকোত্তৰ ডিগ্ৰী লাভ কৰে।^৫

কৰ্মজীৱন

২০২৪ চনৰ উৰিষ্যা বিধানসভাৰ নিৰ্বাচনত নিমাপাড়া বিধানসভা সমষ্টিৰ পৰা ভাৰতীয় জনতা দলৰ হৈ প্ৰতিদ্বন্দ্বিতা কৰি পাৰিদাই জয়লাভ কৰিছিল৷^৬ তেওঁ বিজু জনতা দলৰ দিলীপ কুমাৰ নায়কক ৪,৫৮৮ টা ভোটৰ ব্যৱধানত পৰাভূত কৰে৷ তেওঁ ৯৫,৪৩০ টা ভোট লাভ কৰিছিল৷^৭৮

২০২৪ চনৰ ১২ জুনত ভুৱনেশ্বৰৰ জনতা ময়দানত কনক বৰ্ধন সিং দেও আৰু মোহন চৰণ মাঝিৰ সৈতে প্ৰৱতী পাৰিদাই ওড়িশাৰ উপ-মুখ্যমন্ত্ৰী হিচাপে শপত গ্ৰহণ কৰে। ৰাজ্যপাল ৰঘুবৰ দাসে শপত পালন কৰে। প্ৰধানমন্ত্ৰী নৰেন্দ্ৰ মোডী, গৃহমন্ত্ৰী অমিত শ্বাহ, প্ৰতিৰক্ষা মন্ত্ৰী ৰাজনাথ সিংৰ লগতে ১০খন বিজেপি শাসিত ৰাজ্যৰ মুখ্যমন্ত্ৰী শপত গ্ৰহণ অনুষ্ঠানত উপস্থিত আছিল।^{৯১০১১৪১২} তেওঁ ওড়িশাৰ প্ৰথমগৰাকী মহিলা উপ মুখ্যমন্ত্ৰী হিচাপে পৰিগণিত হয়।^১৩